تذكرني !
تابعنا على
Slam Dunk منتديات العاشق

  • alt="Goblin Salyer"
  • alt="Sword Art Online: Alicization"
  • alt="Jojo "
  • alt="Fairy Tail "
  • alt="Detective conan 916"
  • alt="Radiant 02"
  • alt="Inazuma eleven"
  • alt="Kaze ga Tsuyoku Fuiteiru"
  • alt="Black clover"
  • alt="سلام دانك"
Invitation 28 october Kingdom Manga Fairy Tail All Eps Prince of Tennis


  #1  
قديم 09-22-2017, 11:39 PM
الصورة الرمزية BeautifuL StrangeR  
رقـم العضويــة: 268289
تاريخ التسجيل: Sep 2013
الجنس:
العـــــــــــمــر: 27
المشـــاركـات: 8,723
مــرات الشكر: 3
نقـــاط الخبـرة: 1351
Icons13 مأساة روح {هالكه} في اوراق تائهه ~

بسم الله

معرفتش اختار كلمه ابلش فيها , ولا حتى صوره , ولا حبيت حتى افكر بالكصه كتير عشان ما الغي الفكره من راسي وما اعمل المدونه من اصله , بس راح ابلش اكتب كصصي وشو بصير معي هون , راح احاول اني ما اتجاوز اي قوانين واكون مريم بالواقع معكم وصادقه , راح يكون تصنيف المدونه عن يومياتي , ويمكن تيجي ايام تقرأوا اشي وبعدين تلاقوه ممحي , وممكن انا انمحى من اصله بس راح احاول ما اختفي, ما بغصبكم اتابعوني ولا حتى بشجعكم لان حياتي ممله ولهجتي صعب تنفهم وكلامي دفش وبعرفش اتعامل مع الناس , بس ايش ؟ هاي انا .
اسمي مريم وبفضل ينادوني مير وعمري زي ما هو ضاهر, فلسطينيه سكان سانفرانسيسكو مش متاكده اد من سنه 2014 او 2015 المهم الي تلات سنين فيها هدا اللي متاكده منه وبديش اكعد احسب .. ومع الوكت راح تعرفوني عالمزبوط ...~
رد مع اقتباس
قديم 09-22-2017, 11:44 PM   #2
روح هالِـ×ـه ~
 
الصورة الرمزية BeautifuL StrangeR
رقـم العضويــة: 268289
تاريخ التسجيل: Sep 2013
العـــــــــــمــر: 27
الجنس:
المشـــاركـات: 8,723
مــرات الشكر: 3
نقـــاط الخبـرة: 1351

Icons20 رد: مأساة روح {هالكه} في اوراق تائهه ~

هلكيت السؤال وهو ليش فتحتي المدونه يا مير ؟
همم احكي ولا محكيش ؟!!

في سببين براسي ولانو وعدت اكون صادقه راح اوفي بهدا الوعد ..

السبب الاول بدي اتسلى
التاني بدي اكسب حسنات
BeautifuL StrangeR متواجد حالياً   رد مع اقتباس
قديم 09-22-2017, 11:52 PM   #3
روح هالِـ×ـه ~
 
الصورة الرمزية BeautifuL StrangeR
رقـم العضويــة: 268289
تاريخ التسجيل: Sep 2013
العـــــــــــمــر: 27
الجنس:
المشـــاركـات: 8,723
مــرات الشكر: 3
نقـــاط الخبـرة: 1351

Icons13 رد: مأساة روح {هالكه} في اوراق تائهه ~

الاشي اللي كمان لازم ينعرف انا بالعاده بتواجد بمكان بحبه عالنت ومحدش بعرفه بحكي فيه كتير عن حالي ومن زمان في المكان , يمكن من هلكيت اصير اتواجد بالمنتدى اكتر من تواجدي فيه , بس هناك بضل اريحلي بانه فش قوانين فش ناس تحكم . انا وحالي , وبكتب فيه اكتر ما بكتب بدفاتري , لان بكدر اضيف صور واغاني , هون راح يضل فيه حدود .. ومع هيك بدي اتجرأ بانو اخلّي الناس تشاركني لان يمكن يطلع حد محرز.
BeautifuL StrangeR متواجد حالياً   رد مع اقتباس
قديم 09-23-2017, 12:46 AM   #4
روح هالِـ×ـه ~
 
