تذكرني !
تابعنا على
منتديات العاشق



قديم 03-08-2018, 09:02 AM   #181
روح هالِـ×ـه ~
 
الصورة الرمزية BeautifuL StrangeR
رقـم العضويــة: 268289
تاريخ التسجيل: Sep 2013
العـــــــــــمــر: 27
الجنس:
المشـــاركـات: 8,495
مــرات الشكر: 3
نقـــاط الخبـرة: 1279

Icons13 رد: مأساة روح {هالكه} في اوراق تائهه ~

مجريات يوم الاثنين كان 18\5\3 , وكان من انكد ايام حياتي , اتكاتلت مع اخوي واحد وهو اللي بكصده بالكلام ع الصور ..~ِ





وهدا الدرج المفضل عندي , لما اكون مخنوكه بجب ازور هدا الدرج , لانه كتير مخفي وهادي ومحدش بيمر فيه من الناس والاحلى مرات بلاكي هر بنبسط معه لاني بعشقهم .~.


||



بحدب هدا الدرج وبحب المنظر وهو اول درج اعرفته بس بكره انه في ناس كتير , بكره الناس ودايما بنخنق لما اشوف حواليا ناس كتير ..~

||



||



يوم السبت اشتريت هاي الضمه من كاسكو , لانو بعد التجربه شوفت كاسكو ضمم الورد تبعته احسن شي بانها بتصمد بلاوي عندي , وخاصه انهم بعطوها نص مفتوح لهيك بتفتح عندي الورد لهيك جد جد بعشق اشتري الورد من كاسكو ..~

||



من الصور اللي حاططهم ع الحيط تبع غرفتي هو هاي المقوله , عشان كل ما اكتئب اشوفها واحكي لحالي بانو راح اضل اركض وراح اضل اتعب ومش راح اوصل وانه ما بعد الصبر الا القبر , عشان ما اخلي عندي امل بانو بكرا احلى ..~
BeautifuL StrangeR متواجد حالياً   رد مع اقتباس
قديم 03-08-2018, 09:11 AM   #182
روح هالِـ×ـه ~
 
الصورة الرمزية BeautifuL StrangeR
رقـم العضويــة: 268289
تاريخ التسجيل: Sep 2013
العـــــــــــمــر: 27
الجنس:
المشـــاركـات: 8,495
مــرات الشكر: 3
نقـــاط الخبـرة: 1279

Icons13 رد: مأساة روح {هالكه} في اوراق تائهه ~

الثلاثاء والاربعا 6 و7 الشهر ما عملت اشي محرز وما افضيت اصور , خاصه الاربعا اللي هو اليوم لان امبارح كان عليا شفت ليل صعب طويل 15 ساعه , بس اوصلت البيت نمت من 10 الصبح لل 4 العصر ومع هيك لسا نعسانه وهيني بدي اخلص من الصور اللي بجهازي مشان ارجع انام ..~



اليوم وانا كاعده باب البيت لان كنت مخنوكه من البيت , وبحب اطلع اكعد ع العتبه تبعت الباب برى ومرات ادردش مع جيرانا وخاصه الختيار السُكرجي .
BeautifuL StrangeR متواجد حالياً   رد مع اقتباس
قديم 03-12-2018, 05:08 AM   #183
روح هالِـ×ـه ~
 
الصورة الرمزية BeautifuL StrangeR
رقـم العضويــة: 268289
تاريخ التسجيل: Sep 2013
العـــــــــــمــر: 27
الجنس:
المشـــاركـات: 8,495
مــرات الشكر: 3
نقـــاط الخبـرة: 1279

Icons13 رد: مأساة روح {هالكه} في اوراق تائهه ~

السلام عليكم..

