تذكرني !
تابعنا على
op 901 منتديات العاشق

  • Diamond no Ace 24
  • Dr. Stone 09
  • op 900
  • Karakai 10
  • Fate
  • Rurouni Kenshin
  • alt="Super Dragon Ball Heroes"
  • katsute 03
  • alt="Magic Knight Rayearth "
  • alt="Lost Girls OVA"
هزيم الرعد  Slam Dunk 23-27 Control game أفلام جيبلي


قديم 04-06-2019, 08:17 AM   #331
روح هالِـ×ـه ~
 
الصورة الرمزية BeautifuL StrangeR
رقـم العضويــة: 268289
تاريخ التسجيل: Sep 2013
العـــــــــــمــر: 28
الجنس:
المشـــاركـات: 8,901
مــرات الشكر: 7
نقـــاط الخبـرة: 1465

Icons13 رد: مأساة روح {هالكه} في اوراق تائهه ~

السلام عليكم ..~

اليوم هو الجمعه والساعه 10 بالليل || 4\5\19 ..~

معنديش كتير وكت لاني نعسانه واد ضليت سهرانه بطير النوم , ولازم انام بدري لانو لازم اصحي بدري كتير , وغير اني اخدت دوا ومش لازم انام بعده , لازم استنى ساعه ساعتين , وما اظنش اكدر استنى ساعتين , ومش مركزه بس راح احاول اعصر مخي عن مجريات يومي ..~

اصحيت متأخره اليوم حوالي ع 10 , وما اجي عبالي افطر , بس اجى عبالي اعمل كهوه , عملت كهوه وكعدت اشرب فيها وانا اشوف بمسلسل , اجاني تلفون قصير من امي , وبعدها جهزت حالي واطلعت عالشغل , اوصلت الشغل , والفلبنيه طلعت بدري اليوم لهيك ضليت لحالي في عز الزحمه , بس الله هونّها عليا , وبعرفش ليش مكانش عندي طاكه اليوم بالشغل , ليش تعبانه ؟ ما حكيتش مع حد لانو الكل مختفي ومكانش نفسي اتحركش بحد اليوم , خلصت شغلي , وكالعاده فش مكان اصف السياره , وصلت مالطا مكان ما صفيت السياره , الله يعيني بكرا ع الطلعات اللي راح اطلعها والمشي اللي راح امشيه عشان اوصلها , الحمد لله الحمد لله فش اشي صار اليوم , ويا رب يضل مش صاير اشي , يارب , بس بعرفش ليش راسي بده ينفجر والدنيا بتلف فيا ومش هالاشي الكبير , اتعودت بس يا رب ما يزيد ..~

اليوم ما اغلطت ولا بطلبيه , لاني كل يوم بغلط ! الزباين اللي دايما بيجيو اجو , كان زحمه في بدايه الشفت وبعدها كان خفيف , البغشيش كان شوي, الله يعيني في رمضان عشان بين الاكل والكهوه وعشان التركيز ..~

||





تصبحو عخير ()
BeautifuL StrangeR غير متواجد حالياً   رد مع اقتباس
قديم 06-12-2019, 10:10 AM   #332
روح هالِـ×ـه ~
 
الصورة الرمزية BeautifuL StrangeR
رقـم العضويــة: 268289
تاريخ التسجيل: Sep 2013
العـــــــــــمــر: 28
الجنس:
المشـــاركـات: 8,901
مــرات الشكر: 7
نقـــاط الخبـرة: 1465

Icons13 رد: مأساة روح {هالكه} في اوراق تائهه ~

السلام عليكم ..~

اليوم هو التلاتاء والساعه 11 بالليل || 6\11\19 ..~

؛

صارلي حوالي ساعه عم احاول استخدم اللاب توب وهو حضرته حردان مش راضي يشتغل , اوصلت لمرحله انو كلها مؤشرات انو ما لازم ارجع للمدونه , بس صارلي شهرين اعبر المدونه وانو ابلش وبعدها استلسم من التعب او النفسيه المحمضّه , وحكيت اد استسلمت هاي المره , راح اصحى من النوم زي عوايدي من التفكير والارق , وعشان ما اتعب حالي , حكيت اجي ع المدونه واحكي عن مجريات يومي السيء من اجل التخلص من السموس ..~

بعرفش اد حد متزكرني او اشتاك , بس انا مش منهم , يا سيدي كلك خير اد هالاشي صحيح , بعد هالعوده اللي يا رب اثبت فيها عاد وبلا حردان وكسل , امي عندي جاي زياره ..~

اصحيت اليوم حوالي 7 الصُبح , وضليت بالتخت وبسمع كل تلفونات امي اللي هي عندها طقوس صباحيه لازم تتصل ع اهلي بالضفه وع خواتي هان وكل هالكصص , ضليت بالتخت حوالي ساعه , مش جاي عبالي اكوم , كنت العب مع ساده , واستنى بامي تخلّص الطقوس عشان تعمل فطور , صارت الساعه بعد 8 الصبح ولسا امي ع البلفونات , كومت وحكيت لامي " علينا معياد يلا نستعجل " عملت امي فطور , وامي عشان صحتها مش عبعض بطيئه صايره بكل شي بحياتها , ومعروف عني انو الاكل بدي امي تعمله , سنين بالغربه ولما امي تكون عندي بدي اياها ادلّعني وتعمل اكل الي حتى الفطور , ولولا كهوه امي خفيفه كان بخليها تعملي كهوه حتى . اما شغلات تانيه مستحيل اخليها تعملها .

