تذكرني !
تابعنا على
منتديات العاشق

  • alt="One Piece 859"
  • alt="Detective conan 919"
  • alt="Sword Art Online: Alicization"
  • alt="Fairy Tail EP:03 "
  • alt="Jojo ep:03 "
  • alt="Goblin Salyer EP:03"
  • alt="Radiant 06"
  • alt="Inazuma Eleven"
  • alt="Black Clover"
  • alt="Tsurune: Kazemai Koukou Kyuudoubu"
  • alt="Kaze ga Tsuyoku Fuiteiru"
  • alt="دراغون بول"
  • alt="سلام دانك"
Chihayafuru Kaiketsu Zorro Fairy Tail All Eps Nodame


قديم 10-12-2018, 08:55 AM   #251
روح هالِـ×ـه ~
 
الصورة الرمزية BeautifuL StrangeR
رقـم العضويــة: 268289
تاريخ التسجيل: Sep 2013
العـــــــــــمــر: 27
الجنس:
المشـــاركـات: 8,869
مــرات الشكر: 4
نقـــاط الخبـرة: 1383

Icons13 رد: مأساة روح {هالكه} في اوراق تائهه ~

السلام عليكم ..~

اليوم هو الخميس والساعه حوالي 9 بالليل || 10\11\18

كان نفسي امبارح اكمل بالمشاركه بس اجاني تلفون وبعدها كنت تعبانه لانو يومين لا ليل ولا نهار نايمه , لهيك حطيت راسي ونمت , عشان كان عليا شغل اليوم الصبح ..~

؛

التلفون ما عجبني وهدا اشي متوقع , سكرّته وحكيت مع خواتي ايش صار بالتلفون , واتصلت على امي وحكتلها كمان ايش صار , وبعدها نمت بدري , لانو الي يومين كاملين مش نايمه لا ليل ولا نهار , ولازم انام عشان اصحى بدري عشان عليا شغل ..~

؛

نمت حوالي ع 9 المسا , كنت اصحى بالليل من حضره ساده اللي بضل يصحيني ويلعب معي ويحكي معي كل ما اتحرك , واحكيله خلص ولك انطز فك عني , وكنت اصحى عطشانه كمان , وكوابيس وحاله , بضّل اتغلب بالنوم عشان جسمي اتعود ع السهر ..~

؛

اصحيت يوم الخميس على صوت المنبه حوالي 7 ونص الصبح , وكنت مخبّر امي واخوي , كمان يتصلوا عليا تا اصحى , لانو دايما بتروح عليا نومه وبتأخر عالشغل , بس الحمد لله اليوم اصحيت ع المنبه وضليت صاحيه , افطرت بسرعه , وكنت نايمه بالمكياج واخ شو كهر لما انام بالمكياج , وكعدت نص ساعه وانا لسا بصحصح وبفكر , وبحكي اخ بس بديش اشتغل , كنت اسمع لفيروز هاي العاده اللي من وانا مراهقه متعود عليها , وانا ابعبش بالمسجات كان جاي من صاحبتي فد مسجات كتيره وطويله , تركت كلشي وكعدت اقرا بالمسجات , اخ على كلامها شو بحبه , بس ما رديت عليها , لانو الحكي عميق , بس ضليت افكر فيه , ضليت افكر اكتر واضفن اكتر وخاصه بالمقال اللي باعتاه , جهزت حالي وشوفت اني اتاخرت حتى وانا صاحيه بدري , ولما اجيت حطيت عطر كنت مستعجله , اجى عطر على البلوزه تبعي وهي بيضا وهاي لسا اول لبسه , وطبّع العطر , عفكره عصبّت وكعدت احكي مع حالي , وحكيت خلص البلوزه ع الزباله , مع انه كديش كنت مبسوط عليها لانها مغريه غير شكل , يلا عقاب , واطلعت من الدار وانا متنكده , وكان ببالي اني اروح عالشغل بالسياره , بس امي بدهاش ..~

؛

اطلعت من البيت وبوزي واصل الضفه , سميت في الله وحكيت لعمرها البلوزه ومش اشي جديد عليا , بشتري غيرها اد لكيت , واجيت اوصل موقف الباص بعد ركض عشر دكايك , شوفت الباص عم بيروح , يعني بس لو ركضت اكتر بكم ثانيه اوصلته , حكيت بعقلي " يحسرى , عادي دايما هيك بصير " شوفت امتى اللي وراه جاي , لسا بده ربع ساعه , حكيت " يحسرى لو اشربت كهوه بالدار احسن ما استنى " بعدها اتصلت امي وحكيت معها , ولما اجى الباص كان ملااان ناس وفش مكان الواحد يكعد كالعاده , حكيت "يحسرى لو ما اطلعت عالشغل احسن والله " ضليت وافكه واحكي مع امي وشافتني امي متنكده حكت بعدين بترجع تحكي معي .

طبعا امبارح الحيوان المدير المسؤل عن الدار , صارلي اسبوعين بحكيله عن المجلى عندي انه خربان ومش راضي يرد عليا او يجي يصلّحه , وامبارح فكعت معي وجننته , وهددته انو اد بجيبش حد يصلّح المجلى راح اجيب حد على حسابي واخصم من الاجار , بالاخر بعت الاسبنيول يحكو معي .

اشي لازم ينعرف كل مسؤليه الدار مرميه عليا انا , كلشي بصير اهلي واخوتي دايما بحكولي " مريم دبري حالك " اللي بكهر اني اتعبت , واللي بكهر اكتر انهم بكونوا واثقين فيا اشي بلاوي , يعني بحكولي ادبر حالي وعارفين اني بحل المشاكل والكصص , طيب والتعب النفسي والجسدي وانا احل , اخ بس ..~

المهم اجو امبارح وزبطوها , بس مش مزبطينها منيح , لهيك خربت يزباده , وانا بالباص حكيت مع الاسبنيول انو المجلى خربان وانا هلكيت رايحه عالشغل اد بيجو بعد الظهر , مكانش اي اعتراض .

وانا بالباص كمان كنت اتواصل مع خواتي واشوف شو مخططاتهم واتفكنا شو نعمل , وكمان كنت احكي مع حبي , وبضل ارجع واقرا رسايل فد , وكمان قرات فصل من الكتاب اللي معي , الباص بكعد ساعه كامله , يا اكتر بشوي يا اقل بشوي ..~

؛

اوصلت عالشغل , واول شي عملته وهو كهوه , اشتغلت , وكنت اتواصل مع حد من الاصحاب وزمان مش متواصلين , يمكن لانو نفسيتي منيحه لهيك عندي البال لاحكي ولاضحك , وصابني وجع راس بالشغل , هدا صاير يصير كتير , وبصراحه بكرهه وبخاف منه لما يوجع هيك , لانو الدنيا بتلف فيا وبحس حالي محنوكه مش كادر اتنفس ولا افتح عيوني , وبحس بالشوب اشي بخوف , وبكعد دكايك , مرات عنجد بكدرش اكعد لازم اوقف عند الشباك واشم هوا , بس هاي المره كعد زياده عن خمس دكايك , خلصت الشغل واجت اختي ايمان اخدتني , لانو اختي اماني جايه عالدار عندي ..~

؛

اوصلت الدار وافطرنا اللي هو غدا واشربنا كهوه , وحكينا كتيير حكي , ايمان طلعت قبل اماني , ولسا الاسبنيول مش جايين , وحكيت امبين خلص مش راح يجيو , وحوالي العصر اماني اتسلهت , الا الاسبنيول بيحكولي خلال عشر دكايك بنكون عندك , اجو والحمد لله زبطوها , اخدت شاور , والعبت مع ساده , وحكيت مع اخوتي وامي وحبي وهيني هان .~

||
BeautifuL StrangeR متواجد حالياً   رد مع اقتباس
قديم 10-14-2018, 02:19 AM   #252
روح هالِـ×ـه ~
 