كتير تعبانه ومشغوله وحاله، ارجعت اشتغل خمس ليالي شفتات ليل وكل ليله 15 ساعه، وارجع عالبيت انام للعصر واصحى اكل واجهز حالي واطلع عالشغل، هيك حياتي، وفوق هاد مشاكل بالشغل ومصايب، مشاكل مع اخوي واحد، مبتعده عن الكل لانو معنديش وكت لحد، واليوم بلّش التوكيت الصيفي وكديش بكرهه بأول اسبوع. بتمنى تكونوا بخير..~
BeautifuL StrangeR متواجد حالياً   رد مع اقتباس
قديم 03-13-2018, 03:25 AM   #184
روح هالِـ×ـه ~
 
الصورة الرمزية BeautifuL StrangeR
رقـم العضويــة: 268289
تاريخ التسجيل: Sep 2013
العـــــــــــمــر: 27
الجنس:
المشـــاركـات: 8,495
مــرات الشكر: 3
نقـــاط الخبـرة: 1279

Icons13 رد: مأساة روح {هالكه} في اوراق تائهه ~

صورت عن يوم الاحد والاثنين , بين الضباب والغيم والشمس ..~

11 و 12 شهر 3



||





||






~
BeautifuL StrangeR متواجد حالياً   رد مع اقتباس
قديم 03-13-2018, 03:32 AM   #185
روح هالِـ×ـه ~
 
الصورة الرمزية BeautifuL StrangeR
رقـم العضويــة: 268289
تاريخ التسجيل: Sep 2013
العـــــــــــمــر: 27
الجنس:
المشـــاركـات: 8,495
مــرات الشكر: 3
نقـــاط الخبـرة: 1279

Icons13 رد: مأساة روح {هالكه} في اوراق تائهه ~

هالاسبوعين المرّو , ادمنت واحد من الحلّقان اللي عندي مع انه مش فضه , كنت البسه كل يوم يوم , حتى بشفتات الليل واشيله قبل ما اعبر الشغل ..~



بعيد عن انه عاجبني شكله , الاحلى انه حتى لو كبير كتير خفيف وعملي وبلبق على كلشي بلبسه , ولحد الان مش زهكانته من مره ..~

اما بخصوص الباقي اللي حكيت عنهم هون اكبس ..~

|
BeautifuL StrangeR متواجد حالياً   رد مع اقتباس
قديم 03-18-2018, 08:38 AM   #186
روح هالِـ×ـه ~
 
الصورة الرمزية BeautifuL StrangeR
رقـم العضويــة: 268289
تاريخ التسجيل: Sep 2013
العـــــــــــمــر: 27
الجنس:
المشـــاركـات: 8,495
مــرات الشكر: 3
نقـــاط الخبـرة: 1279

Icons13 رد: مأساة روح {هالكه} في اوراق تائهه ~

السلام عليكم ..~

ايش ايش واخيرا الليله انا نايمه بالبيت , وعفكره صرت اشتاك للمدونه , شو رايكم اعمل تسجيل صوتي ؟ اخ بس مش ناكصني اتغلّب واضيّع وكت بتزبيط الصوت وبالاخر احكي حكي بنحكاش واحتفظ بالتسجيل الصوتي لحالي ..~ لهيك ان شاء الله الليله راح اسهر عالمدونه واخلّص كل الصور اللي عندي ..~ وبلكي اعاود اعمل تسجيل صوتي ..~ كلشي مش مضمون !

اول شكرا لكل حد متابع , لكل حد عم يقيّم , وراح اضل اعيد وازيد باني بعرفش ارد ع الكلام الحلو اللي بتحكوه او اللي بتعملوه ..~ شكرا حجم السما ..~ وشكرا حجم البحر والسمك اللي فيه !



||

اخر شي كنت احكي عنه عن يوم الاثنين 12 شهر 3

كان عليا شفت شفت نهار كم ساعه , وخلصته الظهر وبعدها اتلاقيت مع اختي اماني وكعدنا شوي مع بعض اكيد لازم نشرب كهوه وطلبنا ستار بوكس , بعدها ارجعت عالبيت وكعدت شوي لوكت ما كان عليا شفت ليل , وكالعاده شفتات الليله صعبه موت عالاخر , مع كل اللي بشتغل معهم , كلنا صرنا نكره العميل اللي بنشتغل معه من كتر ما هي حيوانه , والكل بحكي انو بده يترك الشغل , ومن صعوبته ولان الشركه اللي بشتغل معاها رهيبه , صارت تخلَي اتنين بشتغلوا مع بعض بنفس الوكت , بالبدايه اكرهته لاني بكره اشتغل مع حد , انا صبيه بكره الناس وبكره التعامل معهم , وبحب الروتين اللي اضل اتعامل مع شخص واحد بس , احفظه عشان اعرف اتعامل معه عشان بديش وجع راس منه , عشان الكل صار بده يترك الشغل , كصه انو اتنين بشتغلوا مع بعض صارت اهوّن بشوي , ومع هيك شغلي 15 ساعه بالليل وبضّل ع اجريّا وظهري ومفاصل اجريّا بوجعوا كتير , لدرجه انو انا هلكيت حاطط لزكه ظهر ليشد ظهري لانو بكدرش امشي من التعب ..~