لسا احنا نفطر اتصلت اختي ايمان وحكت عن تغير المخطط بانو بأي سياره رايحين ع الموعد , وعشان بسيارتي يعني لازم انا اطلع ابدر , وبسرعه جهزت حالي وامي اخدت سنه وهي تجهز حالها, كنت احكي بحالي "معاهم حك الزلام ينكدوا لما البنات يتأخروا هيك" , وامي حضرتها ما جهزت لسا , حكتلها "يما بنتأخر بتزبطي حالك بالسياره "اخدت معاي كل شي امي بدها اياه بالسياره , وبسرعه انا طرت ع السياره لانها بعيده شوي عن البيت , ولانو امي بتكدرش تشد ع اجرها لانها مريضه , ومع هيك اتأخرنا , وانا اسوك اسمعت 100 كلمه ع انو انا سريعه بالسواكه وبنفعش هيك , وهو انا مش سريعه بس عشان متأخرين , وكانت نفسيتي سيئه عالاخر , اوصلت عند بيت اختي ايمان وكانت اماني عندها , اوصلت متأخره عليهم 5 دكايك , ولسا حضرت ايمان اللي اتصلت عليا الصبح اني ما اتاخر , هي كعادتها اتأخرت علينا ربع ساعه , واطلعنا .

الموعد كان مع محامي عشان ورقي , اوصلنا عند المحامي , وكل كلامه بسم البدن , صح باخد ورقي عالاكيد بس , عليا اعمل محاكم راح تمتد من 3 الى 4 سنوات عشان ابرأ كل الكذب اللي انكذبت عليا ويضل معي الكرت الاخضر , وبعدها كمان من 3 الى 5 سنوات اد اخد الجواز الامريكي , واد هو بس بده ياخد القضيه عشان معروف عنه شاطر وما بخسر قضيه في الدفعيه الاولى 10 الاف دولار بدون استئناف المحكمه , يعني لما نستأنف بتوصل الى 50 الف دولار , اطلعت ومش عاجبني الوضع , وكعدنا بالسياره وصارت مشاكل وطوش كبيره بيني وبين خواتي وامي , ونرمي حكي , هم كلهم عليا وانا مش ساكته , مش عاجبني اللي بحكوه , مش عاجبني كلام امي اني ارجع للي كنت مرتبطه فيه , مش عاجبني كلام خواتي انو اتزوج اي حد عشان ما اضيع بدون ورق في امريكا ولا احط عحالي دين , من مره مش عاجبني كل كلامهم , كديش اتمنيت الموت بهدا اليوم , كديش اكرهت حالي واكرهت الدنيا واكرهت اهلي , كديش حكيت لو ارمي حالي واقتل حالي بكون احسن .

وبعد الموعد وصلوني ع شغلي لانو كان عليا شغل ومكانش نفسي اشتغل , , بس حكيت برتاح من كل هالمشاكل , وحكتلهم بدبروا حالهم مع سيارتي وباخدوا اامي ع الدار وهم حرين يعملوا شو بدهم , اوصلت شغلي اللي هو لسا بالكهوه , ما الحكت ادخل الشغل الا خواتي بتصلوا عليا وانو صار موعد مع حد بخصوص اشي وانا ما عجبني اللي صار , بس ضليت ساكته , انا اضل ساكته احسنلي . كان ضغط بالشغل كالعاده وتعب , الزباين لما يشوفوني من الشبابيك عطول بيجو , بس كانت النفسيه حلوه مع كل الزباين اللي بعرفهم , وبكون احكي معاه حك الواحد يطلع من نكد البيت , معاه حك الواحد يكره الزن اللي بصير . بفكروا انو الجيزه اشي حلوه , بضلوا يحكوا عشان الاولاد والخلف , معهومش خبر انو بالاصل انا يمكن ما اكدر اجيب اولاد بانو صحتي بالارض ومخبّي عليهم .


بعد شوي كمان اتصلت اختي ايمان وحكت راح يرجعوا سيارتي ع موقف شغلي , وانو اعمللهم كهوه , اجت وحكينا شوي عن كصه تانيه وبعدها اختي اتسلهت وانا كملت شغل بالزباين الا اتصل عليا اخوي تلات وحكى انو امي صحتها مش عبعض وانا سقط قلبي , امي بضل ضغطها عالي وصحتها من مره من اول ما اجت ع امريكا وكل يوم ع اعصابنا وحاله , اللي بكهر انو بدهاش تروح تتعالج هون عشان باخدوا مصاري بلاوي , وكديش كنت اترجاها وهي لسا بالضفه انو تروح ع دكاتره عندها قبل ما تيجي ع امريكا وعالفاضي , وكديش كنت احكليها بدك دوا غير اللي بتاخديه هاد بطّل قوي ع ضغطك وعالفاضي , وهدا سبب مخليني ما ارجع لشفتات الليل لاني بكدرش اتركهها . وبعرف انا اليوم كهرتها وبعرف انو امي عطول بيرتفع الضغط عليها ولازم تروح طوارئ , وهي ما اتصلت عليا تخبرني , وعطول اتصلت ع امي وكان اخوي واحد عندها وحكت انو هي صارت احسن وبعرف انها كانت تكدب , ضليت ع اعصابي وانا بالشغل . وبعد ما خلصت شغل طلع حساب الكاش غلط ناقص حوالي 20 $ وهاي اول مره بتصير هيك مبلغ من ورى الفلبنيه ,بعرف بعرف كله من زعل امي , عشان هيك بخاف ازعلها لانو بعرف انا كل البواب مسكره بوجهي الا باب امي , ولما هيك ازعلتها الله سكره بوجهي ..~

اجيت ع البيت وما اجى عبالي اتعشى ولا حتى احكي مع حد , كنت احكي هيك شوي معهم , وامي تلف حواليا شايفاني مش عبعضي , ضليت بغرفتي , ووبعدها اطلعت كعدت نص ساعه ع باب الدار بالحاره انا وساده , بحب الكعده خاصه بالليل , وهيني ..~

؛



العيون بهتت .~.
BeautifuL StrangeR غير متواجد حالياً   رد مع اقتباس
قديم 06-13-2019, 04:23 AM   #333
روح هالِـ×ـه ~
 
