تذكرني !
تابعنا على
مسابقة التصميم منتديات العاشق

  •  Jigen Daisuke
  • Tenki no Ko
  • Yahari
  • One Piece
  • Detective Conan
  • !Appare-Ranman
  • D.Gray-Man
  • Slam Dunk
  • Black Cat
  • Remy
  • Kimi no Suizou
  • Touch
  • Miyori no Mori
  • Princess Tutu
  • Pokemon
  • Haikara-san
Fate Monster DVD Full Batch Evangelion Slam Dunk
قديم 12-14-2019, 10:19 AM   #381
روح هالِـ×ـه ~
 
الصورة الرمزية BeautifuL StrangeR
رقـم العضويــة: 268289
تاريخ التسجيل: Sep 2013
العـــــــــــمــر: 29
الجنس:
المشـــاركـات: 9,320
مــرات الشكر: 8
نقـــاط الخبـرة: 1535

Icons13 رد: مأساة روح {هالكه} في اوراق تائهه ~

السلام عليكم ..~

ليل الجمعه || 12\13\19 ..~

||

هاليومين اللي مروا كان مناح عليا الحمد لله , صح مش عاجب اللي حواليا , وصح مريضه فيهم , بس بنفس الوكت عن حالي مرتاحه ..~

امي طبعا بدها اد جينفر بتتصل عليا اني اشتغل فاوافق وبعذرها لانو بتعرفش اني مريضه , بكفي يومين مع جينفر , يوم طويل ويوم قصير , ووصلت لمرحله اني طلبت من جينفر انو راح اترك الشركه رسمي اخر هالشهر , بصراحه في عميل بعرفه صارلي خمس سنين , وهو اول عميل من بدايه شغلي لحد الان , عنجد حاسس بالاسف اني راح اتركه لانو من احسن الناس اللي مروا عليا بحياتي كلها .

ع نهايه الشهر في موعد دكتور عشان بعده موعد العمليه اللي كديش بستناه لانو كل شهر بشوف حالي اضعف والمناعه بتقل , يا رب يهونها علينا لوكتها , وكمان في شغله تانيه اد زبطت بخبركم وحتى لو ما زبطت كمان بخبركم , وعنجد كديش بستنى نهايه الشهر عشان ملان حكي بخصوص هالاشي التاني نفسي اشاركه معاكم , نفسي اطلعه من جواي لانو كديش بضل متوتره بخصوصه.

امبارح الخميس اصحيت متنكده اشي مش طبيعي لانو ليله الاربعا اجاني ايميل وكعدت ساعه كامله وانا اعبّي البيانات , مرات داخليا بحكي بديش هالشغله تزبط من كتر ما اتغلبت فيها ,بس بنفس الوكت بحكي فرصه كبيره والكل متشجع عليها , بعدها ضليت بالبيت وعملت جوله ترتيبات كبيره وجذريه فيه وكنت مبسوطه ع النتيجه , وع المغرب بلشت امرض بزياده لهيك ما عملت اشي لوكت ما نمت ..~

اما اليوم اصحيت بدري ع امل انجز باليوم , ضليت بالتخت ساعه , كومت افطرت واشربت كهوه بعد ما خلصت تلفون قصير مع امي , وبلشت في ترتيب جذري بالبيت كمان انبسطت عليه , وع الظهر عملت الروتين تبع يوم الجمعه , اخوي تلات بضل يتصل عليا مشان يشوف اد اطلعت من الدار ولا لأ لانو كسول جدا ع انه يشتري حواجه للدار او يشتري اي اشي, وبركن عليا فا حكتله بديش اطلع , كديش صعب لما تخبّي مرضّك ووجودهم حواليك لازم تظهر انو فش فيك اشي وانك شخص بدك اضل بالبيت انبساط , مش لانك مريض وفش فيك حيل تطلع , وانو تركت الشغل عشان مرضي مش عشان بديش اشتغل , هو صح داخليا بديش اشتغل , بس حياتي بدها مصاري والتزامات , وما تركت الشغل الا لاني اوصلت لمرحله بكدرش اشتغل عشان صحتي , وع العصر خلص بنشرت , لهيك كعدت وهيني ..~

||











~ | آسك| آكبس |~

BeautifuL StrangeR غير متواجد حالياً   رد مع اقتباس
قديم 12-29-2019, 07:52 AM   #382
روح هالِـ×ـه ~
 
الصورة الرمزية BeautifuL StrangeR
رقـم العضويــة: 268289
تاريخ التسجيل: Sep 2013
العـــــــــــمــر: 29
الجنس:
المشـــاركـات: 9,320
مــرات الشكر: 8
نقـــاط الخبـرة: 1535

Icons13 رد: مأساة روح {هالكه} في اوراق تائهه ~

السلام عليكم ...~

||

من ليله السبت || 12\28\19 ..~

شهر بدي يصيرلي غايبه , لانو كل يوم ادخل بكصه تخليني اكتئب اكتر واكتر , وكل يوم ادخل بمصيبه ما يكون ببالي الا بس احلّها وبعدين بمشي بحياتي ,هاي مشكله عندي انو اد انا بمشاكل راح اوكف حياتي لوكت ما تنحل , وهات عاد ع حياه كلها مشاكل , راح احاول احكي بالمختصر ويمكن لأ , لاني مكهوره , اليوم شوفت نفسيتي احسن وامشو معي لاحكي عن مجريات هالشهر ..~