الصورة الرمزية BeautifuL StrangeR
رقـم العضويــة: 268289
تاريخ التسجيل: Sep 2013
العـــــــــــمــر: 27
الجنس:
المشـــاركـات: 8,869
مــرات الشكر: 4
نقـــاط الخبـرة: 1383

Icons13 رد: مأساة روح {هالكه} في اوراق تائهه ~

السلام عليكم ..~

اليوم هو السبت وحوالي الساعه 3 العصر || 10\13\18

مجريات يوم الجمعه ||~

كنت سهرانه يوم الخميس على البلستيشن اكيد لسا ع توم رايدر , نمت حوالي ع 1 بالليل , واصحيت حوالي ع 10 الصبح الجمعه على صوت البلفون , كانت امي تتصل وهي اللي صحتني , حكينا شوي وعن مخططاتي ليوم الجمعه , حكتلها انو جسمي مهدود وعليا الليل شغل , والدار نظيفه , ومش جاي عبالي اعمل اشي ولا اطلع من الدار , مع انه اختي ايمان بعتتلي مسج انها بدها تنزل على نص البلد هي وبنتها الكبيره اد بروح معاهم , وبصراحه هو جمب شغلي , ومش ناكصني انزل على نص البلد مرتين , وانهد معاها لانو بعرفها , لهيك حكتلها مش جاي عبالي اوعك تزعلي بس , والحمد لله كان يوم الجمعه من الايام لنفسي فقط , وهدا من احلى الايام بكون عندي , اضل اشوف مسلسل ورى مسلسل واقرأ واضل متمدده عالتخت واكل , حتى ما رديت على اي مسج من اي حد , حتى من حبي حتى من جروب العايله , كانت تارك الكل وبدي بس هيك ارتاح , حوالي ع 7 المسا اطلعت عالشغل , وكنت متنكده اني بدي اطلع عالشغل , عشان هداك الاسبوع اتعبت وصارت مشاكل فيه , اطلعت عالشغل بالاوبر , لانو الدنيا ليل وبطلعش بالباصات بالليل وع نص البلد كمان , وكان الجو عنجد حلو , هيك جو بالليل صافي بزكرني بصيف البلاد , عندي فلسطين دايما بحكي عنها البلاد او الضفه او غاد , بعرفش ليش حتى بلّقب فلسطين عندي , انا صببيه بحب الالقاب لاني بنسى الاسامي , هلكيت بخصوص الجو بزكرني بالسطح تبع بيت اهلي بالبلاد واللمّه والاصوات والنجوم , هيك بزكرني بهيك جلسات وبحبها ومشتاكه الها , لهيك مع انه الدنيا كانت هوا , بس كنت فاتح الشباك تبع السياره عالاخر , ومن الشغلات اللي عنجد بحبها هي لما الهوا يلعب بشعري , اوصلت الشغل وحكيت بعقلي امبين الليله كمان راح تكون صعبه , بالزبط كانت صعبه , وانا يعني كل ليله بالشغل يالله شو بيجيني اسأله وكآبه وحاله , وكديش بكره الدنيا وبكره حالي وبكره العيشه , واوصلت لمرحله التعب , وطلبت من الصبيه اللي بشتغل معاها انها تعطيني نص ساعه بريك وانا بعمل نفس الشي معاها , وانا كاعده ع الكنبه اغفيت ونمت , ودايما احلامي مش منيحه , لهيك بخاف انام وحد جمبي , لاني بخاف اني احكي بالحلم او يبين عليا اني بحلم وكل هالكصص , لهيك لما امي كانت عندي كنت انام جمبها ومره من المرات حكتلي "امبارح كنتي تتحركي كتير ومنمتيش منيح " عفكره سقط قلبي , الاول مع حد من اصحابي ومش عارفه ليش اجى عبالي , وكان الحلم مش منيح لاني عملت اشي انا بعملوش , كنت مش سائله اني عملته , لهيك اصحيت مكهوره اني عملته , جكيت امبين من جواي بدي اعمله , والحلم التاني مع شخص كديش بكرهه وبالحلم اتكاتلت معه وطردته من الدار وكنت مش سائله بس بعدها كنت خايفه من زعل امي , والتالت احلمت باكل باشي وبعرف لما احلم بهدا الاشي راح اتكاتل مع حد بالواقع , وبالزبط هدا اللي صار ! اصحيت من الغفوه وحكيت بعقلي انا مش تبعت نوم لانو حتى بالنوم بكون تعبانه , كملت الشغل واجى الصبح واخيرا ..~

||

اللي هو صبح يوم السبت , غيّرت الباص اللي باخده بالعاده لانو هداك السبت اتأخر الباص وحكيت بديش يصير معي نفس الشي اليوم وغير انه طلع معي شله حشاشين طافين وكل ما بتزكر شو صار وكيف كنت ابتسم ومش كادر امسك حالي , بستغرب ! اللي صار هداك السبت وانا بالباص طلعوا شله شباب اصحاب وامبين كانوا كلهم متعاطين وكعدوا بآخر الباص , وانا كنت كاعده غاد لانو بالاصل فش مكان اكعد لانو الباص اتاخر وملان عالم , وبتزكر كلام اخوي واحد يضل يحكيلي تكعديش ورى لانو حثاله العالم هان بكعدوا ورى , المهم طلعوا هالشباب وكلهم عشانهم طافين مبتسمين اشي مش طبيعي , وانا اطلّع بعيونهم عشانهم حُمر لاني بحب العيون الحُمر بزكروني باشخاص بعرفهم , وكانوا يحكوا وحكيهم يضّحك وبعدين اتكاتلوا , وكان امبين الزعيم تبعهم هو اللي كاعد جمبي , ولما صارت الطوشه بينهم هو وكّف وغلط عليهم وكلهم سكتوا وبعدين نزلوا من الباص وكديش ارتحت لاني كنت اضل اضحك جواي على كلامهم وتصرفاتهم , ومع هيك اضّل اطلّع على عيون اللي جمبي ومستمتعه ومبتسمه !