خلصت شفت الليل وبلّش يوم الثلاثاء .. واجيت عالبيت ونمت طول النهار, واجى عندي اخوي واحد حوالي العصر , كعدنا نحكي زي عوايدنا , ع كد ما بنتكاتل وانا من جواي بعتبره منتهي عندي , بس بضل صديق وبضل اخو وبضل قدوتي , وهو صاير يحب كهوه كولمبيا اللي انا كمان عنجد صارت المفضله عندي لانو مفعولها قوي وعنجد بصحى عليها وزاكيه لانو كل مابيجي عندي اد مكانش شارب كهوه بطلب مني اني اعمله , بعدها جهزت حالي وكان عليا شفت ليل , اطلعت ع شفت الليل وكان مع صبيه اول مره بدي اشتغل معاها وبعرفها نايطه يعني بترمي الشغل عليّا , هدا شو اسمعت عنها , وبالزبط انجنيت منها واتكاتلت معاها ..~

خلصت شفت الليل واجى نهار يوم الاربعا .. اللي هو باعتبار من ايام عطلتي واللي بنام فيه بالبيت , كنت طبعا جعانه زي عوايدي , بوصل البيت من التعب بالشغل جعانه ومهدوده وباكل اي شي كدامي عشان اعرف انام , بس مرات بلاكيش اشي اكله , وبتفكع معي بانو جعانه وتعبانه وفش اكل , عطول بطلب اكل يجي عالدار من الجوع وحتى لو بكون ضعف السعر , وصح كنت مخططه انو اختي اماني تيجي عندي لهيك بعد ما اكلت ضلييت صاحيه عشان اختي باي وكت راح تيجي , وصلت اختي البيت عندي وحكتلي فش مكان للسياره اصفها , يلا تعي نطلع نشرب كهوه برى , وهلكيت ليش كنا مخطيطين نشوف بعض ولو ساعه , عشان زي ما حكتلكم باول الاشي وهو بدي حد يحط اللزكات ع ظهري , لانو خلص مكنتش كادره من ظهري وهاي مشكله انو تكون بالغربه لحالك , واشي راح اعترف فيه وهو اني بكره امرض وانا بالغربه وفش حد عندي , حتى لو خواتي عندي بس بضل انو مش عايشين معي , انو محدش يعمل الاكل الي ومحدش يجيبلي كاسه النسكافيه الي وانا بالتخت زي ما امي الله يخليها كانت تعملي , يمكن انا دلوعه بهاي الكصه انو لما امرض كتير بدي حد يدير باله عليا بالاكل خصوصا , واشي تاني كمان انا بنت تقليديه بشغلات الكديمه , يعني بيحكو عني اني ختياره لاني بحب شغلات الختايره , زي متلا اللزكه , هاي انا بطلب من اي حد بيجي من الضفه انو يجيبلي اللزكه لانو تبعات الضفه اقوى , وسبحان الله بطيب عليهم , بحب كصص ستّي اللي هي جدتي وبحب طرق علاجها واكلهاا مع اني بكرهها ستي ! المهم اطلعت مع اختي وميّلنا ع برجر كينك اللي عنا بالحاره , لانو كنت بدي كهوه , وكعدنا شوي وبعدها ارجعت عالبيت ولانو يوم عطلتي , ولانو الحمد لله اللزكه شدت ظهري , عطول نظفت البيت , وانا لما اكون تعبانه ونعسانه بحب اشوف افلام او مسلسلات , ولانو اكتشفت بانو اد باكلش بغرفتي , بضّل عرفتي نظيفه , وغير انه تلفزيون الصاله اكبر من تلفزيون غرفتي , صرت اشبك اللاب توب ع تلفزيون الصاله واضل بالصاله اغلب الوكت .. ضليت اشوف لوكت ما اجى اخوي واحد , وشو جابلي ؟ جابلي ازكى كهوه عندي .. هلكيت لانو احنا مدمنين كهوه , كل ما بدنا نشرب بنشتري من اي مكان , وهو هدا اللي صار معه , كان مره رايح عالشغل وميّل عند كازيه واشترى منها كهوه , وعجبته , وعطول اتزكرني , راح اشترى واحد تانيه وجابها الي وحكالي شو رايك فيها ؟ اول ما اشربتها مكانش عليها لا حليب ولا منكّه ولا كافيميت ولا اشي , وكان طعمها كهوه تكيله رهيبه , بتدخل المزاج عطووول , ومن وكتها صار كل ما يمّر من الكازيه يجيبلي كاسه كبيره , ويوم الاربعا اجى بس مر مرور عالدار عشان يعطيني الكهوه واتسهل , وانا كنت جعانه وجاي عبالي جاج بباي , واتصلت ع اخوي تلات وحكتله اني بالبيت اليوم وانت جاي جيب بباي , اجى اخوي بدري عالبيت وجاب الجاج , اتعشينا وكان مكسور عليا نوم , حوالي ع 8 روحت حطيت راسي ونمت ..~