بالنسبه للصحه ..~

الحمد لله الحمد لله كتير انو ما طلع معي المرض العاطل عالاكيد , عملت فحوص كتير ومكينات كتير بس الحمد لله الحمد لله فش اشي يخوّف , بس هلكيت صرت اخد دوا اكتر وبجرعات اكتر , صح بشوفها بتعملي هبوط بالنشاط اللي معي , وهزل بس الحمد لله مرتاحه نفسيا , ضايل عليا موعد بعد شهر وحكولي ان شاءا لله بعدها بحولوني ع ميعاد للعميله , الاشي المزعج انو فتره اعياد هون , وانو مواعيدي دايما بعيده , عشان مع دكتور كبير , بس فش خوف .

||

بالنسبه للشغل ..~

انا الان ما بشتغل ولا نص يوم , تركت كل انواع الشغل , استقلت من كل انواع الشغل , من التمريض عالاخر , كتير ازعلت لانو في عميل عندي بعرفها من خمس سنين وهي اول عميله عندي , كتير ازعلت اني راح اترك الشغل عندها , يالله عمر بينا عمر , لما حكتلها خلص بدي اترك الشركه يالله كيف وجهها اتغيّر , جينفر ما حكتلها وحطتني انا ببوز المدفع احكيلها , وكعدنا نحكي لبعض عن اول يوم اتكابلنا , وكديش حكت انو كانت مبسوطه بشغلي , يالله كعدت اسبوع وانا مشغول بالي كيف احكيلها , الكل حكالي لكل اشي بالدنيا نهايه , بش بديش نهايه هالعمليه , اليوم هو اول يوم انا عاطله عن العمل , سبب ترك الشغل الصحه , وكمان شغله تانيه بخبركم عنها بعدين ..~

||

بالنسبه للاهل ..~

مشاكل دايما , دايما , اوصلت لايام احكي خلص بديش اعيش , ومكنتش افكر بشو بصير بعدها ,وايام احكي بدي احكي لامي اني مريضه مشان خلص تحمد الله اني منيحه وهدا المهم , كتير يصير صراخ ورمي حكي , ونحارب بعض ساعات , واحكي بعكلي بديش احكي معهم خلص , وكد ما احاول افهم فيهم شو بدي وشو براسي وكيف نقتنع بالنصيب , ومرات احكي اللي بيعملوه معاي يا ريت بصير مع بناتهم لخواتي مشان يحسو اللي انا بحس فيه , ومع هيك لما نرجع نتصالح ونراضي بعض ونبوس رووس بعض كل اللي كنت افكر فيه يطير , وحكتلهم انو مرضي صار من كتر ما بتلجو فيا , وانو خلص ليروح يصير فيا اشي اكبر ومشاكل اكبر مشان خلص تفهمو انو نصيب وانو مش هالاشي الكبير , والله اعلم ..~

||

بالنسبه للنفسيه ..~

من مره مش منيحه , دايما متنكده , دايما معصبه ومتوتره , ودايما في استنظار لشغلات بحياتي , ما بستمتع بالشغلات اللي بشوفها او بقرئها , ما بستمتع بالايام بدون شغل , لانو الكل بحسسني انو غلط ما تشتغلي .

||

من الشغلات اللي كمان صارت , في شب عربي كانت تصير مصالح بينا بخصوص شغل , من فتره خلص صار حكي منه انو انتهت المصالح , كديش ازعلت لانو شب محترم ومؤدب وبفهم وخلوق جدا , كديش حبيت الشغل اللي كان بينا لاني دايما مرتاحه في التعامل معه , لهيك روحت اتعامل مع شب عربي تاني مشان نفس المصلحه, هاد الشب العربي التاني بعرفه وصار بينا مصالح وهو شخص عبقري وعكله رهيب لانو تفكيره رهيب ومن زوايا ما بشوفها مع الناس اللي حواليا , كعدت اسبوع وانا والتاني نشتغل عشان المصلحه , اوكعت بفتره توتر مش طبيعه , ومع انو هالمصلحه مشان اهلي , واكيد ارتمت عليا , وبكره بصراحه هاي الثقه من اهلي باني بكدر احل المشكله وانو كدها وانو ما بنخاف عليا , بس بيني وبينكم انا بخاف من الناس , ودايما محتاطه منهم , ودايما عندي الناس ع غلط لوكت ما يثبتو العكس , صار بيني وبينه مواكف احاول كد ما اكدر ما اطلّع بعيونه , لانو عيونه مش مريحات , عيونوه بثبتولي انو هو غلط , انو هامل ووكح , وانو اد غلط بكرهه وبكره التعامل معه وراح انهي المصحله بينا , وانا بكدرش انهي المصلحه بينا بكدرش , مين راح يساعدني فش حد , وهو والله تعب معي والله , لهيك دعست ع مبدأ من مبادئ عشان بس اعمل هالمصلحه مشان اهلي , بس ينعن شكله ينعن شكله ع افكاره الرهيبه , بحب الكعده معه والحكي معه ينعن شكله , عاد المصلحه ماشيه لشهر يا رب , ويا رب ادوم اشهر عشان ما اروح اطلب مساعدته , مع انه بشوفه وانا بالبجامه وفش ولا ذره مكياج وشعري مربوط , وبحاول امسك حالي من الضحك , واكون صريحه ووقحه معاه من ناحيه الكلام مشان اعمل خطوط وحواجز بينا .