الصورة الرمزية BeautifuL StrangeR
رقـم العضويــة: 268289
تاريخ التسجيل: Sep 2013
العـــــــــــمــر: 27
الجنس:
المشـــاركـات: 8,723
مــرات الشكر: 3
نقـــاط الخبـرة: 1351

Icons13 رد: مأساة روح {هالكه} في اوراق تائهه ~

يوم الخميس 9/21/17

ارجعت لعالم النت من غياب حوالي نص سنه واكتر, كان عليا شفت نهار , خلصته الظهر وانا مروحه حكيت بعقلي ( ايش رايك يا مير تمرقي من طريك المايع بلكي تلاكيه وتطلبي رقمه لان امك مش حاله عنك بكصه الجيزه) وانا بالطريك امي اتصلت عليا ..~
حبيبه ئلبي : شو خلصتي شغل
مير : اه وفكرت امر من عند المايع شو رايك ؟
حبيبه ئلبي : اوعك تدخلي عداره
مير:وبدي انام كمان
اكيد عن مزح لانو امي ضحكت
حبيبه ئلبي : بعرفك منتي اطكع مني
وما لكيته للمايع

ايش كصه المايع ؟ شب عربي ساكن بحارتنا من المغرب اتلاقينا مره معاه واخد رقمي وصار يجكي معي وبمعرفه امي , الشب ما عجبني انه لسانه دايما بنقظ عسل وبضل يتغزل ويبعت صوره يعني شب اهبل من النوع اللي بياع حكي .والنوع اللي بحبو ياكلوا بعقول البنات حلاوه , لهيك مسميته مايع ورقمه انمسح لما خرب بلفوني , بس ابن اللزين عنده محاسن الا انه مغربي وانا خوفت انو اروح اعيش غاد.. والكل عاتبني انو اكيد بده يكون هيك عشان بده يحببك فيه .. حب مين يا روح امك!الجيزه اكبر من الحب والارتباط من اوله بدو يكون صادق مش على غش لاني انقرصت , ومع هيك بدي اعاود اد اجى النصيب اعطيه كمان فرصه عشاني والله بس .

||

المقطع التاني .


اوصلت البيت واجيت اكل الا جرس البيت برن وكانت اختي فيث , اسمها ايمان بس بحب احكي فيث لان بعرفش انادي الناس باسمائهم لازم اعطيهم القاب ولو ع اللقب هي بلبق الها (طيبه هبله زياده عن اللزوم وشويت خبث ومصلحه) اخ يا ربي , اجت اكلنا مع بعض واشربنا كهوه واجت مرت اخوي .. بعدين بنحكي عنها هاي .. المهم ما كعدت كتير لان فش معاها وكت , طبعا بنتها رن رن قلبت البيت فوك تحت وراحت.

||

المقطع التالت .

اجى اخوي واحد من الشغل وحتى ما حكينا لان شوفته بس لما اجى يتغدا وبحبش احكي مع حد مرّوح من الشغل وكاعد بياكل , وهدا الاخو قريب عليا صاحب وعزيز كتير , ولان ما حكينا فا رسم حاله زيد عوايده ع اللوح اللي ع التلاجه ومن الصوره امبين انه مصدوم يعني انه القبضه مش منيحه كانت يا حرام , لانه بيعرفني بتابع كلشي بحطه ع اللوح وجد دايما بضحكني .

||

المقطع الرابع .

اجى ميعاد شفت الليل , اخ ييبي كديش شفت الليل بتعبني صحه ونفسيه وحاله, حتى الاوبر غليان اولاد اللزينه كهروني صار اغلب مصروفي بس اوبر وكالعاده انهديت بالشغل وما صدقت يطلع النهار حتى ارجع عالبيت انام, بس هو اد بيجي التعب بيجي مع بعض , نمت ساعتين او تلات واصحيت ع وجع وما اعرفتش ارجع انا وهيني لسا بتوجع بس الكتابه ع فكره الهتني عن الوجع

||

المقطع الخامس . الجمعه .

حكيت مع امي وخواتي عالتلفونات ولما اتصلت ع حبي لان اله يومين مختفي , حكيت انسجن الشب لانهم عممو ع سيارته , انا حاطه رقمي انا بيتصل دولي حتى لو غالي لهيك كصص , الله يستر عاد , ما بجاوب , او يمكن كتّر العيار وسحبها نومه زي عوايده .يا رب تكون التانيه .