اصحيت يوم الخميس ومكانش عليا شفتات نهار الحمد لله , اصحيت حوالي 10 الصبح او بعد , نمت فوق ال 12 ساعه سحبه واحده , وعطول فتحت اللاب توب وكملت مشاهده وبين الاكل والنوم وتنظيف البيت والتلفونات ,ضليت هيك يوم الخميس , وكان عليا شفت ليل , جهزت حالي واتسهلت ع شفت ليل لابو موزه استغفر الله بس , يلا الحمد لله ع كل حال ..~

خلصت شفت الليل وكان يوم الجمعه , اجيت ركاض عالنوم , واصحيت حوالي العصر , وبلشت اصحصح , لوكت ما جهزت حالي لانو كان عليا شفت ليل , واتسهلت ع شفت الليل , ويالله شو كانت ليله صعبه , ويالله شو اني عصبيه , يعني مرات بحكي اكيد راح انطرد ع عصبيتي ..~

وخلّص شفت الليل واخيرا اجى يوم السبت الحمد لله , اجيت عالبيت وحطيت راسي ونمت , واصحيت وكنت جعانه , بس حكيت اسحبي حالك واطلعي اشتري لانو هي هي الدار بدها حواجه ,سحبت حالي اطلعت اتحوجت للبيت , واجيت وكملت التمدد عالكنبه بين الافلام والمسلسلات , لوكت ما اجى اخوي تلات بدري عالدار وحكى تطلعي ؟ حكتله يلا , سحبنا حالنا واطلعنا وعزمني ع بوظه , واشتريت كم شغله من محل ياباني بخبركم عنهم , واجينا ع البيت وهيني ..~

كالعاده كتبت اشي بنكتبش ومسحته !

اليوم هو السبت 17 شهر 3 , والساعه حوالي 10 وتلت بالليل ..~
BeautifuL StrangeR متواجد حالياً   رد مع اقتباس
قديم 03-18-2018, 08:54 AM   #187
روح هالِـ×ـه ~
 
الصورة الرمزية BeautifuL StrangeR
رقـم العضويــة: 268289
تاريخ التسجيل: Sep 2013
العـــــــــــمــر: 27
الجنس:
المشـــاركـات: 8,495
مــرات الشكر: 3
نقـــاط الخبـرة: 1279

Icons13 رد: مأساة روح {هالكه} في اوراق تائهه ~

مجريات الايام وهالفتره السما سبحان الله رهيبه وبكدرش اقاومها وما اصورها ..~

||





هدا هو المنظر من احدى الشبابيك مكان ما بشتغل , لهيك كل ما انضغط من الشغل بشفتات الليل , سواء بالليل او الصبح , بحب افتح الشباك واخد نفس

||





هدول من الحوش مكان ما انا ساكنه , سواء من شباك المطبخ او من باب غرفتي

||



حوش الجيران والدنيا كانت مطر , والخوخ بلّش ينّور ..~

||



الغروب ع العتبه تبعت البيت ..~


||
BeautifuL StrangeR متواجد حالياً   رد مع اقتباس
قديم 03-18-2018, 09:12 AM   #188
روح هالِـ×ـه ~
 