||












~ | آسك| آكبس |~

BeautifuL StrangeR غير متواجد حالياً   رد مع اقتباس
قديم 01-03-2020, 08:45 AM   #383
روح هالِـ×ـه ~
 
الصورة الرمزية BeautifuL StrangeR
رقـم العضويــة: 268289
تاريخ التسجيل: Sep 2013
العـــــــــــمــر: 29
الجنس:
المشـــاركـات: 9,320
مــرات الشكر: 8
نقـــاط الخبـرة: 1535

Icons13 رد: مأساة روح {هالكه} في اوراق تائهه ~

السلام عليكم ..~

1\2\20 من ليله الخميس ..~

||

اصحيت ع 6 الصبح , ضليت نص ساعه وشوفت ساده نايم والحاره هاديه , ارجعت نمت واصحيت ع 9 ونص , اتصلت ع امي اطمن عليها لانو امي وابوي صحتهم مش ولابد , وما كترت حكي لانو عليا موعد مع صاحب ابوي صارلي بالراحه يمكن نص سنه مش شايفته , بسرعه افطرت واشربت كهوه وانا كاعده بجهز بحالي , واطلعت من الدار عشره ونص لانو موعدي ع 11 , الحمد لله اوصلت ع الموعد وضليت نص ساعه وكتير حكي صار بينا ..~

خلصت من عنده وحكيت بدي اروح ابعت الشنته تبعت اختي فيث لانها لما اجت عندي امبارح نسيتها عندي , اوصلت دار اختي كعدنا نحكي بالسياره الا حماتها عطول طلعت تحكي معي , اخجلت وحكيت انزل عندهم , طولت عندهم وازهكت حالي لاني بكره حماتها , بس الغريب اليوم انو هاي اول مره زوجها بضل كاعد معانا ونحكي ونمزح , بس صار حكي مكانش نفسي يصير وحكيت لعكلي هاي اخر مره بنزل عندهم ..~

بعد ما خلصت من عند اختي , اتفكت مع اختي التانيه نروح ع المنتزه مع الصغار , وكمان طولت واحنا مع بعض , وصار حكي بينا انو ما نجيبه لامي , بس اختي هوبز صايره اشي مش طبيعي كلشي تحكي لامي شو هاد ..~

اجيت ع البيت حوالي 4 وما عملت اي اشي بالدار من مره لانو مش شايفها هالشغل , بس الحمد لله زبطت كصه مصلحه معي لمده شهر من طرف هالشب العربي الحمد لله ..~

||

في اشي بالطريك بحياتي بخبركم عنه ان شاء الله مع الوكت هو مش عارف اشي حلو ومش حلو

||











~ | آسك| آكبس |~

BeautifuL StrangeR غير متواجد حالياً   رد مع اقتباس
قديم 01-04-2020, 07:05 AM   #384
روح هالِـ×ـه ~
 
الصورة الرمزية BeautifuL StrangeR
رقـم العضويــة: 268289
تاريخ التسجيل: Sep 2013
العـــــــــــمــر: 29
الجنس:
المشـــاركـات: 9,320
مــرات الشكر: 8
نقـــاط الخبـرة: 1535

Icons13 رد: مأساة روح {هالكه} في اوراق تائهه ~

شو اشتريت :~



سيروم , اشتريته قبل حوالي سنه بتزكر ب 90 $.

من افضل واحب السيروم عليّا , وهو اللي خلاني احب السيروم واحب السيروم الغالي , من النوع الزيتي بس رحيته حلوه , ونقطه منه بتكفّي , ملمسه حلو , وراح اشتريه كمان مره , كان رهيب ع وجهي بانو بوحد اللون وبفتّح الوجه , بعطي نظاره من اول مره وملمس رهيب .

؛



من نفس الشركه , ونفس الوكت اشتريته ب 60$ .

اد اجاني سؤال احلى ريحه كريم مر عليا فهو هدا القناع , هو قناع رملي ريحته ياسمين حلوه كتير , بس كان يخلّي وجهي احمر شوي , مع اني ما اخليّه لوكت طويل , بس اصحى تاني يوم وجهي مفتّح كتير .. رهيب , راح اشتريه كمان مره .

||

ارجع للسيروم:~



50 $

لاني بحب اي شي فيه هالورنيك اسيد , اشتريت هاد السيروم وكنت بس استخدمه بالليل , ما كان يعمل هالاشي الحلو او هالاشي الرهيب , شوي اضاءه , عادي في انواع سيروم ارخص واحسن , ما راح اشتريه كمان مره .

؛



50$

كمان مش هالسيروم الرهيب , كان يعمل اضاءه حلوه بس بنفس الوكت يعمل تان وبكره اي شي يعملّي تان لانو ما بيلبق الي , وبسرعه خلّص معي , وبده وكت لينشف من ع وجهي , واشوف وجهي متل الرجل الالي الفضي ع تان , يعني عنجد ما احب اشوف وجهي وهو عليه , ما راح اشتريه .