الصورة الرمزية BeautifuL StrangeR
رقـم العضويــة: 268289
تاريخ التسجيل: Sep 2013
العـــــــــــمــر: 28
الجنس:
المشـــاركـات: 8,901
مــرات الشكر: 7
نقـــاط الخبـرة: 1465

Icons13 رد: مأساة روح {هالكه} في اوراق تائهه ~

ايش اشتريت ..~

من فتره طويله اشتريت هالعطر , وكل ما استخدمه دايما بسمع مجاملات عن ريحته ..~

اسمه EAU DE من توري بورش بس بعرفش اد راح يكون مفضّل ..~

ريحته ع ليمون بشوفها وبضّل لفتره طويله .
؛





مرطب الايدين ما عجبني كتير لانو بعمل تان وبحبوش , بس ريحته حلوه .

اظن سعره فوق 100 $ .
BeautifuL StrangeR غير متواجد حالياً   رد مع اقتباس
قديم 06-13-2019, 10:34 AM   #334
روح هالِـ×ـه ~
 
الصورة الرمزية BeautifuL StrangeR
رقـم العضويــة: 268289
تاريخ التسجيل: Sep 2013
العـــــــــــمــر: 28
الجنس:
المشـــاركـات: 8,901
مــرات الشكر: 7
نقـــاط الخبـرة: 1465

Icons13 رد: مأساة روح {هالكه} في اوراق تائهه ~

السلام عليكم ..~

عندي الساعه شوي وبتصير نص ليل , ومع هيك لسا بيوم الاربعا ..~

\6\12\19 .

؛

مش عارفه بشو ابلش غير انو يومي بلّش في مشاكل وكصص , من امبارح اتفكت مع ايمان انو اد فش عليها شغل نروح نفطر برى , وعشان حضرتها ما خبرتني ضل ببالي انها بدهاش تطلع , اصحيت الصبح حوالي ع 8 وشوفت لسا امي متممده حكيت اكيد ما نامت طول الليل , ارجعت حطيت راسي ونمت , واصحيت ع صوت رنه بلفون امي حوالي ع ال 9 , كانت ايمان وحكت لامي انو تجهز حالها وانا كمان مشان نطلع نفطر برى بعد ساعه , امي ما عجبها الوضع طبعا لانو عارفه انو المطعم اللي رايحين عليه وعارفه انو غالي , بس من وكت جربت هالمطعم وانا احكي لخواتي خلينا كلنا نروح نجربه لانو بستاهل , طبعا امي كعدت اقسم بالله ساعه كامله من 9 لل العشره وهي لسا تلف وادور وانو لسا بدري وكل هالكصص, واحكيلها يلا يا حرمه لنتأخر وهي تحكي وشو يعني , صارت 10 الا خواتي بيتصلوا وين احنا وانهم صاروا عند موقف المطعم , ومعرفتش شو احكيلهم , حكلتهم لسا احنا بالدار وبلش الحكي انو فش وكت وكل هالكصص , الي بدها تاخد اولاها ع المدرسه او زوحها وكل هالكصص والحجج الفاضيه عندي , ازعلت وحكتلهم خلص خليها ليوم تاني وسكرت البلفون , واتنكدت نكد ليوم النكد , لاني من العيد وانا احكيلهم يلا ويلا وكلهم عنجد وجوه فقر , كل يوم بأجلو وبتحججوا , واتكاتلت مع امي انو كلشي عندها لأ , وضليت زعلانه طول النهار , وصارت تحكي بدها تجدد التكت وتنزل ع الضفه , وما اهتميت , لانو يالله شو بعمل كلشي هي بتطلبه مني وبحكيش لا الا لشغله واحده ,ولما بدي ابسطها واشممها الهوى بدهاش , وانو الحك عليا انا اللي بطلب منها اشي وبديش اطلب ومنا طول الوكت بطلع لحالي شو فرقت يعني , عنجد انجنيت وصوتي انبح من الحكي , وضل بوزي شبرين طول النهار , وحكيت اروح انظف سيارتي وخزاتي احسن , وانا بعرف لما ازعل اعصاب معدتي بتكتلني , والعصر اطلعت اتحوجت للدار وعملت كم شغله بلا الكسل , ارجعت المغرب ع الدار وكنت احكي مع امي عادي , بس هيك في شغلات انا صرت حساسه فيها .

؛

اليوم مبسوطه من حالي اني ارجعت اقرأ , وبتمنى ارجع اشوف افلام ومسلسلات , ومش مصدك حالي انو فش معي مصاري , لانو شغلي بالكهوه ما بجبيب مصاري وعليا التزامات يعني يالله يالله ادفع الالتزامات , بس الحلو انو صارلي خمس اشهر بحوّش للكميرا اللي بدي اشتريها , ولما قررت اشتريتها دخلت بكصه مرض تاني , وفش عندي تأمين , فا لازم اروح اعالج حالي ابدى اظن , بس يالله شو نفسي بالكميرا .

اتصل عليا المدير الجديد , اتعرفت ع حد بشغلي بالكهوه وحكالي اد اشتغل بالمطعم تبعه , ولما روحت عملت مقابله قبل يومين وافق عليا , كنت خايفه بصراحه انو يكون في المطعم تبعه بار , وبديش اشتغل في بارات , بس طلع فش , هلكيت لازم احاول اعدّل بين ايام الكهوه وايام المطعم ومش عارف كيف , لانو الكهوه بدهومش اعطل وبحبو دايما اني اشتغل من الظهر لوكت ما اسكّر الكهوه وانا مبسوط بالكهوه من الزباين حتى لو بضّل واكف ع اجريا , والمشكله الاكبر انو شغلي الكديم شوي وبيرجعوا يطلبوني ويا حبيبي يعني ارجع شفتات ليل 12 ساعه ؟ وامي بدهاش وهي هان اشتغل سفتات ليل ومعاها حك عشان صحتها , دايما حياتي هيك ركض بركض .