الصورة الرمزية BeautifuL StrangeR
رقـم العضويــة: 268289
تاريخ التسجيل: Sep 2013
العـــــــــــمــر: 27
الجنس:
المشـــاركـات: 8,495
مــرات الشكر: 3
نقـــاط الخبـرة: 1279

Icons13 رد: مأساة روح {هالكه} في اوراق تائهه ~

مجريات الايام بكميرا السناب ..~



يخساره خلّصت الشمعه وكان منظرها رهيب بموتها , وانا هلكيت بدون شمعه !! لازم اشتري واحده باقرب وكت ..~

||



الكهوه اللي حكتلكم عنها تبعت الكازيه ..~

||



الكنبه اللي بالصاله , اغلب وكتي وانا صاحيه عليها ..~

||



بايام المطر وانا بالاوبر ..~

||



باب العتبه ..~

||



حوش الجيران ..~

||






مع اختي اماني في برغر كينك , وبعشق كيك هيرشي , واختي بتحب فطيره التفاح ..~

||

ضايل مجريات يوم السبت ..~
BeautifuL StrangeR متواجد حالياً   رد مع اقتباس
قديم 03-23-2018, 03:45 AM   #189
روح هالِـ×ـه ~
 
الصورة الرمزية BeautifuL StrangeR
رقـم العضويــة: 268289
تاريخ التسجيل: Sep 2013
العـــــــــــمــر: 27
الجنس:
المشـــاركـات: 8,495
مــرات الشكر: 3
نقـــاط الخبـرة: 1279

Icons13 رد: مأساة روح {هالكه} في اوراق تائهه ~

يوم السبت 3\17\18












||

بكميرا السناب ..~




||






||
BeautifuL StrangeR متواجد حالياً   رد مع اقتباس
قديم 03-23-2018, 04:05 AM   #190
روح هالِـ×ـه ~
 
الصورة الرمزية BeautifuL StrangeR
رقـم العضويــة: 268289
تاريخ التسجيل: Sep 2013
العـــــــــــمــر: 27
الجنس:
المشـــاركـات: 8,495
مــرات الشكر: 3
نقـــاط الخبـرة: 1279

Icons13 رد: مأساة روح {هالكه} في اوراق تائهه ~

الاثنين 3\19\18 ..~





||









||

بكميرا السناب ..~








||

يوم الاحد ضليت بالبيت لوكت ما اطلعت ع شغل الليل

وصبحت الاثنين طالعه من شفت الليل ع شغل البارت تايم وبعدها ارجعت عالبيت

هاليومين بس بالبيت بين ترتيب البيت وبين المشاهده

وكل شوي بفكر اني اضوي البلستيشن والعب عليها بس معنديش اي طاقه لالعب , معنديش طاقه حتى احكي مع الناس , بس بضل متمدده واشوف افلام ومسلسلات من عربي واجنبي , وانمي , وبين النوم بالنهار , وشفتات الليل ..~

~
BeautifuL StrangeR متواجد حالياً   رد مع اقتباس
إضافة رد

مواقع النشر (المفضلة)


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه للموضوع مأساة روح {هالكه} في اوراق تائهه ~:
الموضوع كاتب الموضوع المنتدى مشاركات آخر مشاركة
>>||اوراق مبعثرة ||<< αвєη αℓ-αℓη∂ℓυѕ قسم الأرشيف والمواضيع المحذوفة 1 12-22-2013 10:12 PM
اوراق مبعثرة العاشق 2005 قسم الأرشيف والمواضيع المحذوفة 1 07-02-2010 10:34 PM
اوراق مبعثرة العاشق 2005 قسم الأرشيف والمواضيع المحذوفة 1 07-02-2010 10:34 PM
اوراق الحياة العاشق 2005 القسم العام 0 11-02-2008 09:50 AM
اوراق مبعثرة العاشق 2005 قسم الأدب العربي و العالمي 0 10-03-2008 03:50 AM

الساعة الآن 04:57 AM.


Powered by vBulletin® Copyright ©2000 - 2018, Jelsoft Enterprises Ltd.

كُل ما يُكتب أو يُنشر في منتديات العاشق يُمثل وجهة نظر الكاتب والناشر فحسب، ولا يمثل وجهه نظر الإدارة

rel="nofollow" maxseven simplicity and clarity