هدا كان كل مجرياتي ليوم الخميس وصبحيه الجمعه ومتاكده في تفاصيل انسيت اكتبها
BeautifuL StrangeR متواجد حالياً   رد مع اقتباس
قديم 09-23-2017, 01:11 AM   #5
روح هالِـ×ـه ~
 
الصورة الرمزية BeautifuL StrangeR
رقـم العضويــة: 268289
تاريخ التسجيل: Sep 2013
العـــــــــــمــر: 27
الجنس:
المشـــاركـات: 8,723
مــرات الشكر: 3
نقـــاط الخبـرة: 1351

Icons20 رد: مأساة روح {هالكه} في اوراق تائهه ~

هدا واحد ..



||



يوم الخميس .
BeautifuL StrangeR متواجد حالياً   رد مع اقتباس
قديم 09-23-2017, 05:59 AM   #6
روح هالِـ×ـه ~
 
الصورة الرمزية BeautifuL StrangeR
رقـم العضويــة: 268289
تاريخ التسجيل: Sep 2013
العـــــــــــمــر: 27
الجنس:
المشـــاركـات: 8,723
مــرات الشكر: 3
نقـــاط الخبـرة: 1351

Icons20 رد: مأساة روح {هالكه} في اوراق تائهه ~

عشاني تعبانه وطول اليوم بالبيت صورت جزء صغير من غرفتي لانو الباكي مش مرتب ومفش فيا حيل ارتب عشان اورجيكم , وعير انه غرفتي واخد من الحيطان فيه شباكين وباب وعشاني بحب الصور وبحب العتمه معبيهم صور والصور اكيد ممنوعه صح ؟



هدول الضواض بعتهم الي اخوي تلات من الضفه عشان رمضان ومن وقتها بالغرفه وما بدي اشيلهم , لاب توب لمره بصوره وبحكيلكم عنه , وحبيبي البروجكتر , من فتره من العيد اشتريته وكتير مبسوطه عليه , كنت امفكره اشتري تلفزيون بعدين خطر ببالي اشتري بروجكتر وعملتها , بس بضله مش زي السنيما السينما ومع هيك مبسوطه عليه



هون انعكساه وعالحيط لان مشوفتش بحاجه اشتري شاشه بيضا , اد بتلاحضوا عشمال الانعكاس طالع جزء صغير من واحد من الشبابيك وامبين شوي من الصور وانا حاطه كمان حبل ضواض عليه.
العاده اللاب توب ما بيكون جمب البروجكتر الا اد بدي اشبكه فيه وكت ما بدي اشوف اشي,وخاصه اني حاططته فوق طابعه وبخاف عليها .
BeautifuL StrangeR متواجد حالياً   رد مع اقتباس
قديم 09-24-2017, 05:07 AM   #7
روح هالِـ×ـه ~
 
الصورة الرمزية BeautifuL StrangeR
رقـم العضويــة: 268289
تاريخ التسجيل: Sep 2013
العـــــــــــمــر: 27
الجنس:
المشـــاركـات: 8,723
مــرات الشكر: 3
نقـــاط الخبـرة: 1351

Icons13 رد: مأساة روح {هالكه} في اوراق تائهه ~

الجمعه بالليل

جهزت حالي لان كان عليا شفت ليل , حكيت بالتلفون مع امي وحكتلي انو ابن عمتي طلع من السجن وانهم عملوا اكل وكصص القرايب ومن هالحكي , انا بحبش عماتي الا واحده وبحبش قرايبنا , ناس منافقه غيوره حسوده , واطلعت عالشغل , وانا بالشغل اجاني تلفون من حبي وطلع زي عوايده الحمد لله انه بكون ساحبها نومه, مش مسجون هدا المهم , حتى سالته عن سياره لاني نويت اشتري واحده وانو طلبت من جوز فيث لانه بيعرف بالسيارات يتوقعلي ع واحده واللي اتوقعلي عليها عجبتني بس طبعا حبي بعرف بالسيارات اكتر وحكالي (انسيكي منها شفاط بنزين وقطعها غاليه) فا نسيت الموضوع بخصوص هالسياره وعشان كمان احط اخوي واحد بالصوره حكتله (شو رايك فيها وسالت حبي وما وافك) حكى اخوي (نفس الشي وهو انسيكي منها ), اخوي بعرف عن كصتي مع حبي وحتى كل اهلي بيعرفوا عن كصتنا لان يعني من زمان الكصه ومعروف شو نهياتها فا لشو التخبايه انو بنحكي مع بعض , مع انه مرات بديش امه تعرف بموضوعنا مشان ما تحرجني بكصه الجيزه , وكان الشفت زي عوايده متعب عالاخر الحمد لله ع كلشي , لان في ناس بتتمنى الشغل .