؛

حبي طلبوا الدكاتره منه انو يعمل فحووصات جديده , يا رب ما احلها انو المضاد عمل اشي ؟ يا رب يكون بكدب عليا بكصه المرض عشان اترك كلشي وانزل , يا رب تكون مزحه ..~

؛

BeautifuL StrangeR غير متواجد حالياً   رد مع اقتباس
قديم 06-15-2019, 08:36 AM   #335
روح هالِـ×ـه ~
 
الصورة الرمزية BeautifuL StrangeR
رقـم العضويــة: 268289
تاريخ التسجيل: Sep 2013
العـــــــــــمــر: 28
الجنس:
المشـــاركـات: 8,901
مــرات الشكر: 7
نقـــاط الخبـرة: 1465

Icons13 رد: مأساة روح {هالكه} في اوراق تائهه ~

السلام عليكم ...~

الساعه شوي بتصير 10 بالليل \ واليوم هو الجمعه عندي \ 6\14\19

؛

امبارح كنت كتير تعبانه لهيك مكدرتش اجي ع المدونه عشان احكي عن يومي , وغير انه لازم انام بدري لانو عليا دوام بدري كتير بكرا , ومع هيك بحاول احكي المهم عن مجريات اليوم وامبارح ..~

؛

كعدت دكيكتين عم احاول اتزكر شو صار معي امبارح ومش طالع معي اشي , اصحيت افطرت , وكعدت اشرب كهوه الا اختي ايمان اجت عنا , وفتحت معي موضوع مهم , وانا مكانش معي وكت عشان عليا شغل , وافكت ع الكصه , واطلعت ع شغلي واوصلت متأخره خمس دكايك , كان الشغل ازمه غير شكل , زبون ورى زبون وطلبات صعبه , واجت عندي اختي ايمان عالشغل اخدت كهوه وكملت الحكي الي , وبعدها اجت بنتها اخدت كمان كهوه وضلت عندي شوي الا بنات اختي الكبيره اجو كمان ياخدوا الكهوه ضلوا عندي شوي , نحكي واشتغل بنفس الوكت كمان , كنت تعبانه ونفسيتي مش عبعض , خلصت شغلي وكانت كل الامور تمام ..~

بس صار اشي بالشغل وهو اجى حد من كرايب اللي كنت مرتبطه فيه , واكيد واصلهم خبر عن وين بشتغل , بس طبعا ما اعطيتهم وجه , حسبي الله عليهم دنيا وآخره .

وكمان اتصلت ع خالتي وحكتلها عن مرضي وصحتي , عشانها بتشتغل في مستشفى مع دكاتره تشوف مالي اطمنّي بدون ما حد يعرف .


اوصلت البيت لكيت مكان اصف السياره قريب عالدار بس صغير وبين سيارتين , كعدت ربع ساعه وانا امشي لكدام وامشي لورى ت اعرفت اعبّر السياره بين السيارتين , عبرت البيت واتكاتلت مع اخوي تلات عشان ساده , وبعدها تصلوا خواتي كميرا , واتكاتلنا عشان الموضوع المهم اللي فتحته ايمان الي الصبح , ودخل اخوي تلات بحكي بنرفز , خلاني اتكاتل معه كمان مره , وبعد الطوشه كنت تعبانه من شغلي وتعبانه من الطوشه , لهيك نمت بدري ..~

اصحيت الصبح اليوم افطرت مع امي واطلعت اعمل شعري برى , مرات بكون كرفانه اعمل شعري بالبيت , واجيت اعمل كمان اظافري بس شوفت ملان ناس وبديش استنى , ارجعت عالبيت عملت كهوه وكعدت معي امي شوي وبعدين اطلعنا مع بعض شوفت خواتي وكان في كصه والله يستر من هالكصه , بعدها ارجعت ع البيت رتبيت البيت واكلنا واطلعنا كمان مره انا وامي اتحوجنا وارجعت عالبيت وهيني ..~

||

BeautifuL StrangeR غير متواجد حالياً   رد مع اقتباس
قديم 06-16-2019, 09:46 AM   #336
روح هالِـ×ـه ~
 
الصورة الرمزية BeautifuL StrangeR
رقـم العضويــة: 268289
تاريخ التسجيل: Sep 2013
العـــــــــــمــر: 28
الجنس:
المشـــاركـات: 8,901
مــرات الشكر: 7
نقـــاط الخبـرة: 1465

Icons13 رد: مأساة روح {هالكه} في اوراق تائهه ~

السلام عليكم ..~

السبت || 11 بالليل || 6\15\19..~

؛

اصحيت ع ال 6 الصبح ع صوت المنبه , وكانت الدنيا مطر وسكعه والمكيّف مطفي , كومت ضويت المكيّف , وكعدت نص ساعه لسا بلف بالدار ما بين ساده , وما بين اشي شاغل بالي , وما بين شغلي , امي كانت لسا نايمه لانو صحيت كتير بالليل ,كنت اصحى عليها اشوفها صاحيه , امي عندها ارق الليل , وكل ما تكبر كل ما يزيد , واتوقع انو هاي الشغله وراثه بينا , لاني انا وخواتي واخوتي هيك الا ابوي , وكان اخوي تالت صاحي وبجهّز حاله عشان يطلع عالشغل , حاولت اتجنب اني اشوفه واكعد معه لانه بيحكي كتير , والصبح معنديش اي طاكه اتحمل كلام لاني بدي ساعات ت اصحصح . وفتحت الخزانه وشوفت انو كمان مليش مزاج اشوف شو البس , اطلّعت ع حالي من تحت لفوك وشوفت انو البيجامه اللي كنت نايم فيها فش فيها مشكله , عملت روتين صبح والبست الجكيت ع البجامه واطلعت عالسياره , وكانت تلاجه , ما شغلّت السياره الا في علامه تعجّب باللوجه , الله يستر شو مال السياره , حكيت بسال اخوي اوحبي, ضليت شوي بالسياره تا صحصح, واتسهلت عالشغل وكنت بطيئه اشي مش طبيعي , اوصلت الشغل ع 7 ونص , وفتحت الكهوه وبلشت اجهّز .