؛



من نفس الشركه وهاي الشركه بشوف انها محروقه من كتر ما كل الناس بتحبها ومشهوره 20$

غسول يطلع رغوه كتير ويفتح وجهي وما يعمل حبوب بوجهي , بس الاحظ عليه انو ينشّف وجهي , ع كصه ارجع اشتريه يمكن .

||








~ | آسك| آكبس |~

BeautifuL StrangeR غير متواجد حالياً   رد مع اقتباس
قديم 01-05-2020, 08:47 AM   #385
روح هالِـ×ـه ~
 
الصورة الرمزية BeautifuL StrangeR
رقـم العضويــة: 268289
تاريخ التسجيل: Sep 2013
العـــــــــــمــر: 29
الجنس:
المشـــاركـات: 9,320
مــرات الشكر: 8
نقـــاط الخبـرة: 1535

Icons13 رد: مأساة روح {هالكه} في اوراق تائهه ~

السلام عليكم ..~

المسا من يوم السبت || 1\4\20 ..~

؛

صارلي ساعه بمصيبه من اديّا , الحمد لله انتهت ع خير , جربت نوع كريم لوجهي وبعرفه نوع كوي ومش لازم اخلطه مع اي نوع تاني , بس انا طنشت وحكيت مش راح يصير اشي , وطوب صار مصيبه , وجهي صار زي النار وزي البندوره , واوصلت لمرحله اسحب حالي واروح ع الطوارئ , بس عشان متحممه وبديش يلفحني الهوا وامرض , لهيك ضليت بالمطبخ وخلصت كل جرار مكعبات التلج , ضليت ساعه كامله التلج بذوب من سخونه وجهي , والحمد لله هي وجهي خف وارتحت ..~

||

اصحيت اليوم متاخره بعد ما اقلقت بالليل لانو امبارح حضرت اخوي كعد يعمل مشاوي بالليل وخلى باب البيت مفتوح وحضره ساده طلع برى , وضليت ع اعصابي لانو ما رجع ساده , ع نص الليل بعد ما انشفت وانا فاتح الباب وانا استنظر ع اعصابي , لمحت ساده جاي , ولما شافني لف حاله وبده يرجع يكمل طش , وانا ركضت وخلعت راسه وبدي اكصّه ع الحاله اللي كنت فيها منه , حملته رميته بغرفتي وكنت تعبانه لهيك نمت .

مكنتش متوقع حد من خواتي يجي عندي اليوم , لانو فيث عليها مشوار , بس هوبز امبين عليها زهكانه لهيك حكتلي اروح اجيبها بس يطلع جوزها ع الشغل , تيجي تشرب عندي كهوه , وكنت كمان متواعده مع فد انو نحكي , لانو كمان امبارح بالليل هي بعتت انو نحكي , لهيك بعد ما اصحيت وافطرت ورتبت شوي بالدار , حكيت احكي مع فد قبل ما اروح اجيب اختي , ما حكيت معاها دكيكه الا هوبز بتتصل , ضليت مع فد ع الخط وانا اسوك , وبس اوصلت لعند اختي سكرت الخط لانو بديش حد يعرف انو بحكي معاها .

وحتى ميم كمان بعتت مسج انو حلمت فيا والحلم منيح ويا رب يكون فرج .وانناس بضل تبعت مسجات عشان مرت اخوي بتعمللها مشاكل وبصراحه بشوف المشاكل تبعتهم حكي فاضي وهبل وتفاهه , وبهمنيش هيك مشاكل , حياتي فيها شغلات اهم واكبر من اللي بصير بينهم , وغير اني حكتلها زماان انو مليش دخل شو مرت اخوي بتعملك مشاكل وما تيجي تحكيلي .

فد صاحبتي ومن وانا صغيره , ميم صاحبتي من ايام المدرسه , وانناس صاحبتي وجارتي .

بعد ما اوصلت لعند اختي وارجعنا ع الدار وضلينا كاعدين نحكي وندردرش ونشرب كهوه وناكل وكل الامور تمام وحتى حكينا مع امي ساعه , وجلطتني بالاخر صرخت فيها واندمت بس هي مش مستوعبه شو بحكي ومعنديش بال عليها صرت . وحتى فد كتير حكيت معاها وما خليتها تحكي , هي بس ضلت تسمع وصارت نفسيتي توب بعد ما خلصت الحكي معاها .