السبت

اطلعت من شغلي وارجعت عالبيت حكيت شوي بالتلفون مع امي عشان اطمنها وعشان بدي انام وبديش تتصل , بما انه بنامش بالليل فا بكون نعسانه موت فا لازم انام لو بس كم ساعه لان اد منمتش هدول الكم ساعه الصبح بنامش طول النهار وبكون زي الزومبي والكهوه بتمشيش معي , اصحيت يمكن حوالي ع العشره وانصعقت من التلفونات والمسجات , حكيت (الله يستر) حتى رئيسي بالشغل متصل ايش في يا عمي ؟ عطول قرأت المسجات الصوتيه منه وانه بده اشتغل شفت ليل , طبعا انا مهدوده وبحبش اشتغل شفت ليل وصبحيته عليا شغل بكدرش , كنت زمان اشتغل يومين ورى بعض بدون ولا ساعه نوم وعادي اقدر اتحمل , بس من جديد من حوالي شهر حتى اكتر , يمكن من حوالي شهرين من وكت ما اهلي رجعوا عالضفه وانا مليش نفس اشتغل ومش كادره اتحمل الشغل بس بغصب حالي وبقنع حالي انو اشتغلي مشان تشتري السياره , المهم ارجعت اتصلت ع شغلي وحكيت ماشي لانو السكرتيره ما بتبعت المدير الي الا عشان بتعرفني بنحرج منه وبحكيله اه , والتفونات التانيه من احوي واحد وهو ناسي المفاتيح بالبيت وانو بده يشوف اد انا بالدار عشان لما يرجع مين بده يفتحله فا طمنته وكانت كمان التلفونات من السكرتيره ومن اختي هوبز , اختي هوبز هي اماني وهي البنت الكبيره بين البنات والبنت الفصحه اللي شاطره بالطبيخ زي امي ونحكي جديّه وواقعيه مليون مره اكتر مني , هاي الاخت دايما بتحسسني اني بنتها لانو كلشي بطلبه منها بتعمله وبتحرمنيش من اي طبخه نفسي فيها , مع انه هاي الاخت انا عملتلها مشاكل عند جوزها , لدرحه حتى هي ممنوعه تشوفنا وتيجي عنا (اهلها) بس بتعملها بالسر عن جوزها لحد الان اخ بس , الله يهدي بالها ويحل مشاكلها ومشاكلنا كلنا يا رب ويعطيها الصحه يا ر ب لانها مريضه من الهموم , فكانت بدها تسال اد عليا شغل واد انا بالبيت مشان تيجي تعملي ملوخيه ومسخن , اكيد اهلا وسهلا , فا طول اليوم واحنا مشغولين بالطبيخ وباولادها الله يخليهم يا رب , لحد هدا الوكت اللي بكتب فيه , من حوالي ساعه اتسهلت ويعطيها الف عافيه عالاكل .
BeautifuL StrangeR متواجد حالياً   رد مع اقتباس
قديم 09-24-2017, 06:01 AM   #8
روح هالِـ×ـه ~
 
الصورة الرمزية BeautifuL StrangeR
رقـم العضويــة: 268289
تاريخ التسجيل: Sep 2013
العـــــــــــمــر: 27
الجنس:
المشـــاركـات: 8,723
مــرات الشكر: 3
نقـــاط الخبـرة: 1351

Icons13 رد: مأساة روح {هالكه} في اوراق تائهه ~



هدا كان فطوري , بما انه انا صبيه معدتي حساسه زياده عن اللزوم ودايما معصبه وشغل الليل خلها تشووط معاها بزياده صرت انتبه ع اكلي وخاصه اول وجبه , لان الدوا بخدرها وما بطيبها واد كانت معدتي توجع بتأثر ع مزاجي بلاوي , فا فطوري عباره عن اشي خفيف سريع خاصه اد كنت جعانه ومليش نفسيه اعمل فطور محرز , هو زي الشوفان مع حليب نباتي وبحب اللوز لانو حليب البقر عندي حساسيه منه مع معدىي بس بتيجي مرات نفسيه معي بانو بسالش اد نباتي او حيواني , مع عسل ومكسرات .. بس بحط الشوفان مع الحليب لدكيكتين بالمكيرويف وبعدهات بحط كبشه مكسرات وعسل حسب الحلاوه اللي بدي اياها وبس .