الصبح بكون ازمه غير شكل , ومرات بكون خفيف خاصه السبت لانو اغلب الناس في المستشفى بياخدوه عطله , كان اليوم هيك هيك , كان يوم خفيف بس طويل , لاني بفتح وبسكّر لحالي , كلشي الحمدلله بشغلي كان منيح وما صار اي مشكل , لانو بالعاده بصير وخاصه حساب المصاري , اجى كم واحد من الزباين اللي بحبهم , اجى واحد حيوان اتكاتلت معه قبل فتره وفسدت عليه الامن والمدير وكلهم منعوه من انو يجي ع الكهوه , بس بعد فتره خليته يجي بس بحكيش معه من مره , واجى واحد بجلطني , كد ما بعطهوش وجه بعاود يرجع وبضل كال ت يخليني اشوف انه بحط البغشيش , هو صح بحط بغشيش كتير بس شو بدي في مصاريه عكلامه الكتير اللي بوجع راسي واللي كد ما احكيله مشغوله مش فاضيه احكي معي عالفاضي حيط .

كنت دايما احكي لحالي راح احب حد عشان مصاريه بس اطلعت بحكي بس حكي بالهوا , بالاصل بحس بالنكص لما حد يعطيني مصاري حتى اخوتي , لهيك بتحمّل الشغل والتعب ولا اخد من حد مصاري .

وبعد ما خلصت شغلي الا اماني بتتصل عليا انو اميّل عند بيتها من بعيد بدها تعطيني كم شغله, اوصلت عندها ورنيت عليها اجت حطّت الاغراض بالسياره واستدعينا انو يا رب بكرانشوف بعض ع خير ويجيو عنا , واجيت عالبيت .

بالطريك عالبيت كديش كنت خايفه اعمل حادث من كتر ما انا بسرح وبفكر , اسمع شو اللي صار , في كصه بيني وبين شب , ومتعوده ع الكصص اللي بيني وبينهم بخصوص جيزه , بس من بدايتها ما تزبط لانهم بشوفوني كويه وما بنعجن لهيك ببعدوا ومع الف كلعه , وداخليا بنبسط لاني, برتاحش الهم ولانهم متخلفين ولانهم بدهم يضحكوا عليا بكلمتين حلوات عشان احبهم واتنازل عن اي شروط جيزه , وانا مش تبعت حب وتسالي , لاني ازهكت هالكصص ,هالشب خليته ينجمع مع امي ومع خواتي , وحكيت بشوف اد بخبر اخوتي وابوي , صحيح حكيت لاخوي تلات بس لاني عايشه معه وبحب اشوف شو رأيه , ولما شوفت انو الشغله بلشت تصير جد خوفت ! كديش خوفت , لانها مش التجربه الاولى , ولاني جربت الاولى ومكدرتش انسى حبي , خوفت اجرح حبي , مع اني ما وعدت حبي بجيزه , خوفت اني مكدرش اكمل حكي وتلفونات وكصص مع حبي , خوفت اني ابعد عنه , خوفت اني ما اكدرش اتحمل هاد ويضل دايما حبي ببالي , وااال انا هيك كاينه ؟ كاينه عنجد احبه لحبي , بصدكش , بكعد اسابيع بحكيش معه , بس ليش كصه الجيزه بتخوفني انو راح اكعد العمر ما احكيش معه ؟ راح اكدر ؟! تبا بس

عاد كصه هالشب الله اعلم تزبط ولا لأ , بالاصل داخليامش عاجبني بس اصلح من غيره ,واد بدها تزبط داخليا بس عشان امي يهدى بالها عليا وميضلش مشغول اني كبرت وختيرت وراحت عليا ويا خايبه يامسخمه .

كعدت ربع ساعه حتى الاكي مكان اصف السياره ما لكيت , بعدها اتصلت ع امي تاخد الاغراض اللي معي من السياره واعاود ارجع ادوّر ع مكان اصف السياره , اجت امي واخدت الاغراض وحطتهم بالدار وحكتلي بدها تيجي معي نلف ع مكان للسياره , والحمد لله رضاها لكينا مكان صح بعيد بس بضل احسن من اللف , وارجعنا ع البيت وكانت مجهّزه العشا ,اتعشيت وكعدت ع اللاب توب اشوف في انمي وهيني ..~

||

BeautifuL StrangeR غير متواجد حالياً   رد مع اقتباس
قديم 06-18-2019, 08:41 AM   #337
روح هالِـ×ـه ~
 
الصورة الرمزية BeautifuL StrangeR
رقـم العضويــة: 268289
تاريخ التسجيل: Sep 2013
العـــــــــــمــر: 28
الجنس:
المشـــاركـات: 8,901
مــرات الشكر: 7
نقـــاط الخبـرة: 1465

Icons13 رد: مأساة روح {هالكه} في اوراق تائهه ~

ايش اشتريت ..~



مش عارفه اكم اخدتها انسيت , يمكن 200 $ او اقل او اكتر مش متأكده بصراحه لاني زمان اشتربتها , بس بالنسبه الي هاي احسن شنته استخدمتها بحياتي والمفضله , كديش سهوله تحملها واضل ثابته ع الكتف , كديش خفيفه لو شو ما حطيت فيها , كديش سهوله احط او اشيل منها , وكديش بسرعه بلاكي الاشي اد وقع فيها , كنت بس اتمنى انها اكبر شوي , وكديش وجهها حلو عليا , ولونها وملسمسها الجوخ المخمل , شوّطت عليها لفتره لوكت ما صار عندي الجو ماطر وبعرف انو بتخرب بسرعه بالمطر لهيك استبدلتها في لاكوست بخبركم عنها بعدين ..~

الا ما تكونوا تعرفوا رالف لورين اللي اجى باحدى حلقات مسلسل فريندز , اتلاكى هو وريتشل في المصعد في شركه الفاشن اللي كانت تشتغل فيها .. والا ما تكونوا تعرفوا شركه بولو .