؛

اليوم وانا بالباص كنت اضل اقرأ , صايره اقرأ زي ايام زمان , صرت واصله نص الكتاب , مع اني اضل اعيد بالفصول , وحتى محكيتش مع امي ما اجى عبالي , اوصلت البيت , وكنت تعبانه وكنت متوقع انو الاهل كلهم يجتمعوا اليوم , لهيك كنت بدي انام قبل محد يجي , لما اوصلت عالدار لكيت اخوي تلات عم يحكي بده يطبخ اليوم , حكتله "اعمل اللي بدك اياه , انا بس بدي انام هدا اللي بدي اياه ", اتصلت ع امي اخبّرها بدي انام عشان ما تتصل عليا , ورميت حالي عالتخت , وبلّش ساده يلعب وجرح وجهي ينعن شكله , بس الحمد لله مش عالجرح , يعني اسبوع وبختفي ومش شكله يعلّم , وكنت احاول كد ما اكدر اني انام , والحمد لله , يالله شو بنبسط لما الله يهديني وانام , نمت حوالي ساعه ونص واصحيت ع صوت البلفون واخوي واحد بيتصل , وبسأل اد حد بده يجي وبكون كاعد يتزانخ عليا جكر , حكتله "ولك بعدين معك ؟ حكتلك اضلكش تصحيني , واتصل عليهم هم " حكى " مهو محدش فيهم برد عالتلفونات " , حكتله "بعرفش يا زلمه" وارجعت حكيت بلكي يا رب ارجع انام , بعد بكم دكيكه رجع اتصل عليا , وحكى هينا كلنا جايين بالطريك , جهزّي الكهوه , اخ بس , كومت جهزت ماكينه الكهوه , وما ارجعت بدي اتمدد الا جرس الدار برن وخواتي اجو, كان اخوي تلات بالدار , ما طلع عالشغل , كعدنا ونستنى بحضرت اخوي واحد , الا هو بتصل وحكى في حادث كدامه بستنى تا يفتحوا الطريك , اجى وكعدنا وحكينا , بس كالعاده لازم اتكاتل مع اختي ايمان لازم , كله من الحلم بالاكل اللي حكيت عنه , وراح احكي شغله , اللي بكرهه فيا اني بزعل على زعلهم صايره انا , صرت اكره احساسي اني بديش ازعلهم , مش بزعل منهم , بزعل من حالي , فد بالمسج اللي بعتته من يومين حكتلي "بدي احررهم مني , مش بس اتحرر منهم " لاني من شهر لما بعتلها مسج وحكيت اشي بنحكاش , فهمتني ! فهمت شو جواي بدون ما احكيه , فهمت عن مين بكصد ! . اختي اماني حكت انتو ليش بضلوا تتكاتلوا واخوي واحد حكى نفس الشي , وكتير غلطنا انا واختي ايمان عبعض وكترنا زودنها , بس مش زعلان منها بحكيلهم زعلانه من حالي اني زعلتها , وزعلان من حالي اني ليش زعلانه , عنجد الواحد بعرفش شو هو , بعد ما اتسهلوا حتى ما اطلعت اوصلهم عالسياره , سكرت البواب ورميت حالي عالتخت واجيت بدي ابكي واعيط , وعالفاضي ولا حتى عيوني رغرغو , لهيك اجيت عالمدونه ..~

||



هاي الصوره حبيتها وعطول صورتها لانو
فيها سياره البورش الاس اللي حلمي فيها
وجيب المرسيدس جي اللي حلم اخوي واحد

الله يطعمنا ()
BeautifuL StrangeR متواجد حالياً   رد مع اقتباس
قديم 10-15-2018, 12:26 AM   #253
روح هالِـ×ـه ~
 
الصورة الرمزية BeautifuL StrangeR
رقـم العضويــة: 268289
تاريخ التسجيل: Sep 2013
العـــــــــــمــر: 27
الجنس:
المشـــاركـات: 8,869
مــرات الشكر: 4
نقـــاط الخبـرة: 1383

Icons13 رد: مأساة روح {هالكه} في اوراق تائهه ~

السلام عليكم ..~

اليوم هو الاحد والساعه حوالي 2 الا شوي العصر || 10\14\18

مصارش مجاريت معي من امبارح لليوم , امبارح كان عليا سهر وليله متعبه وما نمت ولا دكيكه بالشغل خوفت اروح احلم اشي ومش ناكصني نكد , حكيت بلا البريك تبع النص الساعه , اوصلت البيت حوالي 9 الصبح , وحكيت تلفون مع امي , وحكيت مع خواتي عشان كصه بخصوص اخوي تلات , وبصراحه استغربت من اخوي تلات , لاني بعرف انه اتعرف ع بنت من جديد , وحسيت انه حبّها , او يعني في انجذاب الها , لانو بضل يجي يحكيلي عن شو بصير حكي بينهم , بس اتفكنا انو لا احكي لخواتي ولا احكي لاهلي , بعرفش ليش هو هيك بده , بس لما اجت سيره بنت تانيه ما اعترض , ابصر !! مع انه حكتله دير بالك منها هالبنت , الله اعلم , وكل واحد عقله براسه بعرف خلاصه ..~

افطرت وغسلت , وحاولت انام , بس لأ فش نوم اليوم , هيك عقلي بده , لهيك ضليت متمدده عالتخت وبشوف مسلسلات , كان نفسي اضوي البلستيشن بس ظهري بوجع وراسي ومش ناكصني ارهاق بزياده ..~

||

ايش اشتريت ..~

انا صبيه بحب الترنغات كتير , مريحات اشي مش طبيعي , مرات خواتي بحبوش يطلعوا معي وانا لابسهم لانهم زي بجامات , بس بهمنيش بصراحه , بس مره من المرات اختي ايمان رجعتني من نص الطريك وحكتلي ما تيجي معي في هيك بجامه بهيك لون , مع انه امي عكس هدا تماما , انا وامي بتنتفك على الترنغات , وبتحب اللوان الزهري اللي انا بكرهها بس بلبسها عشان اشوف ابتسامه امي على وحهها لما تشوفني لابسها , لهيك عشانهم مريجات بالشغل كتير بلبسهم , مع انه اعترضوا بشغلي واني لازم البس الزي المخصص , بس عنجد بكرهه , ومره ع مره ما كنت البس الزي وبعدها زهكوا مني وبطّلوا يحكولي , خاصه اني بشتغلش بالمستشفى لهيك سكتوا , وحتى صاروا الصبايا التانيات يعملوا متلي لانو حكولي جد يا مريم مريحه ..~

؛



اظن انو سعرها كان حوالي 40$ مع انو شركه (اكس او اكس او )مش هالشركه الغاليه , بس بحبها لسبب شخصي انها بتزكرني باول كطعه حملتها من صناعتهم وكانت دزدان وانا عمري 15 رمادي واسود , ويالله شو هالبجامه مريحه , اد بوكع تحت ايدي متلها الوان تانيه اظن راح اشتريها , واظن مكتوب عليها جمال اصلي هيك شي ههه ..~


؛


اما الشغله التانيه اللي اشتريتها وهي انا بعشق البوت الابيض , وضليت كل مره الف ع واحده ومش لاكي واحد يعجبني , لكيت هاد عالتخظفيظات , اخدته ب 45$ وهي شكتشيرز نوع جديد نازل عندهم وهي بسموه سكتشيرز ستريت لوس انجليوس , بصراحه مريح جدا مع انه بيظهر العكس وحلو عاللبس غير شكل , بس صار معي موقفين بهدا البوت , اول مره البسته كانت الدنيا مطر , كنت مخلصه الشغل وطالعه منه , وما لسا مشيت شوي الا اتزحلكت بالشارع على شارع داحل او نزول احكي , بس الحمد لله ما اوكعتش , وبالعاده بوكع ضحك عحالي , بس كنت تعبانه بتزكر ومهدوده وفش فيا حيل افكر بالاصل , لاني لما اتزحلكت كعدت اسالي حالي " ايش صار ؟" وبعدين استوعبت , وبنفس اليوم وبنفس الوكت بعد ما مشيت شارعين كمان اتزحلكت واحده اخت شلن , كنت بالثانيه اللي بتزحلك فيها بحكي مع حالي " اوكعت , خلص اوكعت " , بس كمان ما اوكعتش وساعتها وكفت تواني بالشارع اضحك عحالي ومع حالي , ومتأكده انو الا ما يكون حد شافني , وانا واكفه اضحك اتزكرت زمان ابوي لما اتزحلك اكتر من مره بنفس اللحظه عالدرج , ومكدرتش الا اني اضحك ع ابوي , انا عندي نداله ولما اضحك عشخص بضحك من جواي حتى ع ابوي , وخاصه لما اشوف وجهه وبتزكر الموقف وبكعد اضحك وهي الشغله صارللها زمن , بعد ما اتزحلكت حكيت بعقلي " امشي شوي شوي لانو التالته اكيد قاضيه " وبعدها كعدت يومين بدون ما البسه لاني خايفه اني اتزحلك منه ..~

؛





انسو ساده اللي طالع بالصوره

||
BeautifuL StrangeR متواجد حالياً   رد مع اقتباس
قديم 10-16-2018, 04:27 AM   #254
روح هالِـ×ـه ~
 