وبعدها رتبت البيت واجتني مصيبه وجهي وهيني ..~

||













~ | آسك| آكبس |~

BeautifuL StrangeR غير متواجد حالياً   رد مع اقتباس
قديم 01-06-2020, 04:39 AM   #386
روح هالِـ×ـه ~
 
الصورة الرمزية BeautifuL StrangeR
رقـم العضويــة: 268289
تاريخ التسجيل: Sep 2013
العـــــــــــمــر: 29
الجنس:
المشـــاركـات: 9,320
مــرات الشكر: 8
نقـــاط الخبـرة: 1535

Icons13 رد: مأساة روح {هالكه} في اوراق تائهه ~

ايش اشتريت :~




مزيل عرق , ع قولتهم انه من مواد طبيعيه , بس بصراحه عجبني , بالنسبه للريحه الليمون رهيبه , صح ما بكفي لساعتين تلات ولازم اعيد الاستخدام , بس ريحته خلتني احبه كتير , وغير انه فش اثر ع الاواعي , وملمسه ناعم عكس المزيل العرق الطبيعي , لهيك اشتريته كمان مره , 12 $

؛



كريم ليل , هالشركه حبيت كلشي استخدمته منها , بس نوع كريم هالليل كان منيح من ملمس وكيف وجهي بيشربه , بس مكانش رهيب , انو اصحى تاني يوم وجهي واو , بس انا مش مع ريحه الاعشاب , بحبش ريحه انواع الاعشاب , وبسرعه خلّص , ولما كسرت العلبه بعد ما خلّص انو ليش بسرعه فاضي , شوفت انو المنظر الخارجي كدبه , انو كبير عالفاضي وجواها بس شوي . ومع هيك ما اظنش اشتريه كمان مره 50 $

؛



من نفس الشركه , وهو قناع رمل مغذي , كتير حبيته بس كرهت ريحته ولحد الان عندي , بستخدمه مره في الاسبوع او مره في الاسبوعين لانو عندي ملان اقنعه بستخدمها غيره , من الاقنعه الرمليه اللي ما بصير وجهي احمر بعدها مع انو وجهي حساس , بس بفتّح وبيبيّض وبريح الوجه كتير , جد حبيته 35 $ .

؛



لازم استخدم مي ميسيلار كتير بحياتي , لانو اغلب ايام الصبح ما بحب استخدم غسول وجه مشان ما انشّفه من كتر ما بعمل تقشير واقنعه بالليل , هاد اجاني من بنت اختي وما عجبني لا ريحته ولا الملمس لما ينشف ع وجهي , وما بشوفه بشيل المكياج اد بدي اشيل المكياج قبل ما اغسل وجهي بالليل , يعني ما عجبني من مره وبعرفش سعره .

؛



دايما روتيني الصباحي والمسائي استخدم كريمات عيون , بعرفش اد حكيت عنه بس هالكريم كان نقطه منه تكفي , وضل عندي فتره طويله ت خلص , مكنتش اشوفه يعمل اشي الا وكت ما كطعته فتره اكتشفت انو عنجد بخفف التعب والارهاق والسواد تحت العيون , ولما اجى بده يخلص اشتريته كمان مره بس لحد الان ما بستخدمه, بستخدم نوع تاني عاجبني 50$

عندي مشكله انو الغُطي بضيّع لهيك في كريمات فش غُطي عليها .

||








~ | آسك| آكبس |~

BeautifuL StrangeR غير متواجد حالياً   رد مع اقتباس
قديم 01-07-2020, 04:32 AM   #387
روح هالِـ×ـه ~
 
الصورة الرمزية BeautifuL StrangeR
رقـم العضويــة: 268289
تاريخ التسجيل: Sep 2013
العـــــــــــمــر: 29
الجنس:
المشـــاركـات: 9,320
مــرات الشكر: 8
نقـــاط الخبـرة: 1535

Icons13 رد: مأساة روح {هالكه} في اوراق تائهه ~

السلام عليكم ..~

المغرب من يوم الاثنين || 1\6\20 ..~

||

يوم الاحد من الايام اللي بتصير اللمه عندي بالدار الحمد لله , الله يديمها ع خير وصحه وهداه بال , بيجيو خواتي واولادهم , وحتى اخوي واحد كمان اجى مع انه بنكره مرته وبنحبش نشوفها , اخوي واحد قرر انه يترك التدخين , وهاد اشي بيني وبينكم بعرفه كديش كبير عليه لانو بحب الدخان كتير ولاني كنت مكانه , وغير انه مش بده يخفف , لأ بده يقطعه من مره , الله يتمم الهدايه ويثبته ويكفيه من شره .

ما صار اشي مهم تاني بحياتنا الا نفس كصتي وكصه كبرت ولازم اتزوج , والحلو انو اليوم رجعو الاولاد ع المدارس الحمد لله .

اليوم اصحيت ابدر من ميعادي مشان بدي اعوّد حالي اصحى بدري لانو الاسبوع الجاي عخير عليا كصه جديده بحياتي ويا رب يكون عندي الوكت والمزاج انو اجي واحكيلكم عنها تكه تكه ..~

وبعد الظهر اجت عندي اختي فيث وجابتلي كهوه وغدا لانو المكاينه اللي بعمل فيها كهوتي امبارح انكسرت من عيون مرت اخوي , والمكانيه التانيه بحبش طعم الكهوه فيها , والمكينه التالته هديه لصاحبتي وبديش استخدمها لانو ع اسمها , ما استكفيت بالكهوه العربيه اللي اشربتها , لهيك اتغدينا واشربنا كهوه وبعدها هي اتسهلت .