عفكره خطر عبالي ارجع استخدمها .
BeautifuL StrangeR غير متواجد حالياً   رد مع اقتباس
قديم 06-18-2019, 09:53 AM   #338
روح هالِـ×ـه ~
 
الصورة الرمزية BeautifuL StrangeR
رقـم العضويــة: 268289
تاريخ التسجيل: Sep 2013
العـــــــــــمــر: 28
الجنس:
المشـــاركـات: 8,901
مــرات الشكر: 7
نقـــاط الخبـرة: 1465

Icons13 رد: مأساة روح {هالكه} في اوراق تائهه ~

السلام عليكم ..~

الساعه 11 بالليل || ولسا احنا بيوم الاثنبن || 6\17\19

؛

انحطيت في خيار اني اعمل الروتين الليلي اللي عنجد بستمتع فيه او اجي عالمدونه واخبركم عن مجريات هاليومين اللي مروا عليا وعلينا , حكيت اجي ع المدونه واد خلصت بدري والله اعلم وع الاغلب لأ , بعمل الروتين ..~

المشكله انو امبارح الاحد كان من الايام الصعبه عليا وعلينا , وما اجى عبالي ادخل المدونه واحكي احسن بعدين وانا معصبه احكي حكي لا ينحكى , ومن كتر ما انكهرت واتعبت , عملت بس الروتين الليلي وحطيت راسي ونمت بسرعه بدون ما افكر باشي .

اصحيت الاحد ع 6 , اللي صار انو الله يخليلي امي بلشت الروتين الصباحي تبعاها اللي هو تلف ع الكل تلفونات او الكل يتصل ويحكي معاها , وامي طبعا عم تحكي بالتلفونات وهي فوق راسي واكيد اصحيت , عم احاول اني ارجع انام واحكي بلكي هلكيت بتخلّص تلفونتها , بس عالفاضي , صارت الساعه 8 وهي لسا بتحكي تلفونات , تا بالاخر حكتلها " وبعدين يا حرمه ؟" هي سحبت حالها وطلعت من الغرفه , بس بعد شو , بعد ما اصحيت وما اعرفتش انام , والتلفونات كانت مع خواتها وبناتها وابوي واهل الضفه حتى مع ام حبي لانها كانت نازله ع الضفه زياره .

بعدها كومت لاني معرفتش انام وافطرت معاها , وكان مخططنا انو نطلع ع الحوش انظّفه ونزرع الورد ونرتبه , شوي الا اختي اماني بتتصل وبتحكي اد اجي اخدها مع الولاد من بيتها , حكتلها " يلا مسافه الطريك وبكون عندك " ما اطلعت الا امي بدها تيجي معي , وامي بتكعد ساعه ت تجهّز حالها وبعد ما اطلعنا واوصلت عند اختي الا اختي التانيه ايمان بدها تيجي , لهيك اجينا في سيارتي وفي سياره اختي ايمان , بنت اختي مع الصغار في سيارتي هي اللي بتسوك , وكل الكبار في سياره اختي ايمان , واختي عطول فتحت كصه حد , واتكاتلنا بالحكي , اوصلنا الدار وانزلنا من السيارات الا ايمان وامي ضلوا بالسياره , ولما رجعوا بعد بعشر دكايك , خططوا ع اشي بدون ما يحكولي , وبلشت طوشه تانيه , ومسكت حالي , لا مكدرتش امسك حالي , صرت اروح اكعد في غرفتي ومش عاجبني اللي عاملوه او اللي بحكوه , وانحطيت تحت الامر الواقع بالاشي اللي عملوه .

صار الاشي اللي خططوه , وكنت مخنوكه اشي مش طبيعي , حسيت حالي عنجد بدي اموت من الكهر , بس يالله مشيت معهم وكنت احاول كد ما اكدر انو ما يظهر على وجهي , بس كان وجهي زي البندوره من كتر الضغط اللي براسي , اتبسّم واضحك واحكي معاهم , بس بعقلي بحكي لأ لأ , بحكي بعقلي يلا كلها ساعه بتهون , كانت سنه عليا هالساعه , ولما انتهى كلشي حكيت بصوت عالي " لأ " الكل انصعق من جوابي وحكتلهم ليش لأ , ما عجبهم وبلشنا في طوشه تاني كبيره واتزاعلنا هالمره .