الصورة الرمزية BeautifuL StrangeR
رقـم العضويــة: 268289
تاريخ التسجيل: Sep 2013
العـــــــــــمــر: 27
الجنس:
المشـــاركـات: 8,869
مــرات الشكر: 4
نقـــاط الخبـرة: 1383

Icons13 رد: مأساة روح {هالكه} في اوراق تائهه ~



؛



||

نص الكاسه المليان , طلع مليان زباله ..~
BeautifuL StrangeR متواجد حالياً   رد مع اقتباس
قديم 10-17-2018, 04:10 AM   #255
روح هالِـ×ـه ~
 
الصورة الرمزية BeautifuL StrangeR
رقـم العضويــة: 268289
تاريخ التسجيل: Sep 2013
العـــــــــــمــر: 27
الجنس:
المشـــاركـات: 8,869
مــرات الشكر: 4
نقـــاط الخبـرة: 1383

Icons13 رد: مأساة روح {هالكه} في اوراق تائهه ~

السلام عليكم ..~

اليوم هو الثلاثاء والساعه 5 العصر || 10\16\18

يوم الاحد بعد خلّصت كتابه بالمدونة، كملت متابعة درامات وانا بمرحلة الدراما اليابانية، وحوالي ع 8 ونص بالليل بعد ما اجى اخوي تلات عالبيت وعملت كم تلفون منهم اهلي وحبي، حوالي ع 9 حطيت راسي ونمت لانو كان عليا شفت صباحي الاثنين ، كديش كنت اصحى بالليل، وكديش كنت اتمنى الليل يطوّل مشان اضل نايمه، واصحيت ع صوت المنبه وحكيت بعقلي "يالله بدري، لسا بدي انام كمان" وطوب الا انا غافيه ، وبعدها اصحيت منكوزه وخايفه انو يالله راحت عليا نومه امبين، وباللحظه اللي بركّز بعيوني المغبشين على الساعه البعيده مرتين اتزكرت انها خربانه او بدها بطاريه ، وكعدت دكايك وانا بدّور عالبلفون لانو من كتر ما نومي دفش مرات بكون البلفون ساحل عند اجريا، بالاخر كومت من التخت وروحت اشوف ساعة الصاله، وطلع لسا بدري، حكيت " يا ربي منا اسمعت صوت المنبه؟ "طلع منبه اخوي، بدي احكي ليش طفى وبطلت اسمع صوته، بعد بشوي رن المنبه تبعي، منا كنت صاحيه، افطرت وجهزت حالي، وعفكره انا مش شخص صباحي من مره، يعني بكون لسا مش مركزه ولا مصحصحه، بعد ما جهزت حالي وكعدت العب شوي مع ساده لانو كان زنخ اشي مش طبيعي، بالغصب عشان اتركه، واجيت احط سيروم ع وجهي، والسيروم كان من انواع الزيوت، اه متل ما صار فيا الاسبوع الماضي اظن الخميس، وهو اجى زيت ع البلوزه، وطول عمري بحط منه ولا مره نقّط، ليش اليوم؟ وليش هاي البلوزه اللي لونها رمادي فاتح ومفضله، كمان ع الزباله، بس هاي المره ما ازعلت ولا قلبت بوزي، بالعكس فطست ضحك وكعدت احكي مع حالي بصوت عالي واضحك، وشغلّت سبوتفاي كمان، بعدين لفيت ع المسجات، وكان في مسج من اخوي واحد عشان في موعد لتأمين السياره، لازم اكون معه، حكتلكم اني اخذت الرخصه للسواكه في أمريكا واخيرا، الحمد لله ومن اول مره كمان، هو صح متأخر واكلت مسبات ليوم المسبات من اهلي عشاني بسوك من عمر الا 18 وانا بالبلاد ومعي رخصه من الضفه وحتى كان معي رخصه دولي، بس هون في امريكا كنت مش متشجعه من مره، والحمد لله اني ما اخسرت مصاري، يعني بس اخدت 4 ساعات مع استاذ عشان اتاكد من حالي، ودفعت للأستاذ بس 200$، اتفكت مع اخوي اي ساعه يكون الموعد تبع التأمين عشان يكون مناسب لوكتي ووكت اخوي، لانو هون لازم تعمل تأمين يشمل الشخص والسيارة ولا سمح الله السياره اللي بتعمل حادث معاها، يعني 3 وهدا بكلّف بلاوي، وغير انه لازم تدفع شهري، وغير انه حطينا بس ارخص نوع تأمين، يعني لا سمح الله صار ما صار ما بساعدوا باشي، بس ما بتتخالف على انو ما معك تأمين، وهون كمان كل ما كانت الرخصة جديده معك، كل ما كان التأمين اغلى، لازم تكون الرخصه معك سنتين عشان يبلّش يرخص شوي تأمينك، عنا المعيشة نار اشي مش طبيعي، بعدها اطلعت من البيت وكان نفسي اروح عالشغل بالسياره بس امي بدهاش مشان فش تأمين، لهيك بدي اروح بالباص، اتصلت ع الضفه، واللي رد عليا ابوي، حكيت بعقلي يا رب ما تكتب عليا خطأ، بس لسا طول امبارح بالليل وانا احكي معه، واحكيله " يابا اعملوا اللي بدكم اياه، لاني انا واحده بثقش بالناس وصبيه كلمتي عليهم تكيله ولسا السبت اتكاتلت مع ايمان عشان هالكصه" , حكى شوي معي وحكى هلكيت بتيجي امك، اجت امي وما حكيت معاها كتير لانو اتكاتلنا، بدهاش اعمل تأمين، او احكي بدها تأمين ببلاش كيف صارت بالله؟ امي عشان بتعرف كديش بتعب بالشغل بدهاش اصرف المصاري، وزي ما حكالي اخوي واحد لازم اكون سَلِسه مع الناس، وبالزبط انا عصبيه، حكتلها " يما مش راح ارد عليكي لاني بدي اسوك منتي بدك اسوك " ، حكتلك خليني اروح، وطوب سكرت البلفون، وانا ازعلت، وكنت طالعه من البيت وتعبانه، يالله، اطلعت بدري عشان فش حيل اركض، لهيك كنت امشي بطيئ، ومع اني طالعه بدري، والله، لا حول ولا قوة الا بالله، نفس مصار معي هديك اليوم، ثواني والباص سبكني، هيك والله بتخيله واحد وبطلع من الشارع وبمشي وبجاكر فيا ، وكمان ازعلت، حكيت بعقلي بديش اشتغل بدي ارجع عالدار، لفيت حالي وارجعت، وبعدين وانا امشي بالرجعه اتخيلت وجه امي وبتحكي احنا بحاجة المصاري، واتزكرت لما كانت اضل تحكيلي اجبري عحالك، لهيك عاودت كمان لفيت وارجعت عالباص الله ينعن ابوه كد مهو بنكد عليا كل صبح، كعدت استنى حوالي عشر دكايك، ولما اجى كان ملااااان ناس، فش مجال للتفكير منتي متأخره يا مير اجبري عحالك، ومن كتر العالم كنت واكف جمب الشوفير، ويالله باي لحظة راح اوكع من التعب ومن الخض، وبعدين ضليت امشي بالباص وازك لاوصل لمكان امسك اشي، ضليت فيه هيك حوالي تلت ساعه، بعدين الكرسي الكدامي صار فاضي، بس هذا الكرسي مخصص للمحتاجين وهم بكصدوا الكبار بالعمر أو الحوامل هيك شي، احنا الشباب الصغار مش لازم نكعد عليه، واد كعدنا عليه واجى حد محتاج لازم نكوم ونكعّده لانو راح تنحرج من عيون الحواليك أو المحتاج راح يحكيلك بدي اكعد أو الشوفبر اد شاف راح يحكي بالسماعه انو تكوم وراح تنفضح ، انا كعدت عليه، لاني اطلعّت حواليا فش محتاجين واكفين، كل اللي واكف طلاب، كعدت شوي بعدين وصل الباص ع موقف ونزل ناس وطلعوا ناس , صار جمبي كراسي محتاجين فاضيه، بس اللي طلعوا كلهم ختايره، اتعبوا الكراسي الفاضيه ولسا في محتاجين واكفين، الكل بطّلع عليا انو كومي، مع انه دايما بحب احط انطباع منيح عن العرب، لاني كنت حامل كتاب بقرأ فيه، وعلم فلسطين برقبتي ، يعني امبيّن اني عربيه، بس بصراحة ما كومت، فش فيا حيل اكون واكف، اجو تنتين وكّفوا فوق راسي، ختيارتين من الصين ، - ( راح احكي مره مع الوكت عن الناس من الصين واليابان وكوريا والفلبين اللي استنتجته من تعاملي معهم بالمشاركات الجايه ) - بالزبط فوق راسي وبلّشو يحكوا مع بعض بلغتهم وانا متاكد عليا، حكيت بعقلي اطلعوا منه فكوا عني، بس كعدوا عشر دكايك وهم يحكوا ، يعني كعدت بصفحتين من الكتاب وانا اعيد بالصفحتين لاني مش كادر اركز من صوتهم، وكنت اصّبر بحالي انو اجبّري عحالك، اطلّعت عليهم وجحرتهم وعيوني بحكو " ممكن تخرسو" والله وسكتو، لازم بالاصل يطلع قانون ممنوع تحكي الصبح او ممنوع تحكي قبل9 أو 10 الصبح، بعدها واخيرا بلّش الباص يفضى، وانا قرّبت ع شغلي، وجمب شغلي في 7\11 محل هيك اسمه ، كانت ناويه اشتري دخان، وينعن شكلهم رجع عاود صار غالي، اشتريت اتنين، واوصلت عالشغل حتى متأخره خمس دكايك، كان الشغل خفيف، بس يالله شو كنت اخبط بالحيط وكل شي يوكع من اديا والله ستر ما انكسر اشي مهم لما وكع، بعدها اجتني فترة كآبه لما اتزكرت اشي صار معي، وكعدت احكي مع حالي انو " الكل بتحملنيش وبتركني وما بصمد معي، الكل بزهكني" بتزكر لما حكيت لحد" انساك مني انا مش منيحة " وبعدها بهاي الفتره وانا سارحة اجاني تلفون من ايمان تسألني اد بشغلي عشان تيجي تاخذني، منيح انو اجاني التلفون خلاني اطلع من السرحان تبعي، الظهر خلصت الشغل وكانت لايمان تستناني ع باب الشغل ، اطلعت من الشغل، وبعتنا مسج لاماني لنشوف اد بدها تشوفنا، بس ما ردت علينا، لهيك قررنا نروح عالدار، وعملنا حملة تنظيف وتزبيط , ضلت عندي حوالي لل 2 ونص العصر، وحكتلها اد بتاخدني بطريكها ع محل بدي اتحوّج شويت اغراض، وصلتني ع المحل واتسهلّت، اتحوجت شويت اغراض وارجعت عالبيت، ومتل ما حكيت عندي موعد مع اخوي واحد عشان نروح ع شركة التأمين، واخوي حكى راح يكون عندي بين 3 وريع وا3 ونص، لهيك اكلت ساندوش كانت بنت ايمان شاريته الي لانو في محل تبع ساندويشات بحب ساندويشاته كتير، وكل ما تروح بنتها عليه بتشتري، وهاي المره كان فطر وكديش عجبني، وحوالي ع ا3 وثلث اخوي اتصل عليا وحكى يلا هيني باب الدار اخدت الشنته واطلعت، وكان اخوي مش عبعضه، حكينا شوي وفتحت الشنته واعطيته بكتين الدخان، حكتله حلّوان الرخصه وكان نفسي اشتريلك كروز بس معيش مصاري، حكى لشو الغلبه، بس ما همني، اتعودت ع زعله لما اشتريله اشي وانا صبيه بهمنيش زعل الناس ع هيك اشي، وشبكت بلفوني ع سيارته، حكتله نازل البوم جديد بدي اسمعه، انا بنت كتير بسمع اغاني تبا بس، وسبوتفاي دايما شغال، وبعشق سماعات سيارة اخوي، وبحب الصوت العالي , لهيك بعلّي الصوت عالاخر وبكون اخوي بدوش يكون هيك عالي, بس خلص بسكّت لانو بعرف مش دايما انا بطلع معه , وبعرف خلص هاي شغلات كنت بعملها زمان بسيارتي او معه بالضفه والادرن لما كنا نطلع انا وياه وحبي , كنا كتير نحكي ونجيب كتير كصص لانو المشوار بعيد، واخوي عمل حركه بصراحه هاي الحركه هو بضل يعملها وبتزكرني بحبي لما كان يضل يعملها معي , تبا بس , الاتنين نفس الشي عنجد عنهم اصحاب عالعظم , مش راح احكيها بس , احسن بعدين تكون من مخالفه فوانين القسم , والحمد لله اتهوّنت علينا بشركة التأمين، ورجعنا عالدار، كعد عندي حوالي نص ساعه و شربنا كهوه، طلع من عندي حوالي 5 ونص، وبعدها اتصل عليا اخوي تلات وطوّلنا واحنا نحكي ، وع ال 6 المسا تمددت ع التخت وشوفت شوي من دراما وبعدها روحت ع لمنتدى، اللي هي المشاركه السباكه اللي هم من توينبيكز اللي هو فيه البرج اللي بزكرني بالانتحار واللي كديش بعشقه , وهاي المره روحت مع اختي اماني وبناتها , وع 6 ونص اجيت اجهّز حالي للشغل الا امي بتتصل، كنت اجهز بحالي وانا بحكي مع امي وملان كان في حكي، اطلعت ع 7 بالليل من الدار في الاوبر، وضليت كمان بالاوبر احكي مع امي لنص الطريك، واوصلت الشغل، وهاي اول ليله من سنه كانت هاديه وخفيفه وحلوه، حتى لما اجى الصبح انا وكارمليتا مش مصدكين كديش كانت ليله هاديه وسهله.