فتحنا كصه طويله انو ارجع للاكس تبعي اللي كنت مرتبطه فيه , بحياه الله اللي كاعده بتحكيه , بس من كتر درجه بطئ الاستيعاب تبعتي ضليت مسطوله وساكته وحكيت لأ وخليتها تحكي لحالها مع حالها , هاد للموت لأ ..~







راح ابلش بمسلسل عربي سوري اللي هو كوما , وكل فتره وفتره بشوف في انمي جوجو لسا بالموسم التاني , بس كديش بضحك وانا اشوف فيه هالانمي , في مسلسل اجنبي المشكل انو التورنت موكّف , ما مصدّك ينتهي عشان ابلش اشوف فيه .








~ | آسك| آكبس |~

BeautifuL StrangeR غير متواجد حالياً   رد مع اقتباس
قديم 01-09-2020, 09:32 AM   #388
روح هالِـ×ـه ~
 
الصورة الرمزية BeautifuL StrangeR
رقـم العضويــة: 268289
تاريخ التسجيل: Sep 2013
العـــــــــــمــر: 29
الجنس:
المشـــاركـات: 9,320
مــرات الشكر: 8
نقـــاط الخبـرة: 1535

Icons13 رد: مأساة روح {هالكه} في اوراق تائهه ~

السلام عليكم ..~

من ليله الاربعا || 1\8\20 ..~

||

بالنسبه ليوم التلاتاء , اصحيت بدري مشان كان عليا موعد مع اختي الكبيره بخصوص شغله نعملها مع بعض ,اطلعت من الدار واوصلت عند بيتها واخدتها وروحنا نعمل الكصه, وبعد ما خلصناها والحمد لله كل الامور تمام , حكينا لبعض نروح نشرب كهوه ونشتري اشي خفيف ناكله مع الكهوه , بس لاني صبيه مش صباحيه من مره , والله يعيني ع الايام الجايه , كبل ما اطلع من الدار افطرت خبزه عالسريع واخدت معي كهوه اشربتها بالطريك ومع هيك منيح ما خبطت السياره اكتر من مره الله سترها معي , واحنا نشرب كهوه فتحنا التلفون ع امي وحكينا معاها , وبعدها جوزها لاختي بتصل عليها لهيك رجعتها ع البيت وانا روحت اعمل اشغالي ..~

روحت اتحوجت شوي في محل كريب ع بيتي فيه شغلات حلوه وارجعت ع البيت وكعدت نص ساعه وانا الف ع مكان اصف السياره , انكهرت انو لسا الدنيا العصر وفش مكان كريب , وبعد ما اوصلت الدار رتبت الدار وكان في تلفونات عليا مع البنك تبعي ومع شركه النت ومع العياده , في امور زبطت معي وامور لأ وبس ..~

||

اما اليوم الاربعا , كان عليا موعد بدري مع لينا , كل فتره يعني مره بالشهر او مرتين بحب اروح عندها تزبطني وتعمل اظافري وكل هالكصص , بس هاي المره اتاخرت عشان اعياد وكانت ماخده اجازه , وموعدي ع 8 , يعني سبعه ونص الصبح اطلعت من الدار , يعني اصحيت واطلعت شو ما انا بدون فطور وكهوه وكصصها , وفش مكان لصف السياره الا بمصاري وبعرف هاد الاشي لهيك باخد معي فكّه للمكينه لانو صارت معي قبل هالمره انو المكينات اللي بالحاره عندها ما بتقبل الا فكه كاش , مش بطاقه بنك , وبعرف كمان لانو صارت معي انو المكينه حراميه مرات بتاخد اكتر من المطلوب انو بتنصب عليا , بس اليوم اعرفت انو المكينه بتاخد المصاري وما بتحسب ولا دكيكه ينعن ابوها بكاع الكندره ع الصبح ,يعني دفعت اجار ساعتين وبستنى كاعده انو المكينه تزمر تطلع صوت انو اشتعلت ويطلع اللون الاخضر , ولانو لسا الصبح كانت درجه استيعابي صفر , بعدين استوعبت انو المكينه مش شغاله ومش لازم استنى , وانا عصبت بدكم الصراحه , ضليت اضرب فيها انو بكلي تشتغل وعالفاضي , روحت ع مكينه تانيه وبوزي واصل عندكم , واوصلت عند لينا عالموعد بالزبط وانا عندها اتصلو عليا خواتي اني اروح اشرب معهم كهوه , حكتلهم استنوني , ولما خلصت من عند لينا واجيت اطلع اتصلوا عليا انو ازواجهم المحترمين بتصلوا عليهم يرجعوا ع البيت لهيك ما روحت شوفت خواتي وارجعت عالبيت , ورتبته وهيني ..~


||











~ | آسك| آكبس |~

BeautifuL StrangeR غير متواجد حالياً   رد مع اقتباس
قديم 01-14-2020, 09:02 AM   #389
روح هالِـ×ـه ~
 
الصورة الرمزية BeautifuL StrangeR
رقـم العضويــة: 268289
تاريخ التسجيل: Sep 2013
العـــــــــــمــر: 29
الجنس:
المشـــاركـات: 9,320
مــرات الشكر: 8
نقـــاط الخبـرة: 1535