خواتي رجعوا ع بيوتهم وانا ضليت مع امي وامي مش عاجبها شو بحكي وشو عملت وشو بفكر وبلاه بلاه وارتفع الضغط عليها , واجى الليل ونمت بعد يوم متعب نفسي وجسدي وحاله ..~

؛

اصحيت ع 7 ونص اليوم , امي عملتلي فطور قبل ما اطلع عشغلي , افطرت وعملت كهوه وكعدنا نحكي عن شو كلشي صار معانا الاحد , ع كد ما بحب امي , بس بحمد الله انو الحكي كان وانا بشرب بكهوه ولا كان اتكتلنا , الكهوه خلتني اتحمل كلامها , وكنت سرحانه باشي تاني وهي تحكي , مش معاها وهي تحكي , واتاخرت ع الشغل , اطلعت من الدار واوصلت الشغل الاول لهاد اليوم , وعملت كمان كهوه فيه وخلصته من هون , وارجعت عالبيت معي ساعه وشوي قبل ما اروح ع الشغل التاني , ارجعت ع الدار , امي عملتلي غدا وكعدنا وحكينا نفس الكصه , وبعدها رتبت الدار وجهزت حالي واطلعت عالشغل التاني , اوصلته وكان خفيف لطيف لاني بلشت متأخره وفش ازمه من مره كان اليوم الحمد لله ..~

خلصت شغلي واوصلت ع الدار , اخوي تلات بيتصل وبيحكي انو العجل تبع سيارته انفجر وهو ع الطريك السريع والله ستره , وما رضي يكمل شو صار معه , بس حكى انو هو بخير بس السياره بدها تصليح , ولما اجى عالدار بالليل ما رضي يحكي شو صار , بس انه بخير وكل ما نساله بختصر عن الكصه لهيك تركناه ..~

هدا الاسبوع عليا شغل كل يوم كل يوم الله يهونها عليا يا رب ..~

واطمنت عن علامه التعجب اللي كانت ظاهره ع شاشه السياره .

واتوقع انو عندي الغده , خالتي حكتلي امبين عشانك بتقهري حالك صارت عندك الغده ولازم تعملي فحوص , وكمان المرض الاول استنى شهر لشهرين واشوف اد بضل زي ما انا ولا بزيد ولا بروح , وعالاغلب بده راحه نفسيه ومن وين بدي اجيبها ؟~

؛

BeautifuL StrangeR غير متواجد حالياً   رد مع اقتباس
قديم 06-19-2019, 07:25 AM   #339
روح هالِـ×ـه ~
 
الصورة الرمزية BeautifuL StrangeR
رقـم العضويــة: 268289
تاريخ التسجيل: Sep 2013
العـــــــــــمــر: 28
الجنس:
المشـــاركـات: 8,901
مــرات الشكر: 7
نقـــاط الخبـرة: 1465

Icons13 رد: مأساة روح {هالكه} في اوراق تائهه ~

ايش اشتريت ..~

؛

شركه واندر كديش بحب كلشي جربته منهم ..~





اول قناع جربته من الانواع التقشير اللي ما عملتلي اي حساسيه وما بتوجّع لما اشيلها .

هدا النوع اللي بتحطّه ع الوجه لعشر دكايك وبتستنى تنشف مشان تقبّعها قبع متل الصمغ , كديش هدا الاشي بيرضيني , بالعاده اد عليا مواعيد مهمه وكصص بدّي وجهي يفتّح , بحط بس طبقه خفيفه عالاخر عشان بسرعه تنشف , وأول ما تنشف عطول بقبّعه وما احلى النتيجه من بياض ونظاره . 35 $




وهدول عندي من احسن اقنعه العيون اللي جربتها لحد الان , وكنتي استغني عن كريمات العيون بالفتره اللي كنت استخدمهم , كعدت فتره طويله ادوام عليهم واشتريهم دايما , كل 5 في 25 $
BeautifuL StrangeR غير متواجد حالياً   رد مع اقتباس
قديم 06-19-2019, 10:39 AM   #340
روح هالِـ×ـه ~
 
الصورة الرمزية BeautifuL StrangeR
رقـم العضويــة: 268289
تاريخ التسجيل: Sep 2013
العـــــــــــمــر: 28
الجنس:
المشـــاركـات: 8,901
مــرات الشكر: 7
نقـــاط الخبـرة: 1465

Icons13 رد: مأساة روح {هالكه} في اوراق تائهه ~

السلام عليكم ..~

التلاتاء وشوي بندخل في الاربعا لاني بنص الليل . 6\18\19

||

عم احكي معكم وانا عين مغمضه وعين مفتوحه , يعني بعين ونص من النعس , بس لانو كان يوم خفيف حلو فش مجريات فيه , ما اظنش اكعد سنه في المدونه وانا احكي عنه ..~

اصحيت كالعاده ع تلفونات امي مع الاهل وعالفاضي كد ما احكيلها يما الله يخليكي روحي احكي كل تلفوناتك هاي برى غرفتي في الصاله وامي بدهاش تترك التخت , لازم اصحى معاها , واصحينا , وهي بلشت في تجهيز الفطور , وكان اخوي تلات بالدار عشان سيارته والعجل اللي حكتلكم عنه بالتدوينه اللي قبلها , وكان عليه شغلات يعملها ع اللاب توب , واحكيلي شو بكره , بعيد عن اني بكره اغلب كلشي بالدنيا , بس بكره اساعد حد في لاب توب وكصص لاني بعرف منحوسه وبجيب النحس والاشي بزبطش في اديا , وبالزبط كعدنا طول الصبح بعد ما افطرنا انا وياه نعمل بالكصص ومش زابطه وانا ازهكت , وبعدها اجاني تلفون من شب عربي بيني وبينه مصالح شغل , لاني اتصلت عليه امبارح لاني من اسبوع اعطيته مهله اسبوع وما رجعلي , لهيك امبارح اتصلت عليه وما رد , وبفهمه هالشب , ما برد ع البلفون لانو ما عمل اللي اتفكنا عليه , بس بعاود برجع , لهيك بالزبط اليوم رجعلي واتأسف وحكتله بسيطه طالما عامل المصلحه , والحمد لله امبين انو المصلحه تكون منيحه , وبتمنى انه يضل ع اتصال اد صارت كمان مصالح لانه محترم هالشب حتى لو انه وقح شوي , اغلب الشباب وقحين .