واطلعت من الشغل الثلاثاء ع 8 الصبح واخدت الباص، واتصلت حكيت مع امي، وطوّلت كمان وانا احكي معاه، حتى مكانش معي وكت افتح الكتاب، خلصت حكي معاها قبل ما اوصل بشوي، وما سكّرت الخط الا اختي إيمان بتتصل وحكينا عن كصه مهمه، واوصلت الدار وكان عليا اني انقل السياره عشان تنظيف الشارع وفش مكان , اخ بس ، لهيك عبرت البيت افطرت و لعبت مع ساده، بعدها امي بتتصل كميرا، حكيت معهم، عشان اشوف بنات اخوي وخاصه حبيبة امي، في واحده منهم امي بتعشقها وبتحبها متل ما بتحبنا وانا متاكد اكتر، الله يخليها لاهلها، مع انه امي من النوع اللي بحب الاولاد، لهيك وامي كعدت تنصحني لما احكي كميرا مع حد كيف اتحرك وابعد واقرب عشان يكون شكلي احلى، حكتلها حاضر، بعدها اطلعت ادورّ ع مكان اد بلاكي لانقل السياره، والحمدلله الحمد لله لكيت، لاني كنت نعسانه وبدي انام، ارجعت عالبيت بعد ما نقلت السياره، واجيت احاول انام، نمت حوالي ع 11، واصحيت ع12 واشي ع صوت البلفون وكانت اختي اماني، سألت اد انا بالدار وأنهم برنوا بالجرس ومحدش برد، عنجد مسمعتش صوت جرس الدار، كعدت كم ثانيه بعطي بحالي الطاكه لاكوم من التخت، وكنت جد مسطوله ، كعدت ازخف لاوصلت الباب وفتحت واجو، وكانت جايبه قراص، كديش انبسطت، اكلت وحكت ايش رايكم نطلع نشرب كهوه برى، اطلعنا ووجهي مكانش مغسول، كنا موصين ع كهوه وبستنى تجهز وبعدين الا اختي إيمان بتتصل عليا وبنحكي ويني؟ حكتلها مع اماني بالمكان الفلاني تيجي؟ وبدك كهوه آه اشترويلي وهيني جايه عندكم، اجت اختي واجتمعنا، كان كتير كلام وكصص مهمه ومش عارفين شو بدنا نعمل، وحوالي ع الثلاث العصر كلنا روحنا، وانا اجيت بالباص عالدار، وهيني ..~