Icons13 رد: مأساة روح {هالكه} في اوراق تائهه ~

السلام عليكم ..~

من ليله الاثنين || 1\13\20 ..~

||

اليوم اصحيت ع الخمسه الصبح ومعرفتش ارجع انام لاني كنت متوتره عشان اليوم هو اول يوم تدريب بالشغل الجديد اللي ان شاء الله التمام فيه عخير , وافطرت واشربت كهوه ورتبت البيت مشان بعرف برجع بالليل وبكون تعبانه ارتب , وجهزت حالي واطلعت 8 الصبح من البيت , والحمد لله السياره جمب الدار ,ولان اول مره بدي اروح ع هاد المكان من هاد الشارع كنت مركزه بالسواكه والحمد لله ربنا سترها معي مع انه كانت الصبح ازمه اشي مش طبيعي والجي بي اس بتخربط الواحد والشمش بعيوني ولا زي كاني لابس نطاره , بس مع هيك كنت مبسوطه اني رايحه ع هاد الشغل , لانو بعطو معاش منيح ولانو شركه كبيره بعرف راح يجي وجع راس والنفسيه مش كتير راخ تكون وراح اغيب عن البيت فوق ال 12 ساعه كل يوم , يعني فش حياه , بس عم احاول اشوف الشغلات الايجابيه بالشغل , وهاد الشغل اتعبت اشهر عشان اوصله , ما بين حسن السلوك اللي اتعبوني ووصلت لمرحله الخوف انو ما يزبط , واضيع ساعات وايام في تعبايه ورق انجليزي صعب كتير عليا .

اليوم الاول هو فيديوهات مع الاساتذه مشان يدربوكي عالشغل وملان قرائه ورق وتعبايه ورق وبده ساعات واللي بكهر انو بتكدريش تعمليهم بالبيت لازم اتصالات فيديو مع الطلاب التانين والاساتذه شغلات كتيره مش مريحه والنفسيه ضغط . منيح انهم بعطو الواحد بريك ومنيح في كهوه جمبنا , ومنيح في بريك دكايك بين كل ساعه وساعه .

بعد ما خلصت التدريب اللي عليا ع 6 ونص , اجيت عالبيت وبلشت بمرحله السياره وفش مكان اصف السياره الا بعيد بعيد واخ يبي بس يالله اتحمل , ودخلت البيت 8 بالليل , بالزبط متل ما كنت حاسب بعقلي انو كل يوم هيك من 8 لل 8 حياتي , وهي الساعه بدها تصير عشره بالليل , ما اتعشيت ورتبت المطبخ من عجكه العشا وحكيت مع امي بالبلفون وعملت روتيني الليلي , لا قرات ولا شوفت حلقه من مسلسل , يالله يالله العبت شوي مع ساده من كتر ما كان مشتاكلي لاني غيبت عنه كل النهار وهيني بدي انام ,

بعرف مرات كد ما تكون الامور صعبه عليا بس لما اجي احكيها هون بتخف عليا كتير , كانو في حدي بستدعيلي بالخير , شكرا ولك المثل .











~ | آسك| آكبس |~

BeautifuL StrangeR غير متواجد حالياً   رد مع اقتباس
قديم 01-20-2020, 07:49 AM   #390
روح هالِـ×ـه ~
 
الصورة الرمزية BeautifuL StrangeR
رقـم العضويــة: 268289
تاريخ التسجيل: Sep 2013
العـــــــــــمــر: 29
الجنس:
المشـــاركـات: 9,320
مــرات الشكر: 8
نقـــاط الخبـرة: 1535

افتراضي رد: مأساة روح {هالكه} في اوراق تائهه ~

السلام عليكم ,,~

من ليله الاحد || 1\19\20 ..~

كل الاسبوع الماضي كان اول اسبوع تدريب بشغلي الجديد , شغلي الجديد اللي صارلي شهرين بحكيلكم عنه , اتعبت لاوصله , عملت فحوص عشانه , وحسن سلوك وانا بالاصل ورقي بخوف وصعب في امريكا , واوصلت لمرحله انهم ما يقبلوني , بس قبلوني ..~

وكان المقرر انو بدايه التدريب تكون الاثنين الماضي , وكان يوم ورى يوم ورى يوم تعب نفسي اشي مش طبيعي , لانو التدريب عباره عن دروس عالنت مع اساتذه ومع طلاب , كل يوم خمس ساعات ع الكمبيوتر بالبث المباشر بالدورس , وبالاحراج بالاساله اللي بسالوها والصعوبه اشي مش طبيعي كلمات انجليزي اول مره بتمر عليا , وكمان واجب بده العاده 4 ساعات , وكمان واجب تاني بده ساعه او ساعتين , وانا لاني بطيئه بالانجليزي واضعيفه , مكنتش الحك عليهم , اكون متاخر , بالاصل انا اخر واحده بين كل الطلاب , كنت اكره لما يسالني الاستاذ ومعرفش اجاوب , كنت مضغوطه نفسي , وكنت بيطئه ومحرجه وحاله مش طبيعي , مع اني كبل بدايه التدريب كنت احكي لحالي لو شو ما كان صعب لازم اتحمل , بس بعرفش مالي ليش مش كادر اتحمل , بعرفش ليش مش كادر اتحمل الحياه , بعرفش ليش فش عندي هدف بالدنيا ومش مرتاحه وليش حساسه ..~

