تذكرني !
تابعنا على
Shingeki no Kyojin S3 منتديات العاشق

  • alt="Satsuriku no Tenshi"
  • alt="Angolmois"
  • alt="dragon ball heroes"
  • alt="Detective conan 913"
  • alt="Inazuma Eleven (2008) 27-54"
  • alt="Tsubasa"
  • alt="Inazuma eleven"
  • alt="Black clover"
  • alt="Amanchu"
  • alt="Tsuki ga Kirei ALL Eps"
  • alt="Hinamatsuri EP12"
  • alt="Tada-kun"
Fairy Tail Movie 2 - Dragon Cry Devil May Cry Dragon Ball Z Movie 14 Aria


قديم 04-15-2018, 04:45 AM   #201
روح هالِـ×ـه ~
 
الصورة الرمزية BeautifuL StrangeR
رقـم العضويــة: 268289
تاريخ التسجيل: Sep 2013
العـــــــــــمــر: 27
الجنس:
المشـــاركـات: 8,578
مــرات الشكر: 3
نقـــاط الخبـرة: 1319

Icons13 رد: مأساة روح {هالكه} في اوراق تائهه ~



اخدت هاي الصوره والمهم عندي الغراب اللي لحاله , ولانو الشمس كانت بعيوني مكنتش شايف شو عم بصوّر ,كنت بس مركزه ع انه الغرب يطلع بنص الصوره , وطلعت صوره رهيبه صدفه لانو فيها الشمس ..~

||

نفسيتي محطمه , بس اتعلمت اخبّي كلشي جواي واظهر حالي اسعد واحده بالدنيا , طول ما انا كدام الناس , الضحكه والابتسامه ما بتفارق وجهي , وطول ما انا لحالي , عم اتقطع من جوى, الاشي المضحك بالموضوع انو الكل بفكر (حبي) السبب , من هالناس الضعاف اللي عندي قلب وبحس ودايما مجروحه منه , بس ابدا ما بكون اليه دخل بكلشي زفت معي , الكل بظهر حاله دايما انه المجروج والمكسور , ومحدش عنده جرئه انه يحكي عن حاله خاين كداب مصلحجي , مع اني بعترفش فيها , بس انا راح احكي عن حالي اني خاينه وبخلّي الناس تخون ..~

مش حبي سبب تعاستي . الحياه بمشاكلها من شغلي والناس واهلي وقرايبي , ونصيبي اللي لازم اموت ميت موته لاوصل للاشي وبوصلش ..~ هدا التعاسه عندي ..~
بس عفكره وصلت لمرحله 100% مقتنعه انو بس عليا اتعايش ويمكن تفرج ويمكن لأ , واد لأ بتفرج بالآخره لما اموت ويا رب اكسب الجنه ..~

×
BeautifuL StrangeR متواجد حالياً   رد مع اقتباس
قديم 04-15-2018, 04:59 AM   #202
روح هالِـ×ـه ~
 
الصورة الرمزية BeautifuL StrangeR
رقـم العضويــة: 268289
تاريخ التسجيل: Sep 2013
العـــــــــــمــر: 27
الجنس:
المشـــاركـات: 8,578
مــرات الشكر: 3
نقـــاط الخبـرة: 1319

Icons13 رد: مأساة روح {هالكه} في اوراق تائهه ~



|



|



|


هاي االصور من منتزه قريب علي بيتي , اقل من خمس دكايك بالسياره , وهالاسبوع روحت عليه 3 مرات , لما اكون متنكده بحب اشوف المي , وبحب هاي البحيره كتير , وبحب انو فش ناس الا شوي بيجوا عليه ..كل ما يجي عندي اخوي واحد بطلب منه انه ياخدني عليه لانه على جبل وصعب كتير امشي , وغير انه بكونش عندي طاقه اني امشي , بس فش اشي صعب عالسياره , وبنكعد نحكي كتير حكي وكتير كصص , مره حكتله عن الانتحار ولاني كتير اتعمقت بالحكي معه , راح عطول بعتلي مقطع يوتيوب شيخ مشان ما افكرش اعملها , فا ضحكت ضحك عليه غير شكل , مش لهدرجه تفكرني لا سمح الله اعملها ولك ..~
BeautifuL StrangeR متواجد حالياً   رد مع اقتباس
قديم 04-15-2018, 05:29 AM   #203
روح هالِـ×ـه ~
 