||

شباب يسلمو لمتابعتكم , بعرفش شو اعمل لاشكركم لاني بعرفش اتعامل , ومرات بنحرج انو دايما بشوف تقيماتكم وما بشكركم , اد كنت مستمتع بالمدونه بتشرّفني , اعمل شو ما بدك تقرأ , تضحك , تتفلسف , وانا كمان بعمل نفس الشي , والله يعطينا اللي بدنا اياه ..~
BeautifuL StrangeR متواجد حالياً   رد مع اقتباس
قديم 10-18-2018, 07:44 AM   #256
روح هالِـ×ـه ~
 
الصورة الرمزية BeautifuL StrangeR
رقـم العضويــة: 268289
تاريخ التسجيل: Sep 2013
العـــــــــــمــر: 27
الجنس:
المشـــاركـات: 8,869
مــرات الشكر: 4
نقـــاط الخبـرة: 1383

Icons13 رد: مأساة روح {هالكه} في اوراق تائهه ~



؛



؛

اذ في علاقه حب ليش ما يكون في علاقه كره ؟ يعني اكرهك وتكرهني واغار اد حد كرهك اكتر مني
BeautifuL StrangeR متواجد حالياً   رد مع اقتباس
قديم 10-19-2018, 09:05 AM   #257
روح هالِـ×ـه ~
 
الصورة الرمزية BeautifuL StrangeR
رقـم العضويــة: 268289
تاريخ التسجيل: Sep 2013
العـــــــــــمــر: 27
الجنس:
المشـــاركـات: 8,869
مــرات الشكر: 4
نقـــاط الخبـرة: 1383