اصحى 6 الصبح واطلع من الدار حوالي 7 ونص 8 , وبدي ساعه الا ربع بالسياره لاوصل لشغلي ودايما ع اعصابي لانو اجت ايام مطر بخوف وبتكون ازمه سير الصبح , واكون بشغلي التدريب ع 9 ونص , واخلص 6 ونص او 7 , واوضل البيت 8 ونص بالليل 9 , غير الساعه اللي اكعد ادور ع مكان اصف السياره , وفوك كل الكصص النفسيه من التدريب , من المديره اللي مش عاجبتني وما بتساعد ولا حتى اللي بشتغل معهم مناح لئمين اشي مش طبيعي , كرهت الشغل قبل ما ابلش فيه لسا ..~

ونهايه كصه الاسبوع الاول تدريب هو ابلش تدريب تاني من بكرا لاني رسبت بالتدريب الاول ولاني ضعيفه فيه واضعف واحده بينهم كلهم بين ال 20 طالب , ولما اشوف كيف الكل مش سائل ومبسوط ومطنش الحياه من الطلاب ومن اللي معي بالشغل , احكي ليش انا هيك نكده وحزينه وخويفه ليش ؟؟! لهيك بعرفش اد بكون عندي الوكت اجي ع المدونه , اللي بكهر اني برجع ع البيت في الليل ولازم ارتبها وانظف واغسل واجلى واطبخ قبل ما انام, فش وكت للنوم بنام نص ليل ويالله يالله اشبع نوم , واخوي بكهرني بتيضع وكتي وبغلبني بكلامه الفاضي وبعجكلي المطبخ في طبيخه , ما مصدك تيجي خطيبته هان اتعبت منه ..~

هو بالاصل حرام مش الحك عليه , الحك عليا انا اللي اتعبت من الكل , اللي مش كادره اتحمل حد , واللي متنكده هيك , واللي بكهر اكتر زوج اختي الكبيره مريض صارله يومين بالمستشفى شروش قلبه بدهم فتح وهو لسا صغير , وبكرا عمليته , وعليه كمان عمليه بعدها , يعني طول هاد الاسبوع اختي بالمستشفى , وامي بالبلاد كمان مريضه وابوي كمان ,وكل شوي بسمع اخبار ناس بعرفهم ماتوا , وكصص بتزعل ااياست من الحياه , اوصلت لمرحله اقرا كصص ناس كتلت حالها , بعدين ضليت استدعي ربنا بكل صلاه انو يثبتني ويهونها علينا وعليا بشغلي , دموعي بطلوا يوكفوا ع خدي , شايف حالي ضعيفه وخواتي وبناتهم بحكو عني دلوعه , والكل ما عجبه كلامي عن التدريب وكيف انو صغط وكيف انا هيك ضعيفه , محدش حس باللي مريت فيه , والكل شاف اني مكبره الموضوع وانو بعرفش اشي , كديش كرهت حالي وكديش نفسي الدنيا تبلعي , وكديش كنت منحرجه ..~

بستغرب من حالي , كل ما بتزكر حالي زمان بحكي ليش صرت هيك , العمر بأثر ؟ ولا شو ؟ كنت اشتغل يومين ورى بعض وما انام الا ساعتين ومع هيك كنت متحمله , مريت باوكات زي ما حكتلي امي صعبه كتيره هان ومكنتش اشكي , بس هالسنتين هدول بلشت اشكي واتعب , من وكت ما وصلني خبر اني بكدرش اعمل ورقي وانزل ع البلاد , ومن وكت المرض اللي اخد اشي غالي عليا , وكل ما افكر بشو اخد وشو جاي عليا بديش امر باللي جاي عليا ..~








~ | آسك| آكبس |~

BeautifuL StrangeR غير متواجد حالياً   رد مع اقتباس
إضافة رد

مواقع النشر (المفضلة)

الكلمات الدلالية (Tags)
اد كاعد تقرأ هدا الكلام يعني عالاغلب انك متابعني بدي احكيلك شكرا(), بتمنى اني ما ازهكك او ازيد من الكأبه اللي بطوف حواليك


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه للموضوع مأساة روح {هالكه} في اوراق تائهه ~:
الموضوع كاتب الموضوع المنتدى مشاركات آخر مشاركة
>>||اوراق مبعثرة ||<< PARASITE➤طفيلي➤ قسم الأرشيف والمواضيع المحذوفة 1 12-22-2013 10:12 PM
اوراق مبعثرة العاشق 2005 قسم الأرشيف والمواضيع المحذوفة 1 07-02-2010 10:34 PM
اوراق مبعثرة العاشق 2005 قسم الأرشيف والمواضيع المحذوفة 1 07-02-2010 10:34 PM
اوراق الحياة العاشق 2005 القسم العام 0 11-02-2008 09:50 AM
اوراق مبعثرة العاشق 2005 قسم الأدب العربي و العالمي 0 10-03-2008 03:50 AM

الساعة الآن 11:13 PM.


Powered by vBulletin® Copyright ©2000 - 2020, Jelsoft Enterprises Ltd.

كُل ما يُكتب أو يُنشر في منتديات العاشق يُمثل وجهة نظر الكاتب والناشر فحسب، ولا يمثل وجهه نظر الإدارة

rel="nofollow" maxseven simplicity and clarity