الصورة الرمزية BeautifuL StrangeR
رقـم العضويــة: 268289
تاريخ التسجيل: Sep 2013
العـــــــــــمــر: 27
الجنس:
المشـــاركـات: 8,578
مــرات الشكر: 3
نقـــاط الخبـرة: 1319

Icons13 رد: مأساة روح {هالكه} في اوراق تائهه ~



|

بخصوص شغلي , بما انه الحمد لله صار شفت الليل تنتين مع بعض بدل ما اكون لحالي , مع اني كنت بديش , بس مع الزمن الحمد لله كتير احسن , واللي بشتغل معاها اسمها كارمليتا , وبضل انادي عليها كاليميروا , وبكون اضحك وبضل تحكي ليش يا مريم بضلك تضحكي , مع انه سبحان الله هالبنت زمان فسدت عليا اشي ما عملته , بس من وكت ما صرنا نشتغل مع بعض , كتير اتفكنا ,وبضّل تجيب اكل فلبيني مشان اجربه , مرات بعجبني ومرات ما بعجبني , اما بخصوص الشغل ك شغل فهو جد متعب , شفت 12 ساعه ومرات بكون اكتر , ما بنرتاح الا حوالي ربع ساعه , وبنضل واقفين وبنتحرك واخ شو راسي بضل يوجع عشان بنامش لان مرات بنامش بالنهار , وحاسس فش حياه عندي , يعني بس شغل بالليل , نوم بالنهار , وتعب وارهاق غير شكل , مرات بشوف اخوي واحد ساعه او ساعتين بالنهار , حتى تلفونات مع امي بحكيش لانها مسافره عند حبي , هي واختي ايمان لانو اختي راجعه هون ع السلامه هدا الاسبوع , احلى شي اختي اضل تبعتلي سنابات وهي تصوّر حبي , اشتقت لهاي الجمعه والله , كلنا نتمسخر ونم عالناس ونضحك ونلعب مونوبولي ونعلّي الآمب ونزعج الجيران , بس كله انتهى لانو اخوي واحد هان , ولانو حبّي كمّل حياته .. يعني نرجع نجتمع كلنا خواتي واخوتي وحبي , مستحيل ..~

؛
BeautifuL StrangeR متواجد حالياً   رد مع اقتباس
قديم 04-15-2018, 05:53 AM   #204
روح هالِـ×ـه ~
 
الصورة الرمزية BeautifuL StrangeR
رقـم العضويــة: 268289
تاريخ التسجيل: Sep 2013
العـــــــــــمــر: 27
الجنس:
المشـــاركـات: 8,578
مــرات الشكر: 3
نقـــاط الخبـرة: 1319

Icons13 رد: مأساة روح {هالكه} في اوراق تائهه ~



|



|

صحتي الجسديه مش كتير , مفصل اجري الشمال كأنه فيه اشي , لاني بضل اسمع صوته خاصه لما تكون الدنيا كتير برد , يمكن لانو بضل واكفه بالشغل, كأنه رومتيزم , لان مرات بتوصل فيها اني بكدرش اثنيها وبصلّي ع الكرسي , ومرات ولا كأنوا فيها اشي , وظهري بضّل احط لزكات مشان يشدوه , والمشكله كمان صاروا يعملوا حساسيه كتير , وبكون بين خيار يا اتحمّل وجع الظهر , يا اتحمل الحساسيه , ودايما بختار اتحمّل الحساسيه , والحب رجع على وجهي , اخ يا ربي .. يلا الحمد لله على كلشي ..~

؛
BeautifuL StrangeR متواجد حالياً   رد مع اقتباس
قديم 04-15-2018, 06:38 AM   #205
روح هالِـ×ـه ~
 
الصورة الرمزية BeautifuL StrangeR
رقـم العضويــة: 268289
تاريخ التسجيل: Sep 2013
العـــــــــــمــر: 27
الجنس:
المشـــاركـات: 8,578
مــرات الشكر: 3
نقـــاط الخبـرة: 1319