Icons13 رد: مأساة روح {هالكه} في اوراق تائهه ~

السلام عليكم ..~

اليوم هو الخميس وعندي الساعه بعد التسعه بالليل || 10\18\18

؛

بكون نفسي عنجد احكي مجريات اليوم بيومه , بس لما تكون المجريات كتيره وانا بكون تعبانه من الشغل , بكدرش اكعد حوالي ساعه وانا بس مركزه عالكتابه بالمدونه , بس اريّح حالي واتمدد واشوف اشي خفيف بدوش تركيز .
ارجع ليوم الثلاثاء , كان عليا شفت ليل , وكان مع (كارمليتا) , كانت ليله صعبه كالعاده , بس معها هي بتتحمل زناختي وعصبيتي , وبضّل انكش عليها واتمسخر , وهي خويفه , وصلت لمرحله اسكّر الباب عليها برى بنص الليل واطفي الضو , ووكعت عالارض من الضحك عليها , كان في نقل حكي وفساد بالشغل من يومين صار , بس مكنتش متوقع انو الكصه تكبر , اللي صار انو يوم الثلاثاء في كصه لازم (دون) يعملها ونسي , وحط الحك على (كارمليتا) وعليا , بعرفش اد هو حكى (لكارمليتا) انها تعمله وهي نسيته , بس المهم انو حد فيهم نسي الشغله ومع انها مش هالاشي بصراحه , وقبل بيومين (فرجينيا) صار معاها تحقيق من (جينفير) انو اد حد فينا بنام بالشغل ؟! واحنا بنغطّي على بعض مرات , يعني بنتعب وبنحكي لبعض روحي خدي بريك نص ساعه او حتى ساعه , وحضرت (فرجينيا) حكتلها اه , وممنوع بالشغل النوم , الهبله , لهيك كصه النوم وكصه الشغله وكصه فساد من (دون) صارت ملان نقاط على االبنات اللي بيشتغلوا شفت الليل , وغير انه (دون) بضل يرمي كلشي علينا , وصارلنا شهر بننتبه على هدا الاشي , خلّص يوم الثلاثاء واجى صُبح يوم الاربعاء .~
الاربعا قبل ما تصير الساعه 8 الصبح وينتهي الشفت تبعنا , واحنا بالشغل اتصلت جينفير على كارميلتا , واتكاتلوا مكتل كبير , كانت كارمليتا حاطه السماعه عشان اسمع معاها , وجينيفر كانت تغلط وتحكي بجكامه اشي اول مره بحياتي بشوفه منّها , وراحت جينيفر مسكّرّه البلفون بوجه كارمليتا , هلكيت بدكم تعرفوا بانوا هدول التلات اصحاب , بعيد عن الشغل هم اصحاب كتير , اللي هم كارمليتا اللي هي بتشتغل معي بشفتات الليل , وجينفير اللي هي السكرتيره واللي بتشتغل تحت صاحب الشركه ومسؤوله عن كلشي , و دون اللي هو زوج جينفر اللي بشتغل شفتات النهار , هدول اصاب غير شكل , لهيك كارمليتا زعلت لما جينيفر سكّرّت البلفون بوجهها , ولما كانت تبعتلها مسجات وتتصل عليها وهي ما ترد, ولما اجى دون الصبح يستلم الشفت, كارمليتا كانت تعيّط وكعدت تصرخ بوجهه لما هو لحكها ويحكليها انو مش هو السبب , اكيد هو السبب , واللي بكهر انهم دخلّوني بالنص , جينفير اتصلت عليا وكعدت عشر دكايك تحكي معي , وتحاول تبرر تصرفه , بس دون ما حكى معي ولا اشي , وجهه كأنه مخبوط كندره , وبعدين كارمليتا كمان اتصلت عليا وكعدت ربع ساعه وهي تحكي معي , وانا بس اسمع , وبعرفش شو صار بعدها واد رجعو يحكوا او اشي جديد , بس كارمليتا حكت يمكن تترك الشغل , وانا اد هي تركت انا اكيد بترك , لانها كتير بتساعدني بالشغل وكتير اسرانا بالشغل مع بعض , وكتير بتنصحني بانو مين اللي بعمل مشاكل ومين اللي بده يطردني وهيك كصص . وبعد ما خلصت التلوفونات معاهم , اتاخرت لما اطلعت من الشغل , واواصلت البيت كتير متاخره وراحت عليا نقل السياره يوم الاربعا , لانو كل المواقف معبيّن , وكان يوم الاربعا من الايام الصعبه عندي جسدي ونفسي وتعب .
اجت عندي اختي ايمان هي وبنتها الكبيره والصغيره , كعدوا عندي وافطرنا واشربنا كهوه , وكنا على تلفونات مع اهلي في البلاد ومع اختي اماني ومع اخوتي , بعدين روحنا ناخد بنتها الكبيره على الجامعه , وكعدنا بمقهى كريب من الجامعه لانو حصتها كصيره , وكنا كمان على تلفونات مع الاهل ومع اختي واخوي ,بعدها جيبنا البنت الكبيره من الجامعه واختي وصلّتني عالبيت , حكيت بعقلي واخيرا بدي اتمدد لاني صاحيه من الليله الماضيه , ما تمددت وبدي احاول انام , الا ابوي بيتصل عليا , وحد من المعارف بده يجي عنا عالدار !! بده يجي عندي عالدار ؟! نعم ؟؟! بجبش حد يجي عندي , وخاصه من شخص صارله اسبوع بوعد انه يجي اليوم وبكرا , وكل مواعيده زباله زي وجهه بالزبط , بس هدا حكي بيني وبينكم , شب بده يتعرف علينا عشان كصه زباله اختي ايمان عملتها عشان هيك اتكاتلت من فتره معها اد بتتزكروا (بعاود احكي عن الكصه الزباله والمشكل) , بلعت ريكي , وحمدت الله انو ايمان بدها تيجي واخوي كمان , حكيت بعقلي يالله مش ضروري اشوفه انا ولا استقبله , ولما اجت ايمان وحكتلها بديش اطلع اتعرف عليها , سمعتّني كلمتين , لهيك انغصبت اني اطلع واكعد معهم , وانا على مواعيده الزباله مش طايكته , بالتعرف اللي صار انا سمعّته كلمتين , واختي ايمان صارت تحكي هاي اختي الصغيره مغلّبى الكل , لانو زي كل هالشباب بلّش يكزب انو " انا اهم اشي عندي المواعيد " حكتله " اه عشان هيك الك اسبوع بتحكي اليوم بكرا ", بعرف انو عيب وهاد مفهوم بعترفش فيه , بس كمان بعرف انو عالاقل تع عالموعد مش تستهبل الناس اد الناس طيبه زي ايمان الهبله , انا مش هبله , وحكتله " تفكرش انو هان بامريكا الناس زي البلاد , توعد وما تيجي عالموعد , او بلحظه تحكي هيني بالطريك جاي , هون كل شي بمواعيد , شغلك بتكدرش تغيب عنه الا باذن قبل بأيام , والواحد بكدرش يلغي مواعيده من شغل وحياه ومواعيد دكاتره " حكى " لا ما وعدت " وبعدها ضل ساكت ! الحيوان . لهيك بحبش اتعرف ع الناس او اتعامل مع الناس لاني بحكي بوجهه انك اغلطت , اه بحكي للاعوّر انك اعور بوجهه . الكل بحكي لازم اكون لطيفه اكتر ولبقه , بديش اكون . بعدها هو راح واختي ايمان رجعت ع دارها واخوي رجع عالشغل , وحكيت واخيرا بدي اروح اتمدد وكانت الساعه حوالي 4 , وتوب الا اهلي بتصلوا , اخ يا ربي اتعبت من التلفونات امبارح , حكيت معهم وحكتلهم شو صار , وبعدها اختي ايمان اتصلت وسالت وحكتلها كمان ايش صار , وكان صايبني وجع راس مش طبيعي , اشربت ادفل وحكيت فش بعد الشاور البارد , اخدته وحكيت واخيرا بدي ارتمي عالتخت اتمدد , الا اخوي تلات بيتصل انو خلينا نروح نتحوج , اوفت , طيب تع خدني , روحنا اتحوجنا عند كاسكو وانا كتير بحبه وصرفنا كتير , وارجعنا عالبيت واخوي عملّي ستيك لاني بحب الستيك تبعه , بس حضرته حط عليه نكهه بحبهاش وخرب الستيك عندي , بس من الجوع اكلته , وبعدها حكيت واخيرا بدي اتمدد , الا اهلي بتصلوا , لا حول ولا قوه الا بالله , يا ربي مصارش اشي خلال هالكم ساعه اللي غبناها عن بعض , حكيت كم دكيكه بس لانو عنجد بدي اانااام , واخيرا اتمددت عالتخت ونمت , وكنت اصحى كتير بالليل , يالله شو اصحى , بس لما اعرف انو انا بالدار وبتختي وفش عليا شغل يالله السعاده , وارجع انام ..~
اصحيت الخميس على تلفون كميرا عالمسنجر جروب العايله , حكينا شوي , بعدين لازم انقل السياره عشان تنظيف الشارع , حكيت اكسب الوكت خليني اروح اعبّي بنزين واسوك شوي , حتى شوفت اختي ايمان جايه عندي وانا اسوك , وحكتلها بنزين , ارجعت عالدار ولسا مش منظفيين الشارع , كعدت انا وايمان نلف ولما نظفوا الشارع صفينا السياره ونزلت عندي عملنا كهوه , وصارلي اسبوع بس بشربها الامركانيه بس سمرا , لانو عنجد بطّلت اصحصح , وايمان مش كتير مغرمه بالعربيه , وبعدين اماني اتصلت علينا وحكت نلاكيها بمكان , اتلاكينا وكعدنا وحكينا , وبعدين ايمان روّحت واماني حكت نكمل الكعده بالدار عندي , اجت عندي , وحوالي ع 3 اتسهلت , وانا لفيت عالدار نظفتها , وبعدين اطلعت ع الحوش رتبت الورد والزرع , وعندي ورد منوّر لهيك عملت منه ضُمم حطيتها بالصاله ووحده كمان بالمطبخ , وبعدين بلشت بدراما جديده وشوفت حلقتين , واجيت هون ..~

اليوم اختي ايمان سألتني سؤال ...راح اكتب هاي المحادثه عشان انا نفسي اتزكرها .. لاني بحب اقرأ بمدونتي كتير .
ايمان - في سؤال دايما بكون نفسي اسالك اياه بس بسترجيش
مير- الله يستر , ضروري
ايمان- ليش فلان هو الوحيد اللي وافكتي عليه ؟
مير- يبي لازم احكي وبعدين تفهمي غلط , مش لازم احكي
(الشباب اللي بتكدمولي , دايما يا انا بحكي لأ يا هم بيحكوا لأ , وعالاغلب هم بيحكوا لأ , لاني صعبه , كلهم بيحكولي نفس الكلمه " انتي صعبه " وكديش بحترم صراحتهم .
بس في واحد فيهم مش من اول مره انتهت الكصه , كانت كتير تلفونات تصير بينا , وكان الكل مستغرب من اهلي , انو شو الله هداها للبنت وصارت تحب غير ابو سمرا ؟(ابو سمرا حبي) وكانت الكصه داخليا اني بحكي معه لانو شو ؟ لانو بشبه ابو سمرا , ضحكته , وتصرفاته , صحيح يخلق من الشبه اربعين , وكنت كتير انسى وبدي انادي اسم حبي بدل اسمه عليه , ولاني كنت بفتره متحاربين انا وحبي , ولما اتحارب مع حبي بنكعد اشهر ما نحكي ومرات بتمر سنين لانو احنا اعند من بعض .) ..~
مير- لانو بشبه حبي
ايمان- ليش عاودتي حكيتي لأ مع الوكت شو شوفتي
مير- جرّبته بشغله ومره ع مره كرفت منه
ايمان- ؟؟
مير-انا بحب حبي لانو بخذلنيش وفي امان , اخوتي بخذلوني بس مش حبي
اختي ايمان فهمتها بس بعدها سالتني سوال صعب وبديش احكيه وانا جاوبت عليه بكزبه لانو مش كلشي بنحكى ..~
BeautifuL StrangeR متواجد حالياً   رد مع اقتباس
قديم 10-19-2018, 09:20 AM   #258
روح هالِـ×ـه ~
 
الصورة الرمزية BeautifuL StrangeR
رقـم العضويــة: 268289
تاريخ التسجيل: Sep 2013
العـــــــــــمــر: 27
الجنس:
المشـــاركـات: 8,869
مــرات الشكر: 4
نقـــاط الخبـرة: 1383

Icons13 رد: مأساة روح {هالكه} في اوراق تائهه ~



؛

"خليك واضح معي , ما تخليني افسر كلامك في عقلي , لانو عقلي بحب المشاكل "
BeautifuL StrangeR متواجد حالياً   رد مع اقتباس
قديم 10-20-2018, 03:21 AM   #259
روح هالِـ×ـه ~
 