بعد هالمصلحه اللي ضلت بين تلفونات ولقاءات , جهزت حالي مشان اطلع عالشغل , واخوي تلات كان يزهكني في كلامه الفاضي , وانا براسي ملان كصص , ودايما بشوف النهارات هون قصيره وفش وكت والنهار بروح اغلبه عالفاضي , ما بين شغل جوى برى , وحياه ركاض ..لهيك بحبش الحكي الفاضي وبحبش اضيع وكتي باني اسمع حكي فاضي ..~

امي حكتلي بدها تيجي معي توصلّني ع سيارتي , وحكتلها بعيده يما وطلعات صعبه عليكي , ما رضت الا بدها تيجي , وطوّلنا واحنا نمشي عشانها كانت معي وبطيئه , واوصلنا ع السياره وهي مش كادره تتنفس , بعدها رجعتها ع البيت , وانا كملّت طريكي عالشغل , وما لحكت اصف السيارهفي موقف سيارات شغلي الا اختي اماني بتتصل وبتحكي عن كصه هي تاخد سيارتي وتروح عند امي , بعرفش اد حكتلكم اختي الكبيره انضربت سيارتها ولحد الان سيارتها في التصليح ما بين تتصلح وما بين تشتري غيرها وكله بيرجع لزوجها البخيل , وبنفس اليوم اللي انضربت سيارتها , انضربت بعد ساعتين سياره بنتها , لهيك هم فش عندهم سيارات , في عندهم سياره كبيره ومشكله اد اتأخروا بالمشوار مستحيل لما يرجعوا يلاكوا مكان يصّفوها , لهيك للسهوله بتاخد سيارتي .

دخلت الشغل وغريس اللي بشتغل معاها مبسوطه اني راح اشتغل كل هاد الاسبوع , ينعن شكلها , شغلي كان حلو صح شوي ازمه بس لطيف حلو مع زباين مناح , ما الحكت ادخل شغلي الا دخل واحد من اللي عنجد بحب اشوفهم لانه بشبّه ع شخص بالنسبه الي من احلاهم , وهالشخص هيك زكريات بتخطر ببالي عطول عن كصص عشقه ودفاتر مذكراته وصور حبيباته , وبكدرش اخبّي ابتسامتي من الدان للدان وانا اتعامل مع هالزبون , وبعد بشوي شوفت واحد هو احكي اكتر شخص بحب اشوفه , وما بشوفه الا مره بالاسبوع ومرات مره قي الاسبوعين ,وعالاغلب مره في الشهر , هو دكتور صغير اظن اصله هندي ولما اعرفت انه دكتور استغربت عشانه صغير , بس هالشخص كديش بحب اشوفه عشان وجهه لطيف بسيط حزين , كديش بشوف الحزن في وجهه , وكديش بحب اشوف الحزن في الشباب , وهو بعرف كديش بحب اسلّم علي كل ما يمر من كدام الكهوه لهيك بحاول كد ما يكدر يتجنب عيونّا ما يتلاكو ينعن شكله , واليوم عنجد ينعن شكله ما اتلاكو , وبالعادع اخر النهار بيجي بيطلب الكهوه اللي حكتله مره جربها راح تحبها , بس اليوم ما اجى من مره ليشتري .

بعد بشوي اجوا بنات اختي اماني اخدوا مفاتيح سيارتي عشان كلهم يروحوا عند امي , وبعدها بشوي اجت اختي ايمان اخدت كهوه الها ولزوجها , وزوجها كال بشربش كهوه , بشرب هوت تشاكلت بيضا ؟؟ّ!! حسيت حالي بعمل لولد صغير والله هو عكله صغير ,اه بكره ازواج خواتي بيني وبينكم . وحكينا شوي , وبعد ما هي راحت بساعه اجت بنتها كمان اخدت كهوه ,لانو كان عليها مقابله عمل يا رب يقبلوها لانها بدها تترك الشغل معي , وبعد ما بنتها راحت , بلشت تلفونات من امي واخوي واختي عليا عشان كصه وكديش اتعبوني وكديش انفضحت وانا احكي معاهم من كتر مهم مش مستوعبين شو بحكي , وبعد كل هالكصص اجوا بنات اختي يرجعوا مفتاح سيارتي وضلوا عندي بالكهوه فوق الساعتين ونص لوكت ما سكّرت عشان ارجعهم لبيتهم احسن من المشي .

خلصت شغلي ووصلت البنات ع بيتهم وانا ارجعت ع الدار , اتعشيت وهيني ..~

BeautifuL StrangeR غير متواجد حالياً   رد مع اقتباس
إضافة رد

مواقع النشر (المفضلة)

الكلمات الدلالية (Tags)
اد كاعد تقرأ هدا الكلام يعني عالاغلب انك متابعني بدي احكيلك شكرا(), بتمنى اني ما ازهكك او ازيد من الكأبه اللي بطوف حواليك


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه للموضوع مأساة روح {هالكه} في اوراق تائهه ~:
الموضوع كاتب الموضوع المنتدى مشاركات آخر مشاركة
>>||اوراق مبعثرة ||<< αвєη αℓ-αℓη∂ℓυѕ قسم الأرشيف والمواضيع المحذوفة 1 12-22-2013 10:12 PM
اوراق مبعثرة العاشق 2005 قسم الأرشيف والمواضيع المحذوفة 1 07-02-2010 10:34 PM
اوراق مبعثرة العاشق 2005 قسم الأرشيف والمواضيع المحذوفة 1 07-02-2010 10:34 PM
اوراق الحياة العاشق 2005 القسم العام 0 11-02-2008 09:50 AM
اوراق مبعثرة العاشق 2005 قسم الأدب العربي و العالمي 0 10-03-2008 03:50 AM

الساعة الآن 11:24 AM.


Powered by vBulletin® Copyright ©2000 - 2019, Jelsoft Enterprises Ltd.

كُل ما يُكتب أو يُنشر في منتديات العاشق يُمثل وجهة نظر الكاتب والناشر فحسب، ولا يمثل وجهه نظر الإدارة

rel="nofollow" maxseven simplicity and clarity