Icons13 رد: مأساة روح {هالكه} في اوراق تائهه ~

انواع العطر اللي بستخدمه ..~



هدول اللي كنت استخدمهم بالشغل ودايما يكونوا بالشنته معي .~

من اليمين .~

calvin klein eternity , اللي هي المفضله عندي طول عمري من عمري 18
victoria secret , وبعرفش شو اسمها لانه انمسح , هاي اشتريتها مع اختي ايمان , استخدمتها ورجعلتي اياها
guerlain mon , وحبي الها لانو انجلينا جولي اجت بدعايتها وانا بعشق انجلينا لانو ما اول ما فتحت عيوني عالافلام والممثلات كانت منهم , وغير انه عجبتني ريحتها
oscan dela renta هاي تبعت امي , امي بتحب الريحه القويه الفرنسيه , بس انا بكرهها , ومع هيك مرات لللتغير كنت استخدمها وانخنق من ريحتها

||




هون العطر الرهيب المفضل عندي بس ناكص نوع اللي هو بورا بورا بس الا ما ارجع اشتريها

من الشمال .~

calvin klein eternity اكيد ومستحيل هاي انكطع منها
guerlain mon الحجم الكبير , لاني بالاول اشتريت الحجم الكبير وبعدين اشتريت الحجم الصغير مشان يكون بالشنته معي
l`occitane roses , هاي اول عطر ريحه الورد وعجبتني , بعشقها هاي , وكانت فتره ضايعه ومن جديد لكيتها
dkny هاي جديد لسا اشتريتها لانها عجبتني على حد وشوفت سعرها مناسب , وهي اكتر شي بستخدمها عالشغل

||

وهون اكبس



×؛
BeautifuL StrangeR متواجد حالياً   رد مع اقتباس
قديم 04-17-2018, 02:11 AM   #206
روح هالِـ×ـه ~
 
الصورة الرمزية BeautifuL StrangeR
رقـم العضويــة: 268289
تاريخ التسجيل: Sep 2013
العـــــــــــمــر: 27
الجنس:
المشـــاركـات: 8,578
مــرات الشكر: 3
نقـــاط الخبـرة: 1319

Icons13 رد: مأساة روح {هالكه} في اوراق تائهه ~





اجى عبالي الاسبوع الماضي اني اضوي البروجكتر ,صرلي فتره طويله مش ضاويته , لانو بكونش معي وكت بالليه اللي بنام فيها بالبيت , لانو دايما بنام متل الجاج , بكون ع 8 واصل ع الضفه , وغير انه كمان بس مدمنه كونان , بعرفش ليش , بس بضل اشوف بكونان , يمكن لانو كل حلقه شكل وبتنتهي , يمكن لانو بديش ابذل جهد وانا اشوفه ..~

بالصوره الاولى ع اليمين هدا ضو الشمعه وع الشمال جزء من الضواض اللي ع الشباك وهون صوره اوضح اكبس واللي بالزاويه هو تختي وعليه المخدات ..~

اما بالصوره التانيه فهو البرجكتر , وبعرف انو الرف تبعي كله عبعضه مش مرتب لانو صارلي فتره طويله مش دايره بالي ع اشي او مرتبه اشي , صاير كلشي بغرفتي مكركب , يا دوب ارتب تختي , يا دوب ارتب عقلي وشو اللي فيه ..~

||

اما بخصوص الصوره الرمزيه تبعتي فهي لمغني راب باول فيديو عمله وهو بعمر 17 , وفش تكلّف بالفيديو او شغل عليه , يعني تصوير ايفون لهيك حبيت كلشي بالفيديو واعشقت الاغنيه ,بحب البساطه الحلوه . وبلشت باغانيه التانيه , كيف اكتشفته ؟ اخوي واحد مره بعتلي فيديو لسياره بي ام دبليو , عم يشحّط صاحبها فيها, وتعديل السياره كان اشي بحبه واخوي بعرف عنه اللي هو الوان الحمار الوحشي الابيض والاسود , حكالي بالمسج (هاي سيارتك) كانت كل الوان السياره مخططات الحمار الوحشي ونكشات تانيه ع الوان الحمار الوحشي وع قد ما كانت معجوكه يعني معبيّه الوان ع قد ما كانت رهيبه السياره وكانت خلفيه الفيديو اغنيه هالشب ..~


~




~
BeautifuL StrangeR متواجد حالياً   رد مع اقتباس
قديم 04-19-2018, 12:52 AM   #207
روح هالِـ×ـه ~
 
الصورة الرمزية BeautifuL StrangeR
رقـم العضويــة: 268289
تاريخ التسجيل: Sep 2013
العـــــــــــمــر: 27
الجنس:
المشـــاركـات: 8,578
مــرات الشكر: 3
نقـــاط الخبـرة: 1319

Icons13 رد: مأساة روح {هالكه} في اوراق تائهه ~



|



|



|



|




~
كتير بعجبني النوّار تبع الانجاصه اللي هو الساكورا وهو عالارض وخاصه اد كانت الارض مبلوله عشان المطر .