الصورة الرمزية BeautifuL StrangeR
رقـم العضويــة: 268289
تاريخ التسجيل: Sep 2013
العـــــــــــمــر: 27
الجنس:
المشـــاركـات: 8,869
مــرات الشكر: 4
نقـــاط الخبـرة: 1383

Icons13 رد: مأساة روح {هالكه} في اوراق تائهه ~

السلام عليكم ..~

ايش اشتريت

؛





هدا اول نوع عطر اجاني هديه من امي وخواتي من اول مره امي اجت زياره ع امريكا , لهيك بحبه لاسباب شخصيه , سعرها 20$ , دايما بحب تكون بمجموعتي ..~

وهون مجموعه العطر تبعتي وعفكره كلهم كربّوا يخلصوا لازم اشتري مكانهم اكبس

||






قناع للشفايف , لاني صبيه رقم واحد عندي هو مرطب الشفايف , صارلي اكتر من اسبوع بستخدمه منيح وخفيف لا دبق ولا تكيل وريحه مش قويه خفيفه مش مؤذيه لاني بكره الريحه القويه اللي بالكريمات , بس بعرفش بشوفش هالترطيب اللي بدي اياه , يعني لازم احط اكتر من مرتين باليوم واد ما حطيت بشوف الاختلاف , يعني بعطيش ترطيب يوم كامل , بعطي ساعتين تلات وبس , يمكن مع الزمن اشوف اشي تاني ., سعره 14$

؛





هاي اول مره بستخدم تقشير للشفايف , خلال عشر ايام استخدمته 3 مرات , هل صار لونهم افتح ؟ او بطلّوا ينشفوا ؟ لأ , يمكن كمان بده وكت ليمشي مفعوله ؟ سعره 6$

؛





واخيرا اشتريت دزدان , مع انه حكيت لعقلي اد باخد الرخصه من اول مره بدي اشتري لويس فيتون ابو 700$ , بعدين حكيت اروح اصرف كل معاشي على دزدان ؟ بكدرش , لهيك بعد 3 محاولات لف ع انه بدي واحد صغير وواحد اسم وما لكيت , حكيت بعقلي ايش رايك تشتري تيمبرلاند زي اللي اشتريته لحبي تبع رجال ؟ اجيت حملته في ايديا واختي ايمان سالتني " ايش بعقلك ؟" فحكتلها بدي واحد تبع رجال صغير , اجت شدت ذاني وحكتلي امشي انظزي , لهيك لما شوفت تومي هيلفجير اللي هاي الشركه بتزكرني واانا صغيره لما ابوي كان يلبس التيشيرت تبعهم , وشوفته صغير وسعره رخيص كمان ما صدّكت , وعنجد كتير مبسوطه عليه انه خفيف , بس بكدرش احط كل الشغلات اللي كانت موجوده بدزداني الكديم , اشتريته 35$ , الدزدان الكديم اكبس


||
BeautifuL StrangeR متواجد حالياً   رد مع اقتباس
قديم 10-21-2018, 04:14 AM   #260
روح هالِـ×ـه ~
 
الصورة الرمزية BeautifuL StrangeR
رقـم العضويــة: 268289
تاريخ التسجيل: Sep 2013
العـــــــــــمــر: 27
الجنس:
المشـــاركـات: 8,869
مــرات الشكر: 4
نقـــاط الخبـرة: 1383

Icons13 رد: مأساة روح {هالكه} في اوراق تائهه ~

السلام عليكم ..~

اليوم هو السبت والساعه حوالي 5 ونص العصر || 10\20\18

؛

الحمد لله مصارش اشي معي خلال هاليومين , يوم الجمعه كان يوم لنفسي , بس متمدده عالتخت واضل اشوف حلقه ورى حلقه من دراما يابانيه وعجبتني كتير وخلصتها , وضايل كم حلقه وبخلّص بليتش , بس هدول الحلقات الاخيره ازهكت منه لهيك صارلي شهر موّكف لسا عندهم , وكان عليا شفت ليل وكان متعب , بس الحلو بالشغل انهم حطّوا تلفزيون مكان ما بنكعد , زمان كنا نكعد بمكان تاني وكان فيه تلفزيون , وكنت مرات افتحه مشان بالليل بجيبوا المسلسلات الاجنبيه الكوميديا زي فريندز وسانفيلد وبغ بانغ وهدول انا عنجد بعشقهم , لو هيك بس اشوف مقاطع وانا اشتغل بخفف عليا الشغل غير شكل لاني صبيه عنجد بحب اضحك , وامبارح شوفت كم دكيكه من حلقه سانفيلد تبعت " عمرك شوفت ايلين وهي بتركص ؟" .
بعد اطلعت من الشغل اليوم السبت الصبح واجيت عالبيت , كنت بالباص اقرا ومستمتعه لابعد حد لدرجه اني كعدت اضحك بصوت عالي من اللي بقرأ فيه , انسيت حالي , ولما اوصلت البيت معرفتش انام , لهيك بلشت اقرا بمانغا , المشكله صايره بحكيلكم مددمنه صنف من اصناف المانغا وهو غلط , وبضل اقرا بالمانغات اللي بتوكع تحت ايدي وانا بستخدم تطبيق (مانغا روك) , واللي بكهر انو كلهم لسا مستمره وبكره اتابع اشي مستمر , وكل السبب لانو من حوالي سنه او اكتر اظن قرأت مانغا ولحد الان متابعها وهي خلتني احب هيك اصناف واضل متابعه المانعا والتطبيق موجود ع البلفون , قرأت شوي وبعدين كعدت احاول انام ونمت حوالي ع 11 الظهر , واصحيت ع 12 من كابوس اخ يا ربي شو بكره الكوابيس , اصحيت عرقانه وراسي بوجع , حاولت ارجع انام عالفاضي , وبعدين اتخيلت انو جرس الدار برن , وكعدت ازحف من التخت عشان اروح افتح الباب , عنجد كعدت كم دكيكه لما اوصلت , وكانت اختي اماني جايه هي وبناتها , كعدت حوالي ساعتين افطرنا واشربنا كهوه واتسهلت ..~ وهيني


||



؛



؛



؛

" احنا لازم نستحملهم ونقدر ظروفهم لانو هم عندهم مشاكل واحنا عنا كريم كراميل "
BeautifuL StrangeR متواجد حالياً   رد مع اقتباس
إضافة رد

مواقع النشر (المفضلة)


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه للموضوع مأساة روح {هالكه} في اوراق تائهه ~:
الموضوع كاتب الموضوع المنتدى مشاركات آخر مشاركة
>>||اوراق مبعثرة ||<< αвєη αℓ-αℓη∂ℓυѕ قسم الأرشيف والمواضيع المحذوفة 1 12-22-2013 10:12 PM
اوراق مبعثرة العاشق 2005 قسم الأرشيف والمواضيع المحذوفة 1 07-02-2010 10:34 PM
اوراق مبعثرة العاشق 2005 قسم الأرشيف والمواضيع المحذوفة 1 07-02-2010 10:34 PM
اوراق الحياة العاشق 2005 القسم العام 0 11-02-2008 09:50 AM
اوراق مبعثرة العاشق 2005 قسم الأدب العربي و العالمي 0 10-03-2008 03:50 AM

الساعة الآن 05:57 PM.


Powered by vBulletin® Copyright ©2000 - 2018, Jelsoft Enterprises Ltd.

كُل ما يُكتب أو يُنشر في منتديات العاشق يُمثل وجهة نظر الكاتب والناشر فحسب، ولا يمثل وجهه نظر الإدارة

rel="nofollow" maxseven simplicity and clarity