وهون جزء صغير من غداي اللي هو مسخن وبنعمل خبز بالبيت .




اليوم اجى عبالي اتمنكر وخاصه هدا اللون لان امي بتحبه هدا اللون وانا جد مشتاكه لامي , وبشوف كتير شغلات بعملها بحياتي عشان بتزكرني فيها ولانها بتحبها وانا كتير متعلكه بامي ومش لازم لاني اكبرت ع انو اضل متعلكه ..علاكه صايره . وهدا النوع الابيض اشي بينحط حوالين الاظفر مشان اد بيجي المناكير ع الاصبع عطول اشيله, اخ يبي مش عارف اوصف انا بعرفش اوصف الاشي , المهم هدا الاشي كديش ريحته بتكتل , يبي ريحته يبي , بس الاشي اللي بحبه فيه , هو لما تكبعه , يب كديش بحب اكبع الاشي انا , زي الصمغ اللي لما ينشف بالزبط زي هيك بالزبط لهيك بحبه وبعشق اكبعه عالاخر .
BeautifuL StrangeR متواجد حالياً   رد مع اقتباس
قديم 09-24-2017, 06:06 AM   #9
روح هالِـ×ـه ~
 
الصورة الرمزية BeautifuL StrangeR
رقـم العضويــة: 268289
تاريخ التسجيل: Sep 2013
العـــــــــــمــر: 27
الجنس:
المشـــاركـات: 8,723
مــرات الشكر: 3
نقـــاط الخبـرة: 1351

افتراضي رد: مأساة روح {هالكه} في اوراق تائهه ~

عفكره لازم المره الجاي اصغّر من حجم الصور . وانا مبسوطه الحمد لله , يا رب زيد وبارك اني بشتغل ! وبنفس الوكت الحمد لله انو الاوضاع وين مكان هاديه فش مشاكل ومصايب , وانا مش متكاتله مع حد .
BeautifuL StrangeR متواجد حالياً   رد مع اقتباس
قديم 09-24-2017, 08:32 AM   #10
روح هالِـ×ـه ~
 
الصورة الرمزية BeautifuL StrangeR
رقـم العضويــة: 268289
تاريخ التسجيل: Sep 2013
العـــــــــــمــر: 27
الجنس:
المشـــاركـات: 8,723
مــرات الشكر: 3
نقـــاط الخبـرة: 1351

Icons05 رد: مأساة روح {هالكه} في اوراق تائهه ~

اقسم بالله شر البلية ما يضحك وانا ما بلبكلي اني اكون مبسوطه بالمره، رجعت حليمه لعادتها الكديمه، انسجن، امبين من صبحية الله عندهم ماخدينه، عطول بعت المسج مشان ما ينشغل بالي، ااااخ لا حول ولا قوة الا بالله، يا رب يطلع بكفالة، بدي اعرف امتى هالقضيه بدها تنغلى، ابن اللزين صاحبها بضل يفتح فيها الله يلهيه بحاله، بديش احكي لأمي لتنكهر عليه ، المشكله مش وكته، عاساس يعني المصايب ع مزاجي ووكتي مهي، الله يفرجها عليه..
BeautifuL StrangeR متواجد حالياً   رد مع اقتباس
إضافة رد

مواقع النشر (المفضلة)


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه للموضوع مأساة روح {هالكه} في اوراق تائهه ~:
الموضوع كاتب الموضوع المنتدى مشاركات آخر مشاركة
>>||اوراق مبعثرة ||<< αвєη αℓ-αℓη∂ℓυѕ قسم الأرشيف والمواضيع المحذوفة 1 12-22-2013 10:12 PM
اوراق مبعثرة العاشق 2005 قسم الأرشيف والمواضيع المحذوفة 1 07-02-2010 10:34 PM
اوراق مبعثرة العاشق 2005 قسم الأرشيف والمواضيع المحذوفة 1 07-02-2010 10:34 PM
اوراق الحياة العاشق 2005 القسم العام 0 11-02-2008 09:50 AM
اوراق مبعثرة العاشق 2005 قسم الأدب العربي و العالمي 0 10-03-2008 03:50 AM

الساعة الآن 06:55 PM.


Powered by vBulletin® Copyright ©2000 - 2018, Jelsoft Enterprises Ltd.

كُل ما يُكتب أو يُنشر في منتديات العاشق يُمثل وجهة نظر الكاتب والناشر فحسب، ولا يمثل وجهه نظر الإدارة

rel="nofollow" maxseven simplicity and clarity