اختي ايمان اجت عالسلامه من الضفه , بس لحد الان ما سلّمت عليها , مليش نفس اشوف وجهها , وزعلان منها كتير , وامي بهدلتني وبنفعش هيك اكبّر الكصه , بس انا مش مكبّر الكصه , انا مش راح انسى الكصه من اصلها , واتعلمت درس اخو شلن منها , كد ما حاولت امي تلطف الجو وتقنعني بكلام انو اختي مسكينه وكل هالحكي الفاضي اللي لا بيدخل عقلي ولا ما يحزنون ..~

غير انه واحده من صاحباتي صوص حُبها خطب وكنا بفتره حداد , وواحد من اصحابي حاح عمل حادث وايده انكسرت وحالته حاله , وامبارح اول مره بشوف عالواقع سياره موزراتي , وعطول طلبت من اخوي واحد انو انوكّف جمبها لاتمعن فيها اكتر .. ابن اللزينه ..~

.
BeautifuL StrangeR متواجد حالياً   رد مع اقتباس
قديم 04-20-2018, 11:38 PM   #208
روح هالِـ×ـه ~
 
الصورة الرمزية BeautifuL StrangeR
رقـم العضويــة: 268289
تاريخ التسجيل: Sep 2013
العـــــــــــمــر: 27
الجنس:
المشـــاركـات: 8,578
مــرات الشكر: 3
نقـــاط الخبـرة: 1319

Icons13 رد: مأساة روح {هالكه} في اوراق تائهه ~



الاسبوع الماضي كنت لابسه هدول الفضه , لانهم كانوا ضايعين ولكيتهم مع كتير شغلات كانت مختفيه , بالنسبه للحلّق اللي بالذان احبّه عشانه ملفت للانتباه , بس مش عملي من مره , يعني تقيل وبوجع الذان وممكن يوقع اد اتحركت بسرعه او ركضت , ومع هيك بلبق على كلشي , كنت احب البسه ساعه او ساعتين ورى بعض بس مش اكتر .

اما بالنسبه للسنسال فهدا من المفضلين عندي كتير , وهو من صنع soixante meuf jewels , وبحب كلشي بتصنعه حتى لو غالي , اشوفه غريب وتحب تحط الاحجار بعد ما تعجنهم , من فتره طويله اشتريته وحبيت يكون الحجر كبير وملفت للانتباه ع سنسال رفيع محدش بيلاحظه من رفعّه , ويالله شو عملي , ع كد ما هو كبير ع كد ما هو خفيف ولا كأني لابسه شي , ولاني بعشق اللون الاخضر ع المجواهرات , وحبيت فكره انو الحجر كبير زياده عن اللزوم عكس كل المجواهرات اللي بحبوا يكون الحجر كتير صغير ..~

||



اما بالنسبه لهدا الاسبوع اللي احنا فيه , فانا لابسه هدول , السنسال الزفير الابيض اللي كان هديه من حبي , والحلّق الزفير الابيض تبعي , وبحب دايما البس هدا الحلّق مع هدا السنسال , ملاحظين اللون الابيض هون مقرّب ع اللون الازرق لاني حطيت الفلاش لما اخدت الصوره , لان الزفير الابيض لونه مع الشمس او الضوء بعكس ع اللون الازرق , ولسا هدا كمان مش زفير ابيض خالص لان سعر الزفير الابيض الحالص متل سعر الالماس , وعلى حسب ميلادي فا انا حسب ما افهمت انو حجري هو الزفير الابيض , وحكيت عنه هالحلّق من فتره بالمدونه ..~

اما بالنسبه للسنسال بالاول اشترا الحجر وبعدين اشترا البرواز للحجر , وكنا بفتره متحاربين ومتقاتلين وبنحكيش , بس لما اعرفت انو اخوي واحد حجز التكت وبده يجي ع امريكا , عطول حطيت الطوشه اللي بيني وبينه عجنب لاني صبيه معندهاش تقل, ومن سنه لسنه حتى حد يجي ع امريكا ,روحت حكيت مع حبي وطلبت منه زفير ابيض وضل طول النهار يلف من محل لمحل حتى عجبني حجر وحتى عجبني برواز وبعدها راحت الطوشه والمحاربه ..~

,
BeautifuL StrangeR متواجد حالياً   رد مع اقتباس
قديم 04-22-2018, 08:00 AM   #209
روح هالِـ×ـه ~
 
الصورة الرمزية BeautifuL StrangeR
رقـم العضويــة: 268289
تاريخ التسجيل: Sep 2013
العـــــــــــمــر: 27
الجنس:
المشـــاركـات: 8,578
مــرات الشكر: 3
نقـــاط الخبـرة: 1319

Icons13 رد: مأساة روح {هالكه} في اوراق تائهه ~

ايش اجاني من ابسي لهدا الشهر , شهر اربعه ..~









الاشي اللي جد جربته لانه لوني المفضل النبيذ , اللي هو الروج الخمري , وهدا كان عليا شكله ملفت للانتباه غير شكل , فا راح استخدمه وكت ما اكون بدي اجذب حد او اغريه او بدي الفت الانتباه , اما بخصوص المناكير فا جربت من نفس الشركه بس لون تاني وعجبتني هاي الشركه كتير , اجت لحد الان بالمرتبه التانيه ..اما باكي كلشي لسا ما جربته , وبخصوص الايشادوا راح اضيفه للهدايا لاني نوع بستخدموش ..~


؛

ابسي للاشهر الكديمه اكبس
BeautifuL StrangeR متواجد حالياً   رد مع اقتباس
قديم 04-22-2018, 08:26 AM   #210
روح هالِـ×ـه ~
 
الصورة الرمزية BeautifuL StrangeR
رقـم العضويــة: 268289
تاريخ التسجيل: Sep 2013
العـــــــــــمــر: 27
الجنس:
المشـــاركـات: 8,578
مــرات الشكر: 3
نقـــاط الخبـرة: 1319

Icons13 رد: مأساة روح {هالكه} في اوراق تائهه ~





|





|





~

لسا اوضاعي مكركبه مع خواتي ومع اخوتي , وهيك جاي عبالي ارمي كلشي , وانزل ع الضفه عند امي وابوي , بس المشكله كل اللي ضاع من عمري بروح عالفاضي , هاي مشكلتي بضل افكر لهيك بعملش الكصه , بس عنجد هيك مفكعه معي وكرفانه من الغبا اللي بيعملوه , من انهم بفكروش لكدام , من انهم متسرعين وبوكعوا بنفس الحفره كمان مره وبرموها عليا اني لازم انا احلّها , لهيك بكاتل من الاول مشان ما يوكعوا بالحفره , بس عالفاضي , انا العاطله ..~
كان عندي مخططات كبيره , واحد منهم فشل واتحطمت بزياده من بعدها ..وايأست من اني اعمل التانين ..~
BeautifuL StrangeR متواجد حالياً   رد مع اقتباس
إضافة رد

مواقع النشر (المفضلة)


الذين يشاهدون محتوى الموضوع الآن : 2 ( الأعضاء 1 والزوار 1)
BeautifuL StrangeR
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه للموضوع مأساة روح {هالكه} في اوراق تائهه ~:
الموضوع كاتب الموضوع المنتدى مشاركات آخر مشاركة
>>||اوراق مبعثرة ||<< αвєη αℓ-αℓη∂ℓυѕ قسم الأرشيف والمواضيع المحذوفة 1 12-22-2013 10:12 PM
اوراق مبعثرة العاشق 2005 قسم الأرشيف والمواضيع المحذوفة 1 07-02-2010 10:34 PM
اوراق مبعثرة العاشق 2005 قسم الأرشيف والمواضيع المحذوفة 1 07-02-2010 10:34 PM
اوراق الحياة العاشق 2005 القسم العام 0 11-02-2008 09:50 AM
اوراق مبعثرة العاشق 2005 قسم الأدب العربي و العالمي 0 10-03-2008 03:50 AM

الساعة الآن 03:47 AM.


Powered by vBulletin® Copyright ©2000 - 2018, Jelsoft Enterprises Ltd.

كُل ما يُكتب أو يُنشر في منتديات العاشق يُمثل وجهة نظر الكاتب والناشر فحسب، ولا يمثل وجهه نظر الإدارة

rel="nofollow" maxseven simplicity and clarity